الموضوع: مساعده من مالكى الفاروميو.

السلام عليكم يا شباب
انا معايا الفا 146 عربيه انا حبيتها من اول ما شفتها بس حبيت اقولك على العيوب اللى فيها اولا واطيه جدا واحد زى ساكن فى عين شمس بتعذب مع المطبات كل يوم بخاف اعدى على طوبه فى الارض
ثانيا محدش ينفع يصلح فيها الا بتوع الالفا والتوكيل طبعا يعنى مثلا عندى لمبه من لمبتين الشبورة طفت رحت لكهربائى جنبى عشان يغيرهالى وهوه شغال اللمبتين طفوا وبعدين لمبه التابلوة طفت وبعدين الزرار باظ وبكشف على ضفره الكهربا دلوقتى يعنى ما حدش يحط ايده فيها من الاخر
بس رغم كده لو كنت عرفت الحاجات دى قبل ما اشتريها كنت اشترتها برضوة لما اجى اقارنها بالعربيات اللى نفس الموديل او نفس السعر بتاعها الالفا تكسب وانا عندى امل انها ترجع تستعيد الامجاد فى مصر تانى

أنا ساكن في الدقي بس معرفش حد بتاع ألفا أريب مني فلو ممكن حد يؤلي حد بتاع قطاع غيار وتصليح الألفا أريب يكون أحسن عشان أنا كمان بفكر في ال-١٤٦ بس موضوع أماكن التصليح وشراء قطاع ال-غيار ملخبطني

شكرا يا احمد باشا على الرد ويارب نصير ياخده فعلا ويا اخ دودز اعتقد اقرب واحد ليك هيبقى الاسطى عادل فى الهرم فى فيصل راجل محترم وعنده شباب فاهمين وكويسين وجنبه على طول يوسف شغال فى الفا ومعروف بس غالى شويه عم عادل حنين ديه تعوض ديه

شكراً جداً يا أستاذ fayed00 عل رد

المشاركة الأصلية كتبت بواسطة dodz

أنا ساكن في الدقي بس معرفش حد بتاع ألفا أريب مني فلو ممكن حد يؤلي حد بتاع قطاع غيار وتصليح الألفا أريب يكون أحسن عشان أنا كمان بفكر في ال-١٤٦ بس موضوع أماكن التصليح وشراء قطاع ال-غيار ملخبطني

الاخ الفاضل dodz

أنا من عشاق الالفاروميو 146 و أيضا من عشاق ال 156 و لكن ما أقدرش على ثمنها , يوسف له فرعان واحد في شارع التحرير على بعد خطوتان من ميدان الدقي أمام منزل محطة المترو و له فرع ثاني في فيصل على شارع فيصل العمومي أمام شارع العريش و بعده ثاني شارع يمين ورشة الاسطى عادل راغب و أخيه الاسطى فرج راغب
و الاثنان عشرة عمر و تخصص فيات و الفاروميو و الحارة اللي ورشتهم فيها على ناصيتها نظاراتي اسمه محمد حسن .

بس هأقولك حاجة أنا بعت عربيتي القديمة و كنت بأصلحها عند الاسطى عادل الكينج بتاع الالفاروميو و مافيش مرة
أروح عنده اللا لما ألاقي الفا 146 موجودة و حبيتها من أول نظرة لكن العواطف لوحدها لا تكفي .

قطع غيار الالفاروميو غالية جدا , حتى الاستيراد منها غالي
و ان كان أرحم من الجديد و أحيانا يكون نادرا و تلف عليه
حتى و لو كانت قطع غيارها معمرة و تعيش طويلا لكنها مكلفة .

النقطة الثانية أنا فكرت لو العربية عطلت بي في أي مكان و هذا وارد جدا فمن سيصلحها ؟؟؟؟؟؟؟؟ هل أقطرها حتى الاسطى عادل و الا أروح له علشان يبعت معايا واحد شغال معاه ؟؟؟؟؟؟؟؟؟؟؟

لو فرضنا أنني كنت مسافر في المصيف و عطلت بي و هذا حدث معي فعلا و كنا في العين السخنة فكيف اتصرف ؟؟؟؟؟

هل سألاقي قطع غيار فيات الفاروميو في العين السخنة ؟؟؟؟؟؟؟؟؟

هل سأجد قطع غيار لها في السويس لو نزلت السويس ؟؟؟؟؟

و الا أقعد جنبها و أغني ظلموه ؟؟؟؟؟؟؟؟؟؟ أم أنزل لمصر و أشتري من يوسف و آخذ الاسطى عادل معايا يصلحها و بعدين أرجع مصر ؟؟؟؟؟؟؟؟؟؟؟؟؟؟؟؟؟؟

فكر في النقاط هذه و عيد حساباتك مرة ثانية كما فعات أنا و أنا لا أقصد تشويه صورة الالفاروميو 146 لاني من قلبي بأتمناها لكن اتعلمت أفكر بعقلي أكثر

ثمن 156 كام

ال-١٥٦ على حسب منا فاكر بتلعب ف ٨٠ ل-١٠٠ على حسب السنة والنوع وكدا