الموضوع: للحصول على تبريد اقوى والتخلص من رائحة التكيف المزعجه

سيدي الفاضل اولا اشكرك علي نقل التجربة والجهد الجهيد فيها بس لي تعليق لو تسمح علي تجربتك
مهمة الزيت الاساسية في دورة الفريون التزييت المستمر للكومبرسور والذي يمكن ان يشكل مشكلة بدوران الفريون في الدورة وتحوله من ضغط منخفض الي ضغط اعلي بيسحب دوما كم من زيت الكومبرسور الي باقي الدورة وبالتالي لو انخفض كمية الزيت بيسخن الضاغط وبيبتدي يعمل رواسب تسد الدورة وبالتالي كفاءة التبريد
وبالتالي وجب انة بكل مرة باشحن الفريون الاولي اشوف حالة زيت الضاغط عن طريق مقاس الزيت او طبة التزييت في الضاغط افضل مكان للكشف علي حالة الزيت كذلك لو فكيت اي جزء رئيسي زي المكثف او التلاجة او صمام التمدد وجب تزويد كمية زيت تعادل 5-8 سم مكعب تقريبا لكل دورات عربيات الركوب الملاكي لتعويض كمية الزيت
بس المهم درجة لزوجة الزيت اللي موجود لازم اجيب نفس درجة اللزوجة وكلمة ان زيت مخصص لفريون 134 مش كافي لان تصنيف الزيت باللزوجة وخواص الزيت سواء معدني او تخليقي اصبحت مشكلة وزيت بالزوجة علي زيت بلزوجة تانية بيدمر الضاغط لانة ببساطة بيفقد خواصة وبيزيد التاكل والنحر وبيتلف السيلات بتاعة الضاغط بل وهاتطرف اكتر انة كارثة لو كان بيمتص الرطوبة ويحتفظ بيها لان بانخفاض الضغط عند صمام التمدد ابخرة المياة في الزيت بتتكثف وتتجمد وتسد الدورة نهائيا
دة بالنسبة للزيت
طيب خطوات شحن الفريون برضة مشكلة لان الشحن لية قواعد ومش مجرد اني بافضي الدورة واحط زيت واقفل البلوف واشحن يبقي الشحن تمام وبالاخص لو باستعمل عداد احادي
الطريقة المضبوطة للشحن لازم اجيب منيفلود بعدادين واحد للضغط العالي والتاني للمنخفض ولازم اوصل طرفي الدورة بعد الكومبرسور في اتجاة التلاجة بالضغط العالي والراجع من التلاجة قبل الكومبرسور بالضغط المنخفض (العداد والخرطوم الازرق)ودة بالذات اللي كل تعاملي معاه ....مهم جدا التاكد من خلو الدورة من الهواء لان اي رطوبة في الدورة وبالاخص في مصر صعب جدا تلاقي فلتر دراير للدورة في محلات قطع الغيار وبالتالي الدراير بيفضل الي ماشاء الله لو فضلت ادخله هواء مشبع بالرطوبة لفترات طويلة بيبوظ ويتحللل تبتدي جزيئات الكربون تتحلل وتمشي في الدورة من خلال التلاجة الي الكومبرسور وتتلفة وبالتالي مهم جدا عمل الفاكيوم للدورة لان بالخلخلة بيتبخر اي اثر للمياة في الدورة واضمن جفاف الدورة ونقاء غاز التبريد
ومهم اعمل اختبار خلخلة لمدة لا تقل عن 20 دقيقة للتاكد من ان الدورة مافيهاش تسريب طبعا باستخدم موتور تلاجة قديم او طلمبة فاكيوم بس غالية شوية للموضوع دة
لما باشحن مهم جدا اني قبل ما اوصل خرطوم الفريون اللي ركبتة في انبوبة الفريون بالمنيفلود افتحه شوية علشان اهرب الهواء من داخل الخرطوم كذلك الخرطوم الازرق لناحية البلف باهوية شوية قبل البلف وانا فاتح حنفية الفريون لنفس الغرض
مهم جدا الوضع الرأسي لانبوب الفريون لاسمحله بدخول الغاز غير مضغوط للدورة لان سائل الفريون لو دخل علي الكومبرسور هيتلفة لانة اساسا مضغوط ..فهتضغط تاني ازاي ودة خطاء بيقع فية كل الفنيين تقريبا بانة بيقلب وضع انبوب الفريون
باشحن الدورة لغاية ما تستقر القراءات للدورة المنخفضة 30 (الاخرطوم والعداد الازرق) و170-190 للضغط العالي (العداد والخرطوم الاحمر ) دة تقريبا ثابت لكل العربيات الملاكي ودة طبعا لتعذر وزن الانبوبة في حالة الشحن عندنا في مصر
طيب باعرف ان الشحن كافي ازاي باني بابطل العربية واشوف اتزان الدورة ان العدادين بيقروا علي 70 وبالتالي باتاكد من كفاية الشحن وسلامة الدورة وعدم وجود اانسداد ومبروك عليك التكييف
غير كدة يبقي لازم اعمل اناليسيس للدورة واشوف المشكلة فين ودة موضوع تاني
اللي حصل معاك ان الدورة كانت فريونها مش كافي ومشبع بالهواء وبالتالي لما شحنت بفريون جديد طلع نسبة كبيرة من الهواء الموجود وبالتالي كفائة التكييف اتحسنت بس ياريت لو تتصرف في ترمومتر وتشوف هواء التبريد من فتحات الهواء بين 6-8 درجات يبقي الدورة تمام جاد غير كدة يبقي لسة فيها هواء وهواء يعني رطوبة علي المدي البعيد صداء وتلف الضاغط او صمام التمدد او تاكل في التلاجة والمكثف
وكل عام وانت باطيب صحة وسعادة بمناسبة العيد واعذرني علي تدخلي

