للحصول على تبريد اقوى والتخلص من رائحة التكيف المزعجه
السلام عليكم ورحمة الله أولا عيد سعيد على حضراتكم جميعا وبارك الله فيكم....
انا تكيف سيارتى بيجو 605 مع دخول الصيف ونقص الفريون كنت دايما اشحنه بافضل انواع موجوده فى السوق من شارع نجيب الريحانى بوسط القاهره ...لفت انتباهى موضوع على منتدى اجنبى عن اهمية زيت الفريون وانه بيمتص الرطوبه من الفريوم وبيمنع روائح التكيف وبيحسن اداؤه.. توكلت على الله ونزلت اشتريت كيلو زيت فريون 134 ب80 جنيه وكيلو فريون اخوان رزق ب50 جنيه وبقراءة الكتالوج لقيتها بتاخد 135 مللى و890 جرام فريون.. فقمت بفك البلفين للضغط العالى والمنخفض وباستخدام سرنجه 10 سم قمت بملؤه بالزيت على عدة مرات ثم قفل البلوف والشحن بالتقريب كيلو الا ربع ... فى بادئ الامر تبريده كان سئ للغايه وبدأت اندم على تدخلى فيه ولكن كما قال الكتالوج بتركها لتهدأ بدون تكيف 24 ساعه وبالتجربه بعدها تكيف السياره اصبح ماشاء الله لا قوة الا بالله مثل تكيف البيت فى عز الحر علما انى مش مركب ستاير ولا فاميه والعربيه بتبقى نار والعياذ بالله ...حبيت انقل تجربتى لانى عمرى ما شوفت حد بتاع تكيف بيحط زيت واى استفسار انا تحت امركم