بيجو 508 أفضل من فولفو s80 !!!

**ENG.MaRk** · 04-06-2015 02:09 PM

جاري و صديقي اشتري فولفو S80 و صمم إني أجربها علشان هو بيثق في رأيي في العربيات مع إني غلبان و علي قدي :)
المهم أنا قررت أعملها اختبار صعب شوية ف قرصت عليها و جربتها في ملفات صعبة و ماحستش بأي فرق يذكر عن البيجو لا في السحب ولا الثبات ... الاتنين 1.6 و نفس العزم (240 N.m) لكن الاختلاف في الhorsepower لصالح الفولفو بفرق 17 hp و ده فرق لا يذكر ... الفولفو 180 و البيجو 163 ... البيجو التابلوه و الدريكسيون و الgearbox stick شكلاً أحلي من الفولفو لكن بالنسبة للخامات الفولفو أحسن خصوصاً الأبنوس ... الاتنين شكلهم حلو لكن البيجو تحس فيها بلمسات رياضية و الفولفو شكلها كلاسيكي ... الاتنين كمالياتهم ممتازة و مرضية جداً و خصوصاً إن أنا معايا البيجو هاي لاين ... الفولفو تتفوق في الblind spots و الadaptive cruise control و شكل العدادت تحفة ... العربيتين 95 للحصول علي أفضل أداء و إن كان 92 مسموح بيه ... ماقعدتش علي الكنبة الخلفية للفولفو لكن المساحة للقدمين و الرأس ممتازة في الاتنين ... حاسس إن dimensions البيجو أكبر و إن كان الفرق غير محسوس لكبر العربيتين نسبياً ... الفولفو سواء الS60 أو الS80 سعرهم غالي و إن كان لازم يقل تمنهم 60000 علي الأقل علشان يقدروا ينافسوا لأني حاسس إن الانسيجنيا و ال508 منافسين جامدين جداً ليهم و يتفوقوا عليهم في بعض النقاط كمان ... فرق السعر 100000 للهاي لاين في الاتنين و 50000 بين أقل فئة فولفو S80 و هاي لاين بيجو ... من الآخر وفر فلوسك و اركب انسيجنيا (مع بعض التحفظات) أو 508 أو فيوجن (مع العلم إني ماجربتهاش شخصياً) يا إما تزود 40000 و تجيب بي ام 320i f30 أو Mercedes C180 ... عذراً لكل ملاك الفولفو مسبقاً إن اختلفت معكم في بعض النقاط و ده مش دفاع عن البيجو ولا ترويج ليها لكن العربية الحمد لله ماشفتش منها حاجة وحشة و حاسس إن فولفو واخدة أكتر من حقها بالغم من إني كان معايا XC90 و كنت بأعشقها لكن أسعار الفولفو في مصر غريبة ... تقبلوا تحياتي :)

**Mecha** · 04-06-2015 02:44 PM

في رأيي الضعيف ,في تصنيف الاوروبي الفولفو كمجاميع ميكانيكيه متفوقه

**Adnfalcon** · 04-06-2015 03:31 PM

الفولفو لازم بيكون سعرها عالي بعيدا عن جشع التوكيلات وكده
ﻷن هي بتتميز بتجهيزات للأمان أكتر من اي عربيه تانيه غالبا

**ENG.MaRk** · 04-06-2015 05:47 PM

المشاركة الأصلية كتبت بواسطة Mecha

في رأيي الضعيف ,في تصنيف الاوروبي الفولفو كمجاميع ميكانيكيه متفوقه

رأيك يحترم يا فندم لكن أنا ماشفتش فرق في الجودة الميكانيكية أو التقفيل بينها و بين البيجو و أنا من عشاق الفولفو و تاني أكتر Brand بحبها بعد Mercedes ... أنا مش بقول فولفو وحشة لكن مستغرب ليه سعرها عالي جداً كدة في مصر و هي ماتستاهلش و خصوصاً إنها مش فارقة كتير عن المنافسين اللي في فئة سعرية أقل و اللي يمكن يكونوا متفوقين عليها في بعض النقاط ... تحياتي :)

