الموضوع: اتحاد ملاك l3 ... مشكلة الفتيس الاوتوماتيك

السلام عليكم اعضاء المنتدى الكرام
بعد اذنكم عندي سؤال ليكم اتمنى اهل الخبرة والتجربية يفيدوني
انا معايا l3 عامله 6000 كلم ... الحمد لله العربية تمام وعملت صيانه ال 1000 و وقتها حطيت زيت موبيل 1 التخليقي بالكامل مع اضافة ezi العلبة الحمراء كنوع من المحافظة على الموتور من اولها كدا
في الصيانة دي المهنديس قالي خلاص انت كدا ممكن تيجي على 10000 علطول لانك غيرت زيت اعلى الا لو فيه حاجه ظهرت في العربية..المهم انا من اول ما استلمت العربية فيه صوت ونة او نحرة كدا في الفتيس بتبان في النقله ال5 اكتر حاجه او لو ماشي على الاول براحه لفتره طويلة قبل ما تنقل عالتاني وبلغت عنها في صيانه ال 1000 وطلعت العربية زي ما هي قلت مش مشكلة يمكن شوية وتروح لكن لحد 4500 كلم ماراحتش .. قررت اغير زيت الفتيس بناء على راي اعضاء هنا في المنتدى بزيوت wolf dsg من مركزهم في مدينه نصر لكن اللي حصل ان بردو الصوت موجود كل اللي اختلف ان النقلات بقت سلسة اكتر ومعدل استهلاك البنزين قل بمعدل 0.2 رحت التوكيل تاني وقالولي حطيناها عالجهاز ومافيش مشكلة

مع العلم ان عندي رجرجة بسيطة في طلعه العربية على السلانسيه و وانا بهدي او وانا ماشي براحة ودايس سنة فرامل ماعرفش دا ليه بالفتيس ولا دي قواعد موتور...بس حبيت انقل الصورة كامله

اعمل ايه ؟؟؟؟ هل فيه حد ممكن يفيدني ؟؟؟

اتمنى الاعضاء يشاركونا تجاربهم عشان نوصل لحل سواء بشكوى لجهاز حماية المستهلك او توصيل صوتنا للشركة الام في الصين

فعلا المشكلة عامة و تحتاج لأتحاد الملاك جميعا من أجل حل جذرى لهذة المشكلة و من الضرورى وصول هذة الشكوى العامة مباشرةً للشركة الأم بالصين.
نرجو من جميع الملاك المشاركة بهذا الموضوع و شكراااا