الموضوع: خلاصة الكلام في الفروقات بين لوجان وسانديرو وستيب واي

السلام عليكم
بما إن الويب سايت بتاع رينو مصر ملبخ آخر لبخ في المواصفات ومتعرفش تطلع منه بحاجة مفيدة ودقيقة والأدمن بتاع صفحة الفيس بوك حافظ مش فاهم وكوبي بيست من غير ما يشوف انت بتسأل على ايه أصلا ده لو رد عليك أساسا ! وتيجي تبص في بروشور الستيب واي تلاقيه حاططلك صورة المقصورة الداخلية بتاعة السانديرو اللي فيها التكييف التاتش مش البكر ! وتيجي تحمل بروشور اللوجان العادية تلاقيه بيحملك اللوجان MCV وآخر عك بصراحة ، فعايزين هنا نعمل مرجع لكل الفروقات الصحيحة بين ال3 أنواع علشان كل واحد يبقى عارف هو محتاج إيه بالضبط لأني بعد ما نويت على الستيب واي لقيتهم شايلين منها حاجات مهمة مينفعش تتشال ونفس الأمر بالنسبة للسانديرو وهي السياسة التسويقية الفاشلة المعروفة بتاعة متحطش كل المميزات في عربية واحدة علشان نعرف نبيع التانيين !
أنا هتكلم هنا عن أعلى فئة اوتوماتيك في ال3 أنواع
الجدول ده حسب اللي وصلت ليه بعد بحث كتير وسؤال أعضاء في المنتدى فياريت لو في حاجة غلط حد ينبهني أعدلها بس يكون كلام أكيد عن رؤية على الواقع مش سماع أو قراءة من النت