**ENG.MaRk** · 04-06-2015 05:56 PM

المشاركة الأصلية كتبت بواسطة Adnfalcon

الفولفو لازم بيكون سعرها عالي بعيدا عن جشع التوكيلات وكده
ﻷن هي بتتميز بتجهيزات للأمان أكتر من اي عربيه تانيه غالبا

علي اعتبار إنها تفرق في وسائل الأمان عن الباقي هل الفرق يستاهل 100000 ؟!
أعتقد والله أعلم إني لو لا قدر الله عملت حادثة بالاتنين هأطلع من الاتنين بنفس النتيجة لأن أمان الانسيجنيا أو البيجو ممتاز ولا يقل عن الفولفو و بعدين برة مصر بيسموا فولفو "مرسيدس بتاعت الغلابة" علي أساس إنها بتديك نفس مستوي أمان و رفاهية مرسيدس بسعر أقل بكثير لكن في مصر بقي هذا المثل غير صحيح لأنها أغلي من البي ام 316i f30 بكل فئاتها و بنفس ثمن أول فئة 320i و أرخص من مرسيدس C180 بفرق 50000 فهل الكلام ده يعقل ؟!
أنا بحب فولفو جداً لكن حاسس إنها تابعة لجشع التوكيلات ... تحياتي :)

**عﻻء سالمان** · 04-06-2015 10:08 PM

انا عاشق للفولفو s80بس العين بصيرة ملناش فيهل نصيب برغم ان فى تيسيرات وعروض مغرية على كسر الزيرو 2013 و 2014 اﻻ ان حظها قليل فى مصر عربية ﻻرج تعادل المرسيدس 200 والبى ام الفئة الخامسة اكيد لو اتخيرت بينها وبين اى عربية دى سيجمينت هختار الﻻرج دا غير ان هيكلها وصاجها ما شاء الله مدرع العربيى دى فيها مشكلتين اولهم ان الناس مش حاسة بقيمتها وبيقارنوها بحاجات اقل من مستواها دى سيارة صاحبة اطول عمر افتراضى 20 سنة والتانية ان اﻻمان العالى فيها ممكن يجيب نتيجة عكسية ﻻنة بيغلب تقدير كاميرا الكمبيوتر على تقدير السائق و ممكن الكاميرا تدى اوردر للتخفيف او الفرملة رغما عن ارادة السائق ويكون السبب مثﻻ واحد معدى بعجلة امام العربية مبتاخدش فرصة انك تعمل غرزة عشان تتفاداة العربية هيا الى بتصرف بالنيابة عنك.

**Mecha** · 04-06-2015 10:43 PM

صحح لي بعد اذنك المواصفات دي لل S60 اللي 1.6L??
اتفق معاك في جشع التوكيلات ,وهتلاقي جموح في الاسعار بالمقارنة بعربيات في دول اخري ,الوكلاء في مصر بيلعبوا علي ال Charm سحر العربيه ,الفولفو سحرت الناس في مصر من السبعينات كماركة متفردة وراقيه. وحاليا قياس مع الفارق الكورولا .وبردك المرسيدس العلامة الوحيده للغني والثروه في مصر.

**ENG.MaRk** · 08-06-2015 04:17 PM

المشاركة الأصلية كتبت بواسطة عﻻء سالمان

انا عاشق للفولفو s80بس العين بصيرة ملناش فيهل نصيب برغم ان فى تيسيرات وعروض مغرية على كسر الزيرو 2013 و 2014 اﻻ ان حظها قليل فى مصر عربية ﻻرج تعادل المرسيدس 200 والبى ام الفئة الخامسة اكيد لو اتخيرت بينها وبين اى عربية دى سيجمينت هختار الﻻرج دا غير ان هيكلها وصاجها ما شاء الله مدرع العربيى دى فيها مشكلتين اولهم ان الناس مش حاسة بقيمتها وبيقارنوها بحاجات اقل من مستواها دى سيارة صاحبة اطول عمر افتراضى 20 سنة والتانية ان اﻻمان العالى فيها ممكن يجيب نتيجة عكسية ﻻنة بيغلب تقدير كاميرا الكمبيوتر على تقدير السائق و ممكن الكاميرا تدى اوردر للتخفيف او الفرملة رغما عن ارادة السائق ويكون السبب مثﻻ واحد معدى بعجلة امام العربية مبتاخدش فرصة انك تعمل غرزة عشان تتفاداة العربية هيا الى بتصرف بالنيابة عنك.

