byd l3 انطباعى عنها بعد يومين

**lonedoctor** · 11-10-2015 01:15 PM

اخوانى فى المنتدى حياكم الله جميعا
اخيرا بعد عام من الغياب انا الان فى مصر لاجازة قصيرة لمدة شهر وقد قمت بقيادة السيارة بى واى دى ال 3 اوتو فى خلال الثلاث ايام الماضية وانطباعى عنها كالتالى
السيارة فى المجمل تحفة كل المقاييس مريحة فى القيادة وسلسة وثابتة فى حدود السرعات القانونية وعملية جدا فيما يخص عدم وجود مفتاح
الخامات الداخلية والدهانات فى المجمل متوسطة وليست فاخرة ولكن هذا حال معظم سيارات نفس الفئة
الصاج افضل بكثير من الموديل القديم اف 3 واثقل وامتن وشعرت بذلك عند فتح الكبوت واغلاق او فتح الابواب

لا يوجد اى المشاكل التى سمعت عنها فى بداية تحرك السيارة ونقلات الجير رائعة وسلسة والتسارع اكثر من ممتاز مع العلم انى لا اضع ينزين الا من بنزينة امارات بجانب كارفور

العزل جيد جدا لكن يوجد مشكلة حسب كلام الاهل بعد صيانة الالف بدا يظهر صوت الى لاحتكاك الاطارات بالارض وانا لاحظته مرتفع بشكل كبير ولم يكن موجودا عند استلام السيارة
انطباعى ان العفشة لم تاخذ وضعها من التليين بالاضافة الى نوع الكاوتش الردى
شركة وولف للزيوت لها ابليكيشن على الاندرويد وعملت طلب اونلاين لتغيير زيت المحرك والجيربوكس صراحة ولن احتفظ بزيت الشركة المشكلة زيت الجير كما هو الموقع يوجد نوع DSG tech والمختص بنوع الجير DCT or DSG لكن الاخت المسؤلة سالت المهندس فقال لها على زيت خاص بجير CVT او الاوتوالعادى وشكله كده هما فاهمين غلط ومش عارفين نوع الزيت اللى ينفع للسيارة وبالتالى انا احتمال امر اليوم على مركز الصيانة اللى فى مدينة نصر واتفاهم معاهم
ياريت اللى عنده فكرة عن نوع زيت الجير المناسب يشاركنا بالمعلوما مشكورا
بالمناسبة الكاسيت اكثر من رائع ولا يوجد به مشكلة رستارت ولا الكلام ده
عموما مع الوقت هيبان المشاكل لكن هذا انطباعى للان والسيارة صفقة رابحة جدا بالنسبة لسعرها
تقبلوا تحياتى

**lonedoctor** · 11-10-2015 07:52 PM

اليوم ذهبت بعد العصر لمركز صيانة وولف فى مدينة نصر فى الحى السادس بمدينة نصر امام مصنع الكوكاكولا واستقبلنى شاب ماشاء الله عليه شكله فاهم ومثقف وحصل حوار بينى وبينه خلاصة الموضوع انه كان فاكر جير السيارة cvt قياسا على الموديل القديم لكن تاكد من انه dct واختار نوع الزيت اللى يمشى معاه لكن المشكلة انه الفنى لا يعرف كيف يغير الزيت لعدم وجود معيار وفتحة من عند الموتور لتعبئة الزيت ويبدو انه السيارة فعلا معقدة ولا يعرفها الكثير فاتفقنا على بحث الموضوع والتواصل فى حالة التوصل الى نتيجة
وقمت بتغيير زيت الموتور والفلتر بتخليقى 5-40 والحساب الكلى 370 جنيه بفلتر متسوبيشى اصلى
صراحة الموتور اصبح صوته ناعم جدا بعد تغيير الزيت
والان زيت الجيربوكس لا ادرى اذا فيه احد الاعضاء الكرام لديهم فكرة عن تغييره
تقبلوا تحياتى

**ALshahba** · 12-10-2015 12:09 AM

الف مبروك وربنا يباركلك فيها

برجاء ماتسيبش نفسك للفنيين في اختيار انواع الزيوت او ماشابه .... اعتقد بيتحطلها زيوت من درجة لزوجه 5w-30 ياريت تراجع الكتالوج حيكون الفيصل ان شاء الله
وياريت توضح ليه عايز تغير زيت الجير بوكس ..... حضرتك عامل كام الف كم ؟
ايه اخبار استهلاك البنزين
ممكن اعرف سعرها كام جديده

**ابو ياسمين** · 13-10-2015 12:21 AM

أخى الكريم الدكتور / lonedoctor

الف حمد لله على سلامتك ونورت مصر

وكما عودتنا منذ سنوات كثيرة أن توفى بالوعود فقد أوفيت بوعدك وكتبت التقرير بمجرد وصولك

أشكرك يا أخى العزيز على هذا التقرير الصادق والمتزن والراقى قبل كل شئ

تهنئتى وتحياتى وأمنياتى بأجازة سعيدة بأذن الله

**lonedoctor** · 13-10-2015 02:17 AM

اخوانى الفضلاء جميعا alshahbaa ---- استاذ ابو ياسمين
جزاكم الله جميعا خيرا على كلامكم الجميل وتعليقاتكم المهذبة
حقيقة بعد تغيير الزيت تقريبا انا مشيت 400 ك وهناك فارق كبير جدا فى السحب والتسارع والنعومة وانعدام صوت المحرك تقريبا وبصراحة زيت ولف ده فاخر جدا ومش خسارة فيه الفلوس وانا اوصى اى احد عنده السيارة باستبدال الزيت المعدنى بتخليقى وسيشعر بالفارق فى اداء السيارة
بالنسبة لزيت الجير انا راجعت كتيب الصيانة وجدت انه زيت الجير DCT الموجود من نوع كاسترول والمفروض تغييره بعد 55 الف وانا لا اجد اى مشكلة فى الجير اطلاقا وكنت اريد تغييره بنوع محترم بناء على شكى فى جودته ولكن كاسترول زيت ممتاز وذو سمعة طيبة ولذلك صرفت نظر عن تغييره
امس لاحظت انه نور الشبورة فوج لايت لا يعمل والظاهر انهم نسيوا يوصلوا الكابل بتاعه ولذلك ساذهب غدا ان شاء الله للتوكيل لاصلاحه ان شاء الله
يوجد صوت مع المطبات فى المساعد الشمال الامامى واظن عيب تشحيم
العفشة اكثر من ممتازة وقد تعرضت لمطبات بسبب جهلى بالطرق فى مصر خطيرة جدا والحمد لله السيارة اثبتت كفاءة ومتانة ممتازة
تقلوا تحياتى

**ehabpopo** · 13-10-2015 09:46 AM

حمدالله على السلامة يا دكتور ... وشكرا على تقريراتك المفيدة
وتستمتع بعربيتك دائما .... ربنا يديك خيرها ويكفيك شرها

**mido.83** · 18-10-2015 04:32 PM

يعنى نفهم من كدة ان الزيت بتاع الفتيس هو السبب فى الكركبة والتسقيف اللى فى العربية يعنى حاطين البهوات بتوع التوكيل زيت غير الزيت اللى المفروض يتحطله ياريت توضيح