استطلاع راى ملاك البيجو 301 الاوتوماتيك بخصوص التعامل مع الفتيس

**m.basha** · 07-01-2014 08:08 PM

السلام عليكم كنت عايز اخذ رايكم فى احساس كل اللى معاه العربية مع استخدام الفتيس الاوتوماتيك بتاعها انا قبل ما استلمها كل الناس كانت بتقول فى نتشة بين الاول و التانى و بعد لما ركبتها حسيت فعلا بيها بس هى مش نتشة هى ايه زى كده سرعة استجابة للفتيس يعنى بينقل من الاول للثانى بسرعة فبيحسسك بالخطفة او النتشة ده كل ده مش مضايقنى و اتعودت عليه اللى بيضايقنى و عايز اعرف راى الناس اللى معاهم العربية فى كده زى و لا ايه خصوصا لو فى زحمة و السكة ماشية تاته تاته لما بدوس بنزين جامد شويه بلاقى العربية زى ايه نطت منى كده و باضطر ادوس فرامل على طول عشان الحقها يعنى مش بتدينى فرصة انى ادوس فرامل على مهلى بتخطف نفسها كده الموضوع ده ما بحسشى بيه غير فى زحمة او الواحد بيقرص على الاول و يهدى قبل ما يجمع بالعربية لاى ظرف طلع قدامك اما فى الساللك العربية بسم الله ما شاء الله استجابتها حلوه و ما فيش احساس باى حاجة فى الفتيس على فكرة الموضوع مش لدرجة انه يضايق او عيب لا قدر الله بس مجرد استطلاع راى الناس اللى معاهم العربية بيحسوا بكده و لا لاء و ايه يا ترى علاج النطة المفاجئة بين الاول و الثانى و خصوصا فى الزحمة و معلشى طولت عليكم اوى و شكرا لحضراتكم

**wel781** · 07-01-2014 08:19 PM

كان نفسى أفيدك بس والله لسه مستلم إمبارح

عموما انا أتزنقت فى زحمة شهاب وانا طالع على المحور ومحستش باى مشكلة

**m.basha** · 07-01-2014 08:23 PM

المشاركة الأصلية كتبت بواسطة wel781

كان نفسى أفيدك بس والله لسه مستلم إمبارح

عموما انا أتزنقت فى زحمة شهاب وانا طالع على المحور ومحستش باى مشكلة

مبروك يا باشا على العربية و هى ساعات كتيرة اوى مش بتحس بيها لما تتعود على العربية ان شاء الله و ربنا يباركللك فيها و يكفيك شرها

**ezzdabo** · 07-01-2014 10:41 PM

المشاركة الأصلية كتبت بواسطة wel781

كان نفسى أفيدك بس والله لسه مستلم إمبارح

عموما انا أتزنقت فى زحمة شهاب وانا طالع على المحور ومحستش باى مشكلة

مبروك و ربنا يبارك لك فيها ان شاء الله

**medori** · 07-01-2014 11:43 PM

المشاركة الأصلية كتبت بواسطة m.basha

السلام عليكم كنت عايز اخذ رايكم فى احساس كل اللى معاه العربية مع استخدام الفتيس الاوتوماتيك بتاعها انا قبل ما استلمها كل الناس كانت بتقول فى نتشة بين الاول و التانى و بعد لما ركبتها حسيت فعلا بيها بس هى مش نتشة هى ايه زى كده سرعة استجابة للفتيس يعنى بينقل من الاول للثانى بسرعة فبيحسسك بالخطفة او النتشة ده كل ده مش مضايقنى و اتعودت عليه اللى بيضايقنى و عايز اعرف راى الناس اللى معاهم العربية فى كده زى و لا ايه خصوصا لو فى زحمة و السكة ماشية تاته تاته لما بدوس بنزين جامد شويه بلاقى العربية زى ايه نطت منى كده و باضطر ادوس فرامل على طول عشان الحقها يعنى مش بتدينى فرصة انى ادوس فرامل على مهلى بتخطف نفسها كده الموضوع ده ما بحسشى بيه غير فى زحمة او الواحد بيقرص على الاول و يهدى قبل ما يجمع بالعربية لاى ظرف طلع قدامك اما فى الساللك العربية بسم الله ما شاء الله استجابتها حلوه و ما فيش احساس باى حاجة فى الفتيس على فكرة الموضوع مش لدرجة انه يضايق او عيب لا قدر الله بس مجرد استطلاع راى الناس اللى معاهم العربية بيحسوا بكده و لا لاء و ايه يا ترى علاج النطة المفاجئة بين الاول و الثانى و خصوصا فى الزحمة و معلشى طولت عليكم اوى و شكرا لحضراتكم

