ياجماعة انا لسه مش لاقي حل أرجوكم ساعدوني في نيسان صني أوتوماتيك 2007

**mohamed amer** · 16-08-2015 04:44 PM

عربيتي نيسان صني 2007 أوتوماتيك

أنا عندي مشكلة كبيرة بقالها معايا كذا شهر

وهي ان العربية كانت بتسخن معايا على السرعة بس فروحت للميكانيكي قالي اغسل دورة التبريد

فغسلت الريداتير وسيخته من جوا وبتاع الريداتير قالي الريداتير بتاعك جديد ونضيف فقالي السربنتينة

بتاعة التكييف مسدده وفي ريش مفدغه فروحت شاري سربنتينه جديدة وشاحن التكييف من أول وجديد

ولقيت العيب هو هو فغيرت الترموستات فموضوع السخونية يعتبر قل كتير بس الي حصل جديد ان المياه

في القربة شويه ألاقيها زايدة عن المعدل الي انا كنت حاطه فيها وشويه ألاقيها ناقصة وفي كل الحالات

المياه بتغلي فيها وفي فقعات مياه بتطلع من تحت لفوق في القربة فالميكانيكي قالي غير غطاء

الريداتير فغيرته بغطاء أصلي استيراد حالته ممتازة إلا أن المشكلة لا تزال موجودة شويه ألاقي المياه

زايدة في الإربة عن المعدل الي كنت مزوده وده لما أكون راجع من مشوار طويل وشوية ألاقيها

ناقصه في حين ان المياه في الريداتير مش بلاقيها ناقصة لما أسيب العربية تبرد واكشف عليه بلاقيها

زي ماهي ؟

وكل الميكانيكيه الي شافو العربية بيستبعدو موضوع جيوان وش السلندر على أساس ان الزيت مش

مطحن وان المياه مش بتنقص من الريداتير وان العربية مش بتسخن دلوقتي حتى وانا على ال 120 أو

140 ومن يومين كنت راجع من شرم الشيخ وطول الطريق كنت مشغل التكييف وماشي على ال 120 وال

140 وكل الي حصل اني لاقيت القربة بتغلي والمايه زايده فيها وده بعد ماعملت كللللل الي حكيتلكم

عليه .

أفيدوني بالله عليكم أنا مش بعرف أنام منها ومن كتر الحيره

**lancer06** · 16-08-2015 05:07 PM

السلام عليكم ورحمة الله وبركاتة
مرحبا أخى الكريم
المشكلة عندك بنسبة كبيرة من المراوح راجع على فيشة المراوح لانها ممكن تكون بتشتغل وتفصل
وتأكد من فيوزها

**ahmed9003** · 16-08-2015 06:12 PM

يا فندم احنا عندنا نفس المشكلة مع الفيرنا

وادى اللينك بتاعها

http://www.nilemotors.net/Nile/473759-a.html

وكمان فى الانسر

http://www.nilemotors.net/Nile/473759-a.html

والحل من عند ربنا .. مش عارفيين نعمل ايه

**ahmed9003** · 16-08-2015 06:15 PM

انا اسف دا اللينك بتاع نفس المشكلة فى الانسر

http://www.nilemotors.net/Nile/472593-120.html

**mohamed amer** · 16-08-2015 06:28 PM

الكهربائي بيقولي المراوح تمام .
هو في عفريت ياجماعة ولا ايه انا مش عارف انام من الحيره ههههه

**AHMADKAMAL1** · 19-08-2015 03:33 PM

مش ناقص غير انك تغير طرمبة المية وتغير الكتاوت بتاعت المرواح واخر حاجه بص علي حساس الحرارة اللي جوة الماتور مش بتاع الكوعه

**mohamed amer** · 20-08-2015 06:18 AM

تم تغيير الريداتير انهارده ﻷن الميكانيكي قالي ممكن يبقى الريداتير متسلك ومايبردش العربية على النحو المطلوب برضو ﻷنه تلف من جوا . فغيرته وانا حاسس ان الريداتير بتاعي سليم . ولسه هجرب واقولكم .
وبالنسبة لطلمبة الميه الكل بيقولي تقليبها حلو ومش بتسرب وبالنسبة للمراوح فهي شغاله على السرعتين بتوعها وفي التوقيت المناسب فهل ممكن يكون جيوان وش سلندر لو الميه غلت في اﻹربة تاني ونقصت . مع ان سحب العربية حلو ومش بتسقف وصوت الموتور برضو والميه مش بتنقص في الريداتير دي بتنقص من اﻹربة بعد غليانها .؟ ما رأيكم

**megodahab** · 22-08-2015 05:16 AM

ممكن اقولك المراوح لو العربيه بتسخن وهيه واقفه لكن دي بتسخن وهيه ماشيه علي سرعات عاليه يعني هوا طبيعي بيضرب بالردياتير ضرب يبرد الحديد يعني مش مراوح ده احتمال كبير جدا جوان سلندر لانها حصلت معايه بجيب شيروكي وغيرت غطا الردياتير ومفيش فايده وركبت مراوح كهربائيه ومفيش فايده

**ahmed9003** · 24-08-2015 02:07 PM

المشاركة الأصلية كتبت بواسطة mohamed amer

تم تغيير الريداتير انهارده ﻷن الميكانيكي قالي ممكن يبقى الريداتير متسلك ومايبردش العربية على النحو المطلوب برضو ﻷنه تلف من جوا . فغيرته وانا حاسس ان الريداتير بتاعي سليم . ولسه هجرب واقولكم .
وبالنسبة لطلمبة الميه الكل بيقولي تقليبها حلو ومش بتسرب وبالنسبة للمراوح فهي شغاله على السرعتين بتوعها وفي التوقيت المناسب فهل ممكن يكون جيوان وش سلندر لو الميه غلت في اﻹربة تاني ونقصت . مع ان سحب العربية حلو ومش بتسقف وصوت الموتور برضو والميه مش بتنقص في الريداتير دي بتنقص من اﻹربة بعد غليانها .؟ ما رأيكم

الف مبروك على تغير الرداتير وان شاء الله ماتظهرش السخونية تانى
ومستنيين خضرتك تقولنا بعد التغير الدنيا فيه ايه

**ahmed9003** · 25-08-2015 04:24 PM

السلام عليكم

دا واحد كان بيعانى من نفس المشكلة بتاعتنا وهى السخونية فى طرق السفر بعد مايعدى سرعة 120 كم

http://www.nilemotors.net/Nile/472593-120.html

ودا حل المشكلة بعد مامشى ورا الاحتمالات الممكنة :

http://www.nilemotors.net/Nile/474915-120.html

يارب تكون نهاية المطاف معاه وتكون سبب انها تحل المشكلة عند ناس تانية كتير

الموضوع: ياجماعة انا لسه مش لاقي حل أرجوكم ساعدوني في نيسان صني أوتوماتيك 2007

LinkBack

أدوات الموضوع

عرض

-

-

-

-

-

المواضيع المتشابهه

أرجوكم ساعدوني

أرجوكم ساعدوني ................

محتار أرجوكم ساعدوني

ياجماعة أفيدوني في عفشة النيوسيراتو أرجوكم

ساعدوني أرجوكم

الكلمات الدلالية لهذا الموضوع

المفضلات

المفضلات

ضوابط المشاركة