عذراً لأني هأختلف مع حضرتك في الرأي لكن أنا متأكد إن ال508 و الانسيجنيا كقيمة مقابل سعر أفضل من الS80 و ديه حرية في الرأي لكن اعذرني الS80 لا تقارن نهائياً بالفئة الخامسة BMW أو Mercedes E-class ... الفولفو T4 (اللي بتنزل مصر) لا يمكن تتقارن أبداً بمرسيدس و بي ام الفءة الخامسة و لكن يمكن T5 و T6 يتقارنوا بيهم لأن مواتيرهم قوية و دفع خلفي و رباعي و عدد رهيب من الoptions

**أحمد محمد** · 29-06-2015 05:28 PM

المشاركة الأصلية كتبت بواسطة ENG.MaRk

عذراً لأني هأختلف مع حضرتك في الرأي لكن أنا متأكد إن ال508 و الانسيجنيا كقيمة مقابل سعر أفضل من الS80 و ديه حرية في الرأي لكن اعذرني الS80 لا تقارن نهائياً بالفئة الخامسة BMW أو Mercedes E-class ... الفولفو T4 (اللي بتنزل مصر) لا يمكن تتقارن أبداً بمرسيدس و بي ام الفءة الخامسة و لكن يمكن T5 و T6 يتقارنوا بيهم لأن مواتيرهم قوية و دفع خلفي و رباعي و عدد رهيب من الoptions

أؤيد ما قلت. وهذا ما ذكرته تمامًا في مقدمة موضوعي في التوقيع. الفولفو S80 Premium تعادل في مواصفاتها الأوبل الإنسيجنيا والبيجو 508، وكذلك الفولكس فاجن CC. ربما أنها إجمالًا أرقى، ولكن في مقابل ذلك هناك فرق في السعر حوالي 100 ألف جنيه، هذا بالإضافة إلى أسعار قطع الغيار الغالية جدًا، فقد قرأت في أحد المواضيع أن مرآة الجنب مثلًا والتي بها كاميرا الـ "Blind spot" سعرها حوالي 12 ألف جنيه !

وفي المقابل ستأخذ من الأوبل والبيجو ما ستأخذه من الفولفو - إن لم يكن أكثر - بسعر مناسب وربما إعادة بيع أفضل.

سؤالي لك، ما هو تحفظك على أوبل إنسيجنيا الذي ذكرته؟ فملاكها يبدون رضاهم عنها دائمًا، ويقولون أن ما يطلق عليها أغلبه إشاعات، وما عدا ذلك ربما حالات فردية. وتجربتهم للسيارة خير برهان؟

**ENG.MaRk** · 29-06-2015 06:18 PM

المشاركة الأصلية كتبت بواسطة أحمد محمد

سؤالي لك، ما هو تحفظك على أوبل إنسيجنيا الذي ذكرته؟ فملاكها يبدون رضاهم عنها دائمًا، ويقولون أن ما يطلق عليها أغلبه إشاعات، وما عدا ذلك ربما حالات فردية. وتجربتهم للسيارة خير برهان؟

التحفظ الوحيد هو أنها حساسة لبنزين 95 مش زي البي508 و ممكن ال92 يعملها مشاكل و بالفعل بعض أصحابها واجهوا مشاكل

الموضوع: بيجو 508 أفضل من فولفو s80 !!!

LinkBack

أدوات الموضوع

عرض

-

-

-

-

المواضيع المتشابهه

أيهما أفضل بيجو 301 او سيتروين سى اليزية ؟؟

للفخامه و القوه عنوان حصرىا مقارنه بين vw باسات و سيتروين ds5 و فولفو s60 و بيجو 508

أيهما أفضل باسات 2014 ولا فولفو s60/80

«بيجو 301»... أفضل سيدان صغيرة

مطلوب المساعدة في المقارنة بين بيجو 508 و فولفو s60 و سيتروين c5

الكلمات الدلالية لهذا الموضوع

المفضلات

المفضلات

ضوابط المشاركة