نيسان صني 2015 سوبر صالون

**Beam28** · 29-05-2015 09:09 PM

بقالي فترة بادور على عربية جديدة اشتريها بعد ما بعت الآي تن اللي كانت معايا وكتر خيرها بس قررت ماركبش كوري تاني وعايز اركب حاجة ياباني (او من ريحة الياباني بالمقاييس الحالية مافيش ياباني 100% الا نادرا). المهم واحد صاحبي كان اشتري صني 2014 اول فئة اتوماتيك وكنت باركب معاه على طول بس كنت الصراحة مش مقتنع اوي بالعربية لحد ما طلعنا بيها مشوار طويل دمياط والصراحة كانت مريحة جدا ورائعة في السفر وعلى الطريق مطبات للصبح ولا الهوا والتكيف شغال تلاجة الله ينور. المهم يعني ابتديت اقتنع وقلت اطلع على اي معرض اتفرج على الفيس ليفت الجديدة وقد كان. رحت سمير ريان لقيتهم عارضين كل الفئات وشفت العربية على الطبيعة الصراحة يعني اتفاجئت الفيس ليفت الجديد عامل شغل حلو من برة. أول حاجتين قلت ابص عليهم عشان كانوا عاملين مشكلة في عربية صاحبي الكاوتش وتقل الباب في القفل. لقيتهم غيروا الكاوتش الماكسس وبقى بريدجستون والباب بقى افضل كتير من الاول ومش محتاج ترزعه عشان يتقفل. الصالون من جوة في السوبرصالون جميل جدا والفاميه الخلفي عامل شغل في الحر ده والقعدة عموما جميلة ومريحة. بصراحة العريية مقنعة جدا وزاد اقتناعي عن الاول. طبعا التخوف الوحيد من المشاكل اللي الاعضاء ذكروها زي الفرامل وخلافه بس كل ما افتكر الأي تن اقول عمر الصني ما هاتبقى اسوأ وكفاية في الأي تن كمبريسور التكيف وعلبة الدركسيون اللي باظوا والعربية لسة 60 الف كم.
المهم قلت برضه عشان ارضي غروري ابص عاللانسر الشارك. العربية حلوة بس تحس فيها انها قديمة ستايل قديم كده من عشر سنين فاتوا وطبعا ضيقة خصوصا في الخلف ومافيهاش ربع الكماليات اللي في الصني السوبر صالون واغلى بفارق يزيد عن 10 الاف جنيه. يعني مااعتفدش الفرق يستاهل الصراحة وغالبا هاكمل في سكة الصني.

**a7med ezz 20** · 29-05-2015 09:19 PM

برضوا بص علي السزوكي سياز ، انطباع الناس عنها رائع

**Beam28** · 29-05-2015 10:28 PM

المشاركة الأصلية كتبت بواسطة a7med ezz 20

برضوا بص علي السزوكي سياز ، انطباع الناس عنها رائع

فعلا هي في بالي بس مشكلة السوزوكي ندرة السيارات ولستة الحجوزات والاوفربرايس. يعني تخيل سمير ريان بجبروته عنده كل العربيات من كل الموديلات واني اشوف اي سوزوكي واقفة مالقيتش غير سوزوكي سويفت يتيمة واحدة عنده. المفروض السوزوكي دي تبقى العربية الشعبية في مصر (زي الهند كدة) بس للأسف حظنا منها قليل جدا.

**محمد 2014** · 01-06-2015 12:35 AM

شوف انا هقولك كلمتين من الاخر انا احترت كتير جدا عشان اجيب صلي استخاره وربنا هيكرمك بال فيها خيرك ان شاء الله
الحمد لله انا في الاخر جبت صني وربنا يحفظنا فيها ويحفظهلنا ويكرمك ان شاء الله

**Beam28** · 01-06-2015 09:12 PM

المشاركة الأصلية كتبت بواسطة محمد 2014

شوف انا هقولك كلمتين من الاخر انا احترت كتير جدا عشان اجيب صلي استخاره وربنا هيكرمك بال فيها خيرك ان شاء الله
الحمد لله انا في الاخر جبت صني وربنا يحفظنا فيها ويحفظهلنا ويكرمك ان شاء الله

شكرا جزيلا للنصيحة وربنا يباركلك في سيارتك ويرزقك خيرها.

