محتاج عربية اوتوماتك وفرنساوى اوروبية وب40 الف بس..اوك ادخل هنا

**Nfs Rivals** · 07-10-2015 06:14 PM

عليبيككككككك

بال

ستروين اكسارا مو 2002
عربية محترمة لكونها فرنساوى الصنع .. سيارة اوروبية
يعنى عربية ممتازة..
ثبات عالى .. راسية عالطرق السريعة.. ﻻصحاب الجرى والشد والغرز
ثبات غير عادى على اخد الملفات عالسرعات العالية
زى العربيات اﻻلمانى واﻻمريكى واﻻيطالى واﻻسبانى
بخﻻف خفة وزن وانعدام رساوة واتزان اليابانى والكورى..
مش ريشة عالطريق مع احترامى للصناعات الكورى واليابانى
مجربها ولن تخذلنى كلبشتها فاﻻرض
الستروين مكنة محترمة..
يعنى ح شغل..
حمالة قسية .. والقيادة الشاقة
عفشتها محترمة تنتحمل طرق المحروسة المكسرة والمدغدغة
والمطبات وعيون القطط.. يعنى حفر اﻻسفلت
صاجها حدادى .. سومكه 8.2ملم
مش ورق 3ملم زى صاج اليابانى والكورى.. ونا راكب يابانى وكورى وبشتكى من ضعف سومك الصاج والله.. ونا بتكلم انها بتتحمل الصدات
والخبطات الخفيفة والتقيلة .. يادوبك بتتعوج سنه بسيطة وهنا المطلوب من
صﻻبه وقوة الصاج الخارجى مش بيضيع زى صاج السيارات اﻻسيوية
وقطع غيارها متوفرة جديدة و استيراد في الحرفيين وممكن تسافر من محافظة اخري بس مش مشكلة عشان تروح الحرفين بالقاهرة
لو انت مش ساكنى القاهرة وضواحيها.. بس كفاية انك راكب عربية
عربية بمعنى الكلمة.. وكفاية انها فرنسي الصنع
Made In France

هاتقولى ياعم دة فرنساوى زى الرينو والبيجو
واﻻلمانى واﻻمريكى في غلو وارتفاع اسعار ق غيارها.. انا معاك
بس هقولك انك كفاية انك راكب عربية ثابته وراسية وتحمل وقوة وصﻻبه الصاج و ق غيارها محترمة ومعمرة جدا.. ﻻنها مكلفه سعريا على صاحب
المصنع والصانع نفسه وعاطى للمستهلك جودة عالية ومعمرة ونفسها طوبل
مش عمرها قصير.. فابيغليها على التاجر او المستورد فابتبقي غالية عالزبون والعكس صحيح بالظبط
رخيصة عالمصنع وعالصانع وجودة اقل وعمر افتراضي اقل واقصر
فا تبقي رخيصة عليه رخيصة عالمستورد والتاجر ف تصل للمستهلك ببﻻش
بﻻليشو .. يعنى ع قد ايدنا وجيبنا.. ودة في الكورى والماليزى والروسي
والمقابل قصاد كل دة
مكنة صوتها ناعم مش خشن
وكفاية ان تكييفها مش بياثر على سحب وشد وعزم العربية معك زى اى عربية تانية.. زيها زى التويوتات المسطرة من موديﻻت 1996:1998
اوتو ومنوال .. عمر تكيفها ما بياثر عالمكنة ابدا زى عجل اليومين دووول
اينعم الستروين مو 2002
كينزة شوية من جوة وخاصة من ورا فالكنبة.. ونا بعترف ب دة... بس اوكي
وتم توسيع وسع صالونها وشنطتها في موديﻻت اكسارا مو2008
الى يعتبر شكل ديزاين الشكل الخارجى مو2008 مش عاجبنى ودة رايي الشخصي بخﻻف غيري
والشكل الجديد في 2012
تم اتساع صالونها وشنطتها لتناسب استخدام مﻻكها

من اﻻخر عربية طقم شنابرها بتقعد وبتصبر كتير مع صاحبها وموﻻكها
زيها زى طقم شنابر اﻻلمانى واﻻمريكى واﻻسبانى واﻻيطالي
مع طبعا الحفاظ على تغير زيتها في معادها.. عشان تعمر وتحافظ على موتور بﻻدها وكذلك فتيسها وزيتها الى بيريحك وانت سايق خاصة في اﻻوتوماتك..
والمنوال كمان
وكذلك كﻻمى في اى عربية تانية

وشكرا لحسن قرائتكم

**Nfs Rivals** · 07-10-2015 06:39 PM

Read down

**Nfs Rivals** · 07-10-2015 06:53 PM

من موديﻻت ال2002

www.google.com.eg/search?q=citroen+xsara+2002&btnG=&client=ms-opera-mini-android&tbm=isch&hl=ar&nfpr=&spell=1

صور تانية مو2002 بالتابلوة

www.google.com.eg/search?q=citroen+xara+2002&client=ms-opera-mini-android&tbm=isch&hl=ar&nfpr=&spell=1&sa=X&as_q=&ve d=0CAkQBSgAahUKEwjm3P_51bDIAhXDXRoKHaT7ChU

موديﻻت ال2008

www.google.com.eg/search?q=citroen+xsara+2008&btnG=&client=ms-opera-mini-android&tbm=isch&hl=ar&nfpr=&spell=1

**fepsceasar** · 08-10-2015 11:02 AM

هى مش 2008 اسمها اكسارا بيكاسو وبتنتج من 2002 تقريبا وبرضو عربية ممتازة وعربية لها غرض مختلف أو فئة مختلفة هى اقرب للماتركس والسينيك
بس متفق تماما مع مجمل الموضوع

**Hazem ELsayed** · 08-10-2015 01:48 PM

موضوع جميل
عايز عربيه اكسارا بقي
شوفلي عربيه كويسه معاك

**virse** · 10-10-2015 12:03 AM

تسدق وانا كمان بدور علي اكسارا نضيفة بمعني نضيفة ودايخ الاغلب راشش حوض وشنطه واول امبارح رحت لواحد في التليفون يقلي العربيه فابريكه في شبرا اروح الاقيها مغيرة نص اخضر وراشش دهبي والبويه مقشرة والاخضر باين وميش زنب ولا علامة ستروين اللي علي قايم الشنطه من جوة والحوض واكل معجون لما قايل يا بس والكونتاك متغير والمفتاح متغير والكاست مش الاصبس بكل المقاييس عربيه صندوق زباله الحمد لله مفيش نصيب

وسمعت ان الاوتوماتيك في الاكسارا 1 وحش هل دا حقيقي ولا لا ؟؟؟؟