اللي حضرتك بتحسة دة نتيجة نقل العربية علي التاني و عشان عزم الغيار الاول عالي؛ فبتحس انها نطت منك لو حملت علي البنزين. الحل انك تخلي رجلك حساسة شوية في دوسة البنزين او تركز مع الغيار الاول و تخلية مينقلش علي التاني بتحميل رجلك علي البنزين من غير ما الrpm يوصل ل 2000 تقريبا. طبعا الحل الاسهل انك تجيبها علي المانوال و بكدة انت اللي هتتحكم هتنقل امتي.
اخر حل انك تشغل الsnow mode اللي علامتة * في الفتيس و دة بيخلي العرببة تطلع علي التاني علي طول. الاقتراح دة بتاع أ. احمد امين منسق القسم بس انا لية مجربتوش عندي في العربية. انا بحاول دلوقتي اظبط دوستي و اغلب الاحيان فعلا مش بخلية ينقل علي التاني بدري

**د/سامح** · 08-01-2014 02:03 AM

بسم الله الرحمن الرحيم
السلام عليكم و رحمة الله و بركاته 301 مليون مبروك و ربنا يديك خيرها و يمنع عنك شرها ان شاء الله
انا معايا 301 هايلاين و هاقول لحضرتك حاجة بخصوص النتشة :- هي فعلاً كانت موجودة و دة بسبب السوفت وير و دة مش عيب فيها لاسمح الله بس يبدو انه كان مقصود لسبب او لاخر الله اعلم .... الحل سعادتك انك تعدي على التوكيل في ساعة زمن بينزل سوفت وير بيلغي المشكلة دي و لو استنيت لغاية صيانة ال 2500 كدة كدة هايظبطوهالك.... و اهم حاجة تخلي بالك من البنزين لازم يكون من مكان نظيف .... و ان شاء الله كل يوم هايعدي عليك هاتحمد ربنا انك اخترت العربية دي لانها فعلاً حصان اسود .... و ربنا يباركلك فيها يارب

**m.basha** · 08-01-2014 09:11 AM

المشاركة الأصلية كتبت بواسطة د/سامح

بسم الله الرحمن الرحيم
السلام عليكم و رحمة الله و بركاته 301 مليون مبروك و ربنا يديك خيرها و يمنع عنك شرها ان شاء الله
انا معايا 301 هايلاين و هاقول لحضرتك حاجة بخصوص النتشة :- هي فعلاً كانت موجودة و دة بسبب السوفت وير و دة مش عيب فيها لاسمح الله بس يبدو انه كان مقصود لسبب او لاخر الله اعلم .... الحل سعادتك انك تعدي على التوكيل في ساعة زمن بينزل سوفت وير بيلغي المشكلة دي و لو استنيت لغاية صيانة ال 2500 كدة كدة هايظبطوهالك.... و اهم حاجة تخلي بالك من البنزين لازم يكون من مكان نظيف .... و ان شاء الله كل يوم هايعدي عليك هاتحمد ربنا انك اخترت العربية دي لانها فعلاً حصان اسود .... و ربنا يباركلك فيها يارب

الله يبارك فى حضرتك يعنى فعلا لما عملت تحديث للسوفت وير الموضوع بيفرق شويه و لا عادى مش فارقة اصل كل اللى عملت تحديث فى السوفت وير قالوا انى اللى فرق سحب العربية و استهلاك البنزين بس مفرقش اوى فى موضوع النتشة او الخطفة دى اللى ما بين الغيار الاول و الثانى

**wel781** · 08-01-2014 09:25 AM

المشاركة الأصلية كتبت بواسطة ezzdabo

مبروك و ربنا يبارك لك فيها ان شاء الله

الله يبارك فيك

**Ahmed Amin** · 08-01-2014 02:47 PM

حضرتك بتقول

المشاركة الأصلية كتبت بواسطة m.basha

لو فى زحمة و السكة ماشية تاته تاته لما بدوس بنزين جامد شويه بلاقى العربية زى ايه نطت منى كده و باضطر ادوس فرامل على طول عشان الحقها

فأنت المشكلة أن رجلك لسه مأخدتش علي الدواسة, وبتدوس لها جامد,,
ودا طبيعي في الأول شوية لحد ما تاخد عل العربية, والعربية عزم الأول فيها عالي فهتطلع معاك علي طول.

وعشان العربية متطلعش بيك مرة واحدة وتاخد براح لو السكة ماشية واحدة واحدة زي ما بتوصف
أضغط علي علامة ال * النجمة اللي في الفتيس, ودي هتخلي العربية تطلع معاك براحة حتي لو كبست بنزين علي الأخر,, وبرضه لما تدوس فرامل هتلاقي أداء الفرامل أفضل معاك.

جرب كدا لما تبقي في زحمة وعرفني بالنتيجة,
وخلي رجلك حنينة علي البنزين.

الموضوع: استطلاع راى ملاك البيجو 301 الاوتوماتيك بخصوص التعامل مع الفتيس

LinkBack

أدوات الموضوع

عرض

-

-

-

-

المواضيع المتشابهه

استطلاع رأى لملاك الاوبترا الاوتوماتيك بخصوص استهلاك البنزين ... شارك

بخصوص تغيير زيت الفتيس الاوتوماتيك

سؤال بخصوص الفتيس الاوتوماتيك....

استفسار بخصوص الفتيس الاوتوماتيك

بخصوص زرار الفتيس الاوتوماتيك

الكلمات الدلالية لهذا الموضوع

المفضلات

المفضلات

ضوابط المشاركة