يا ريت مساعدة من الخبراء بالله عليكم

**mhsm87** · 13-09-2015 02:41 AM

[overline][overline]السلام عليكم و رحمة الله و بركاته

انا عايز اشتري عربية في حدود 35 او 38 الف جنيه

العربية هتكون اول عربية ليا اشتريها و هتعلم عليها السواقة

محتار في كذا عربية يا ريت حضراتكم ترشحولي الافضل بالنسبة ليا

تكون سهلة في التعامل معاها و قطع غيارها متوفرة و معقولة قليلة الاعطال فيها تكييف تكون هاتشباك

واسعة لان طولي 190 سم :)

العربيات اللي عجباني

فيات بونتو 2000
سيات ابيزا 98 عجباني جدا ... بس هل لازم احط لها بنزين 95 ؟؟
فولكس فاجن بولو 98

و لو فيه حاجة افضل في السعر دة يا ريت حضراتكم تساعدوني

ارجو التفاعل من الاعضاء
جزاكم الله خير
[/overline][/overline]

**ayman salem** · 13-09-2015 03:39 AM

ابيزا من 98 ال 2001 و طبعا مفيش حاجه اسمها بنزين 95 شغاله تمام ب 92
وفكر في اكسنت برده

**mhsm87** · 13-09-2015 01:25 PM

جزاك الله خير

**borio1704** · 13-09-2015 03:06 PM

العربيات اللي حضرتك مختارها دي هتتعب معاها قوي ... بالذات الفيات... ما شفتش حد مش بيشتكي منها.

السيات قطع غيارها من فولزفاجن... وفولزفاجن قطع غيارها غالية على حد علمي...

الأفضل من وجهة نظري تجيبلك عربية كوري أو ياباني مشاكلها أقل وتلاقي قطع غيارها بسهولة وتعرف تبيعها... لإنك أكيد هتبيع بعد ما تتعلم عليها.

**mhsm87** · 13-09-2015 03:58 PM

المشاركة الأصلية كتبت بواسطة borio1704

العربيات اللي حضرتك مختارها دي هتتعب معاها قوي ... بالذات الفيات... ما شفتش حد مش بيشتكي منها.

السيات قطع غيارها من فولزفاجن... وفولزفاجن قطع غيارها غالية على حد علمي...

الأفضل من وجهة نظري تجيبلك عربية كوري أو ياباني مشاكلها أقل وتلاقي قطع غيارها بسهولة وتعرف تبيعها... لإنك أكيد هتبيع بعد ما تتعلم عليها.

ان شاء الله انا مش هبيع بسهولة الغربية هتقعد معايا فترة و عاجبني جدا ابيزا 98 و قدامي واحدة حالتها حلوة يعني عيب الابيزا قطع غيارها الغالية ؟؟ ولا هل كثيرة الاعطال ؟؟ و هل فيه صنيعية كتير بيفهموا فيها في اسكندرية ؟؟

في ناس بيقولولي على الفليشيا انها كويسة ؟؟
انا كدة احترت اكتر ... ربنا يسهل

**mhsm87** · 13-09-2015 04:00 PM

المشاركة الأصلية كتبت بواسطة hesham fawzy h

شوفلك اكسيل .. افضل سيارة بالسعر دة .. و هتجيب حالة نضيفة جدا

جزاك الله خير

انا الابيزا واكلة دماغي

**hesham fawzy h** · 13-09-2015 04:09 PM

المشاركة الأصلية كتبت بواسطة mhsm87

جزاك الله خير

انا الابيزا واكلة دماغي

الايبيزا عربية الشباب فشخنها .. و صعب تلاقى حالة نضيفة او متحافظ عليها

**borio1704** · 13-09-2015 05:37 PM

بص... من الآخر... العربيات الأوروبي سواقتها حلوة على الطريق.. غالبا بتبقى ماسكة في الأرض وبتديك ثقة وانت سايق... بس كده!!!!

بس كل شوية حاجة عطلانة.. ولما تروح للميكانيكي مش أي واحد تلاقيه فاهم فيها.. وبعد كده تعالى دور يا باشا على قطع غيار وانزل شارع صلاح الدين وعيش في الأسعار... ده لو لقيتها.

زماااان كان معايا تويوتا كريسيدا.. كنت بغير طقم تيل الفرامل بـ90-150 جنيه حسب نوعه درجة أولى ولا تانية... في حين كان واحد صاحبي معاه إبيزا زي اللي حضرتك عايزها.. كان طقم التيل بـ400 جنيه.

الكلام ده من حوالي 7-8 سنين.

فلو عايز عربية للبهدلة... خليك في الياباني... عمرها ما هتقصر معاك... هتنزل تدور وتمشي.. ومهما تعمل فيها شغالة... وما بتشتكيش كتير...

سواقتها مريحة وناعمة... غير الإيطالي تماما.. وكمان بتوفر في البنزين .. بس على الطريق... مش زي الألماني طبعا.

قطع الغيار فيه منها الأصلي وعليه ماركة العربية (ده غالي جدا).. والأصلي من غير ماركة العربية (إنتاج مصنع قطع الغيار في اليابان وسعره حلو) والتقليد التايواني (رخيص وكويس) والصيني (ما تشتريهوش)... يعني مش هتغلب.

عايز عربية على قد إيديك وتريحك وقطع غيارها في كل حتة... هاتلك كوري... إكسيل أو أكسنت بالذات... تتعلم عليها وتبهدلها (لازم تتبهدل علشان انت لسه جديد).. وتنزل تصرف عليها شوية صغيرين عند أي ميكانيكي وترجع تشتغل تمام تاني..

وعلى كده بردو أعطالها مش كتير.. وإلا ما كنتش تلاقي أسعار البيع بتاعها أعلى من ماركات أوروبية كتير.

على الطريق سواقتها شبه الياباني قوي... بس ما تتغرش .. آخرك 120-140 (الكوري القديم بالذات).

...

-

الموضوع: يا ريت مساعدة من الخبراء بالله عليكم

LinkBack

أدوات الموضوع

عرض

-

-

-

-

المواضيع المتشابهه

الى الخبراء افيدونى بالله عليكم محتار جدا

E46 ولا e90 .. مش عارف .. الخبراء يساعدوني بالله عليكم ..

ساعدونى بالله عليكم ( دخنه بيضه ومحتاج راى الخبراء)

بالله عليكم مساعدة بخصوص دكتور كبد

مساعدة ضرورى بالله عليكم

الكلمات الدلالية لهذا الموضوع

المفضلات

المفضلات

ضوابط المشاركة