الموضوع: ضبط CO potentiometer (رجاء اللى ضبطة لايبخل بالمعلومة)

هو البتاع ده عندى فى العربية و هتجنن واعرف بيعمل ايه
و برده محدش لعب فيه من الزيرو
والعربية عندى فيها رجة بردو بس انا كنت بقول عادى ماهو مع الوقت مفيش موتور عيفضل ناعم زى ماكان فى الزيرو
ياريت نعرف دى ممكن تفيد ازاى
والضبط سهل ولا لازم الجهاز ؟!!!

بص يا سيدى دة بالضبط ذى حساس الاكسجين بس طبعا فى الفارق
البوتنشميتر دة نظام بدائى نزل فى محركات الحقن اليكترونى وبيضبط على قيمة اقرب الى الحريق المثالى وبيشتغل فى حدود 460 مللى فولت ولو فى حاحة فى الحريق مش مضبوطة ذى رشاشات مسدودة او بوجيهات مش بتحرق هو بردو شغال على نفس النسبة ومش هيتغير وهتاكل بنزين بغباء.
لكن حساس الاكسجين دة بيضبط كل ثانية نظام الحريق حسب نسبة الاكسجين فى العادم وبيشتغل فى حدود 100 الى 900 مللى فولت وطبعا دة بيوفر فى البنزين .
ولو محدش لعب فيه من الزيرو انصحل محدش يجى جنبه.
ممكن تكون الرشاشات عايزة تنضف او فى رشاش بيسيل او بوجيهات او سلك بوجيهات او قواعد موتور او طرمبة بنزين ضعيفة
ولو مغيرتش رشاشات قبل كدة يبقى ممكن يكزن فى رشاش بيسيل.
بس كل دة متوقف العربية بيتعمل كام لتر فى 100 ك المفروض 6.6لتر
خلى بالك العربيات الدايو نصف كاملة دى مقلب فى كل حاجة.
انا لما كنت بشترى العربية دية فى 2007 مندوب المبيعات بتاع ابو غالى قالى ان الفرق 2500 بين الكاملة والنصف كاملة لكن ان انصحك بالكاملة لان افرق لاوبشنز بتاعة الكاملة يساوى اكتر من 7000 جنية ومصدقتش كلامة ومع التجربة لقيت ان كلامة سليم
الرشاشات بعد 40.000 ك كانت بتسيل ومحتاجة تتغير والموتور نفسة مختلف عن الكاملة واول اختلاف اللى هو موضوعنا دة
لان المواتير دية اللى من غير حساس اكسجين بتبقى رخيصة جدا فى اوروبا لان موضوع البيئة دة بيفرق معاهم اوى وفى القانون بتاعهم كمان كمان egr ,ومبخر البنزين كل دى حاجات بتفرق فى استهلاك الوقود.
واضح ان الحاجة الفرز التانى كانت بتروح للنصف كاملة وما خفى كان اعظم
بس فى حاجة حلوة هى استجابة العربيات النصف كاملة اسرع بكتير من العربيات الكاملة.
ان شاء اللة موضوع الضبط سهل قوى هيحتاج افوميتر بس.
وعلى فكرة انت لو عندك افو ممكن تقيس الجهد اللى راجع للكنترول ذى ما شرحت فوق.
معلش طولت عليك

لو عايز تريح دماغك هات كنترول الكامله 300 ج و الحساس استيراد 100 ج و مبروك كده بقت زي الكامله
انا عملت كده و الموضوع الحمدلله بسيط
اي استفسارات انا تحت امرك

المشاركة الأصلية كتبت بواسطة lutenit030

لو عايز تريح دماغك هات كنترول الكامله 300 ج و الحساس استيراد 100 ج و مبروك كده بقت زي الكامله
انا عملت كده و الموضوع الحمدلله بسيط
اي استفسارات انا تحت امرك

شكرا على ذوقك اولا
هى فكرة بس كدة الميزانية خرمت .

اسف للمقاطعه محدش يعرف ميكانيكي لانوس محترم في الاسكندريه

المشاركة الأصلية كتبت بواسطة sherif_sur

اسف للمقاطعه محدش يعرف ميكانيكي لانوس محترم في الاسكندريه

للاسف انا مش موجود فى الاسكندرية.
انا مش عارف اقول اية بصراحة!!!! مفيش حد عندة البوتنشميتر يقيس الفولت او المقاومة؟؟؟؟