**midostarmody** · 03-06-2015 01:55 PM

لكن يا اخى مش مقياس انك كنت راكب i10 معناه انك ركبت كورى اركب السيراتو وبعدها عالطول اركب الصنى وانطباعك اكيد هيكون ذى انطباعى لان واحد من اصدقائى راح جاب الصنى واتصل بيا بعد ما رخص وخلص وقالى تعالى اتفرج عليها وبالمناسبة انا قولت ليه قبل ما يشترى يقول وانا هعرض عليه انا وزمايلى من كتر ركوبنا للسيارات دى كلها اختيار ميندمش علية وفعلا رحت وكان بقيت الشلة تقريبا هناك المهم هو جاب سوبر صالون بحيث انو حكم على الكورى حكم مش سليم لان كان معاه اكسيل بس تشوف انطباعو لما شاف العربيات لما رحنا ودخل السيراتو والالنترا ندم وقال بالكلمة كده انا فلوسى راحت ده غير المشاكل الى يقبلها بعدين من العربية فكر كويس وانزل اى معرض وادخل العربيات الى تحبها وبص على السياز لان شكلها على الطريق ملفت بجد مش زى الصنى تحس ان عربية مشوهة مشية على الطريق وخصوصا بعد شكل الفنوس الغبى الى فى جددوه فيها

**salam100100** · 16-06-2015 05:47 PM

المشاركة الأصلية كتبت بواسطة محمد 2014

شوف انا هقولك كلمتين من الاخر انا احترت كتير جدا عشان اجيب صلي استخاره وربنا هيكرمك بال فيها خيرك ان شاء الله
الحمد لله انا في الاخر جبت صني وربنا يحفظنا فيها ويحفظهلنا ويكرمك ان شاء الله

مبرووك اولا
ايه انطباعاتك عن العربيه؟

**salam100100** · 17-06-2015 02:58 PM

المشاركة الأصلية كتبت بواسطة midostarmody

لكن يا اخى مش مقياس انك كنت راكب i10 معناه انك ركبت كورى اركب السيراتو وبعدها عالطول اركب الصنى وانطباعك اكيد هيكون ذى انطباعى لان واحد من اصدقائى راح جاب الصنى واتصل بيا بعد ما رخص وخلص وقالى تعالى اتفرج عليها وبالمناسبة انا قولت ليه قبل ما يشترى يقول وانا هعرض عليه انا وزمايلى من كتر ركوبنا للسيارات دى كلها اختيار ميندمش علية وفعلا رحت وكان بقيت الشلة تقريبا هناك المهم هو جاب سوبر صالون بحيث انو حكم على الكورى حكم مش سليم لان كان معاه اكسيل بس تشوف انطباعو لما شاف العربيات لما رحنا ودخل السيراتو والالنترا ندم وقال بالكلمة كده انا فلوسى راحت ده غير المشاكل الى يقبلها بعدين من العربية فكر كويس وانزل اى معرض وادخل العربيات الى تحبها وبص على السياز لان شكلها على الطريق ملفت بجد مش زى الصنى تحس ان عربية مشوهة مشية على الطريق وخصوصا بعد شكل الفنوس الغبى الى فى جددوه فيها

مقارنه غير عادله
1 السيراتو والالنترا اغلى بكتير من الصنى (يمكن ب 40 الف فرق)
2 السياز لسه جديده ومتجربتش بما فيه الكفايه فمحدش يقدر يقرر انها عربيه بدون مشاكل
3 المشاكل المتعارف عليها فالصنى "الفرامل" بالمناسبه انا لسه مشتكيتش منها. المهم ليها حل

الصنى فى رائ عربيه عمليه. انا مقتنع بيها وبسعرها وامكانيتها

**arc_sherif_81** · 17-06-2015 04:46 PM

شوف ال 301

**ahmedfrancais** · 18-06-2015 07:58 PM

الصنى فيس ليفت اعتقد انها تلافت مشاكل الصنى الشكل الجديد ...العربية معايا عاملة 5000 كيلو والحمد لله مفيش فيها اى مشاكل نهائى لحد دلوقتى.. انا مقتنع بيها جدااا ..من باب العدل اننا مانقارنش بين السيراتوا و الانترا والنبيسان صينى لنهم مش نفس الفئة السعرية .. السياز عربية محترمة بس لسه محدش جربها ومشكلتها الوكيل بتاعها