شكرا اخى الفاضل للتوضيح والبيان اكيد حضرتك اعلم منى كثيرا لا حرمنا الله افضالك..ولكن لى تعليق فى وضوع سهب الهواء من الدوره ليه يا فندم لا افتح صمام الضغط العالى فى بداية الشحن حتى ما اضعه من فريون يتسرب من الضغط العالى ومعه ما تبقى فى الدوره من هواء بالظبط زى سحب الهوا من دورة تبريد الموتور ...ايضا كمية الزيت 135 سم مكعب دى يا فندم جايبها من كتالوج لكل سياره كمية الفريوم وزيته ولزوجته ... مره اخرى شاكر لحضرتك جدا جهدك وارجو لو فى خطأ فى كلامى التصحيح من حضرتك وشكرا

الاستاذ الفاضل استاذ ايمن تحيه طيبه ومشكور جدا لرد حضرتك .. هو بالنسبه للصور انا للاسف لم اقم بتصوير العمل لكن اعد حضرتك فى المحاوله للحصول على صور توضيحيه اعزك الله

المشاركة الأصلية كتبت بواسطة mohamedadelemam

شكرا اخى الفاضل للتوضيح والبيان اكيد حضرتك اعلم منى كثيرا لا حرمنا الله افضالك..ولكن لى تعليق فى وضوع سهب الهواء من الدوره ليه يا فندم لا افتح صمام الضغط العالى فى بداية الشحن حتى ما اضعه من فريون يتسرب من الضغط العالى ومعه ما تبقى فى الدوره من هواء بالظبط زى سحب الهوا من دورة تبريد الموتور ...ايضا كمية الزيت 135 سم مكعب دى يا فندم جايبها من كتالوج لكل سياره كمية الفريوم وزيته ولزوجته ... مره اخرى شاكر لحضرتك جدا جهدك وارجو لو فى خطأ فى كلامى التصحيح من حضرتك وشكرا

