الموضوع: مساعده من مالكى الفاروميو.

10000 شكر يا استاذ احمد.وبعد اذنك لو احتجت اى حاجه هكلمك تانى.وشكرا يا جميل

الف شكر احمد باشا.انا لسه راجع من عند مهندس /سعيد .الرجل محترم جدا وفاهم شغله جدا وكله تمام.ربنا يخليك ليا.

كله تمام والرجل قال ان العربيه ممتازه بس محتاجه شويه حجات(مساعدين,فرامل,طقم صيانه)عفشه يعنى.وعلى فكره انا قلتله انى الى عرفنى بيك(احمد عبد المقصود)معاه ميجان2005. وشكرا على الجمايل ياباشا

أنا معروض امامي واحدة اختها بحوالي 42 الف و ممكن تخلص على 40 الف و لكن عندي قلق كبير جدا من الالفاروميو , العديد من أصدقائي حذروني من عدة أشياء :

أولا : قطع غيارها غالية جدا , نار مشتعلة .

ثانيا : قطع الغيار غير متوفرة سوى عند يوسف بتاع الدقي و فيصل و الكيلاني اللي في شامبليون و كلاهما أحيانا يغالي في السعر و أحيانا لا توجد عنده قطعة غيار .

ثالثا : فيه واحد اسمه الحاج عصام في مدينة نصر بيتشغل في قطع الغيار الاستيراد لل 146 و 156 و لكنه طبعا يغالي كثيرا في قطع الغيار لان العربية نادرة و غير منتشرة و غير مطلوبة في السوق المصري للأسباب السابق ذكرها .
رابعا بيع العربية صعب جدا لعدم وجود توكيل فعال و معارض منتشرة لها و كذا قطع الغيار .

الاخ الفاضل اليي عارض العربية علي للبيع لم يستعملها سوى ستة أشهر فقط و بيقول انه يريد بيعها لضائقة مالية رغم أنه من عائلة ميسورة الحالي جدا جدا فهل بيعه لها للأسباب السابق ذكرها أم ماذا ؟؟؟؟؟؟؟؟

رجاء توضيح تلك الامور لي لاني متخوف بشدة من شرائها
لكيلا ( أدبس فيها ) كما نقول و أدوخ على قطع غيار غالية لها و قد لا أجدها و في النهاية لا أجد لها مشتري بسهولة .