العربية بتسقف

**Drsherifishak** · 21-12-2013 05:42 AM

أنا معايا 301 هايلاين من 3 شهور و نصف و عاملة 5500 كم و هى ممتازة و الحمدلله بس انا ملاحظ من أسبوع حاجه عمرها ماكانت بتحصل قبل كده و هى ان العربية بتسقف لما أجى أدوس بنزين جامد شوية....في اﻷول طنش بس الموضوع ده بيتكرر كتير كذا مرة في كل المشاوير........ده ممكن يكون سببه ايه؟ مع العلم ان ده مكانش بيحصل قبل كده خالص........و شكرا مقدما

**dr.hazem** · 21-12-2013 06:06 AM

اما انك ممون من بنزينه وحشه او محتاج تروح للتوكيل يعملو ابديت للسوفتوير عشان يتوافق مع بنزيننا الجامد قوي..
تحياتي

Sent from my Xperia Arc S using Forum Runner

**Ahmed Amin** · 21-12-2013 06:30 AM

دا فعلاً من البنزين بتاعنا زي ما قال دكتور حازم.
ولما العربية تيجي تسقف شيل رجلك ودوس تاني براحة والتسقيف هيروح,
والصوت دا طبيعي جداً لان بنزين مصر كله كدا, إلا لو حطيت ٩٥ هيقل معاك جداً لحد ما يختفي.!
ودا طبعاً حل مش عملي.

**Drsherifishak** · 21-12-2013 04:44 PM

شكرا للجميع

**Drsherifishak** · 22-12-2013 08:07 AM

انا فعلا روحت مونت امبارح من بنزينة شل و عمال اجرب العربية و مش حاسس التسقيفة ديه تانى......شكرا للجميع......بس فيه حاجه تانية بقي......من ساعة ما جبت العربية و انا كنت بسمع صوت صفارة مع الفرامل.....هى الفرامل ممتازة و مازالت......لما عملت صيلنة ال 2500 فكوا التيل و صنفروه.....الصفارة راحت و انا فرحت بس بعدها بألف كم تقريبا رجعت تانى و بقيت مستديمه مع اى ضغطة فرامل......انا قلقان من الصفارة ديه و هى مزعجه الصراحة بس في نفس الوقت خايف حد يلعب في الفرامل.......يا تري فيه حد عنده أى رأى او اقتراح