سيدي الفاضل تحياتي ليك واسف علي التاخير لظروف العيد ....سيدي فتح صمام الضغط العالي لتفريغ الفريون مش هيعمل خلخلة للرطوبة ان كاتت موجودة في دورة التكييف كذلك بالنسبة لاخراج الفريون القديم والتخلص منه في الهواء الجوي ضار بالبيئة حتي لو كان 134 بالاضافة للسماح بهروب كمية من زيت التزييت مع خروج الفريون نتيجة للضغط العالي ....بس ممكن افرغ تحت الكنترول بفتح الصمام جزئيا دون تشغيل الكومبرسور بس مش هيفؤغ كامل الدورة ولا حيشيل الرطوبة ولازم طلمبة فاكيوم للخلخلة وتجفيف كامل الدورة وما تكتفيش ابدا بازالة الفريون القديم وضخ الجديد خصوصا في جو درجة حرارتة مرتفعة والرطوبة فية عالية زي اليومين دول
كمية الزيت المذكورة في الكتالوج تخص تزييت الكومبرسور والدورة وبالتالي برضة انا لما بافك كومبرسور لصيانة او اصلاح باقيس كمية الزيت اللي فية بتفريغة وقياس كميتة واستبدالة في الضرورة بزيت جديد نقي من الشوائب مطابق او اقرب ما يكون لخواص الزيت المفرغ او باغير خالص جميع الزيت اللي في الدورة باني باعمل فلاش للدورة وغسيل بالكحول وبعدين باضخ نيتروجين للتاكد من سلامة جميع الوصلات وبعدة فاكيوم ثم الشحن .....دة اللي اتعلمتة والموصي بية في مراكز خدمة التكييف المعتمدة سواء ساندن او ديافيا او غيرة
وبعد اضافة زيت الكوبرسور بازود زيت للدورة عن طريق الخلخلة برضة بسحب كمية الزيت المطلوبة بعد تركيب الكوبرسور بالزيت الجديد المماثل لنفس الكمية المفرغة وباعمل فاكيوم واسحب باقي الكمية من بلفين التكييف العالي والمنخفض بالتساوي بالتقريب ...بس باسحب ابخرة الفريون عن طريق الضغط المنخفض علشان ضغط الدورة يسمح بسحب الفريون الجديد

شاكر التوضيح يا فندم

كنت شحنت من شهرين تقريبا والسربنتينه عندي مليانه لحامات فطبعا فيه ضغوط عاليه هل هتأثر على حاجه؟
الشحن تم بعمل فاكيوم وبعد الانتهاء تم اضافه زيت بعد الفاكيوم ثم الشحن باسطوانه 500 جرام كامله

المشاركة الأصلية كتبت بواسطة michohat

كنت شحنت من شهرين تقريبا والسربنتينه عندي مليانه لحامات فطبعا فيه ضغوط عاليه هل هتأثر على حاجه؟
الشحن تم بعمل فاكيوم وبعد الانتهاء تم اضافه زيت بعد الفاكيوم ثم الشحن باسطوانه 500 جرام كامله

سيدي الفاضل كل سنةوحضرتك بافضل صحة وسعادة وتحياتي ليك واسفي علي التاخير في الرد
اللي فهمته ان حضرتك المكثف اتعمل فية لحامات وبالتاكيد لحامات الومنيوم ولو القائم باللحام عمل اللحام مضبوط مافيهوش عيوب يبقي الحال تمام ممكن بسهولة تكشف علي المكثف واجزاء الدورة باستخدام سفنجة ومحلول بيريل بالمياة مرغي رغاوي واملء اي منطقة شاكك انها بتسرب بالرغاوي لو الرغاوي كبرت يبقي فية تنفيس ودي اسهل طريقة واقلها تكلفة ومافيش مشكلة والعربية دورة الشحن بتاخد من 500-800 جرام لعربيات الركوب عموما وممكن تشتري ترمومتر رقمي من بتوع لوازم التكييف في اخر شارع الجمهورية مش عارف المنطقة اسمها اية الصراحة وتراقب حرارة هواء التبيرد الخارج من مخاج هواء التكييف في التابلوة لو الحرارة بتتراوح بين 6-8 درجات يبقي الشحن تمام لو الحرارة ما بتنزلش للدرجات دي يبقي لازم استخدم المنيفلود لقياس ضغوط فريون الدورة وانها بتكون 170-180 للعداد الاحمر والجهه اللي بين المكثف وصمام التمدد (الثلاجة) و27-30 للعداد الازرق الواصل بين الثلاجة والضاغط غير كدة لازم تشحن فريون