هوايات التكييف بطلع هواء سخن على طول - جيلي امجراند

**jianolla** · 02-11-2015 05:34 PM

السلام عليكم
ياريت ياجماعة حد يفيدنى .... العربية كانت الاول وانا مشغل الهوا العادة أو فاتح الهواية من غير تشغيل تكييف كانت بتجيب هوا ساقع لحد ماروحت التوكيل فقولتله على المشكلة دى
بعد ما ستلمت العربية بسأله اخبار هوايات التكييف قالى تمام كانت البوابة مفتوحة وقفلناها يعنى مش هاتدخلك هوا تانى.

بعدها لاقيت العربية على طول بتجيب هوا سخن سواء مخللى التكييف يجيب هوا من بره أو قافل الدورة وبيجيب هوا من جوا العربية
الهوا سخن على طوووووووووول
اعمل ايه عشان امنع دخول الهوا من الهوايات او ارجعها لاصلها تانى تجيب هوا عادى من بره مش سخن

ياريت اصحاب الخبرة يفيدونى
سيارتى جيلي امجراند 7

**borio1704** · 02-11-2015 06:16 PM

اتأكد الأول إن بكرة درجة حرارة التكييف مضبوطة على أبرد وضع ( المؤشر على أقصى اللون الأزرق ).. وإذا كان التكييف ديجيتال.. فاضبط درجة الحرارة على 18.

...

**م أحمد** · 04-11-2015 12:36 PM

بوابة الهوا معلقة على السخن على طول

طريقة معالجتهم للخطأ عملت خطا

أرجع لهم تانى

**yasoomm** · 29-12-2015 05:16 PM

اتاكد ان بوابه مش على ال auto عشان ممكن كل دقيقتين بتعمل تغيير للهواء

**Mohamed Desoky** · 29-12-2015 08:57 PM

الغى السخن خالص وربح دماغك لان غبور مش هيعمل حاجه والعيب ده موجود فى الرينو بانواعه والجيلى وعربيات كتير ولما بيلغو السخن التكيف هيبقى كويس مجرد راى وشكر

**gamal_sharaf** · 18-01-2016 03:21 PM

انا كمان عندى نفس المشكلة
اما طافى التكييف خالص
والبكرة على البارد ، وكل الزراير مقفولة
لكن الهوايات بتجيب هواء سخن ، واضح انها بتجيب هواء من الموتور
انا قفلت الهوايات ، بس مش عارف الهواء دة بيجى منين وبعدين احنا فى شتاء دلوقتى ، يعنى الهواء كله ساقع

**tasaka** · 18-01-2016 03:57 PM

المشاركة الأصلية كتبت بواسطة jianolla

السلام عليكم
ياريت ياجماعة حد يفيدنى .... العربية كانت الاول وانا مشغل الهوا العادة أو فاتح الهواية من غير تشغيل تكييف كانت بتجيب هوا ساقع لحد ماروحت التوكيل فقولتله على المشكلة دى
بعد ما ستلمت العربية بسأله اخبار هوايات التكييف قالى تمام كانت البوابة مفتوحة وقفلناها يعنى مش هاتدخلك هوا تانى.

بعدها لاقيت العربية على طول بتجيب هوا سخن سواء مخللى التكييف يجيب هوا من بره أو قافل الدورة وبيجيب هوا من جوا العربية
الهوا سخن على طوووووووووول
اعمل ايه عشان امنع دخول الهوا من الهوايات او ارجعها لاصلها تانى تجيب هوا عادى من بره مش سخن

ياريت اصحاب الخبرة يفيدونى
سيارتى جيلي امجراند 7

ارجع لهم تانى .. يلغوا التعديل اللى عملوه .. غير كده انت حتدور فى حلقه مفرغه

**jianolla** · 21-01-2016 03:40 PM

شاكر لكم ردكم الكريم جميعا
لكن انا ناوى ان شاء الله هالغى السخن بس بمحابس يعنى فى الشتا اشغل دورة السخن عادى وفى الصيف اوقف دورة السخن
كان فى تجربة هنا على المنتدى لأحد الزملاء

**tasaka** · 21-01-2016 05:23 PM

انا سأتحدث عن االتكييف الاليكترونى

مجموعه المروحه داخل صالون العربيه بتكون واصله على خراطيم خارج السياره من اسقل .. عاده السخونه بتكون بسبب خراطيم فالته من مكانها .. شخصيا كنت بأعانى من دخول هوا سخن .. بعد تثبيت الخراطيم كل شيئ بقى كويس

و كمان بيكون قيه فتحه او بوابه من خارج العربيه من اسفل ( فى الصدر عاده ) بتكون معلقه على المفتوح ( دى غير الفتحه العلويه اللى بيركب عليها فلتر التكييف ) .. برضه يراجع على غلق البوابه و انها موش معلقه

و ممكن كمان يكون فى فتحه لخروج هواء ُDefrost يرضه يراجع عليها

و خلى بالك الخراطيم دى مخفيه .. يعنى لازم يكون الكهرابائى شاطر و عارف مكانها

يعنى المشكله لا علاقه لها بالعزل كما كنت اظن

خلى بالك التكييف الاليكترونى .. بيتحكم فى فتح و غلق البوابات .. و احيانا يعمل خلط .. يعنى يفتح جزء من بوابه الهوا السخن مع البارد ايضا لاعطاء درجه الحراره المطلوبه

اعتقد الراجل بتاع التوكيل خلى بوابه خلط السخن مفتوحه على طول بدوت ان بقصد
روح للتوكيل يلغى الحاجات اللى عملها .. و بعدين روح لكهربائى شاطر قدييييييييييييييم يراجع على الخراطيم دى