الموضوع: ياجماعه ممكن تساعدونى

المشاركة الأصلية كتبت بواسطة yasserayad

انا قدامى فيتارا مستعمل 2000 cc
مو 1999
سعرها كويس وحاله ممتازه
بس خايف من 2000 cc
ممكن حد يقولى تقريبيا استهلاك البنزين بتاعها قد ايه
علما بانها اوتوماتيك
وانا مشاويرى اغلبها داخل القاهره
ارجوكم فيدونى قبل ما تتباع
انا كان نفسى فى 1600 cc مانوال
بس مش لاقى حاله جيده

ربنا يوفقك يا باشا، انا كمان بدور على نفس السيارة، بس غريبة انك بتقول انك مش لاقى 1600 حالتها كويسة، لان انا بيحصل معايا العكس لانى بدور على 2000 وكل اللى بلاقيه كويس 1600
رجاء لو غيرت رأيك ومش هتشترى ال 2000 تقولى عليها علشان انا اللى بدور عليه ال2000 الاوتو تحديدا وانا دوخت خلاص.
ربنا يوفقنا جميعا ان شاء الله.

شكرا على الرد يا باشا..... الراجل ده انا كلمته فعلا خلال الاسبوع، لكن فى مشكلة ان العربية عاملة كيلومتر عالى حوالى 153 الف او حاجة زى كده.

لكن هل انت رحت شوفتها و كشفت عيها؟ و ازاى عرفت انها ممتازة؟

و طبعا يا باشا هقولك لما الاقى حاجة 1600 كويسة.
ربنا يوفقنا

وبمناسبة الكيلومتر العالى للفيتارا بالذات، هل عندك معلومات الى اى درجة هو مشكلة فى الفيتارا؟ بمعنى عموما من المفضل طبعا ان يكون الكيلومتر مش عالى اوى فى اى سيارة، لكن فى حالة الفيتارا الى مدى يمكن ان يؤثر ذلك على السيارة و مكوناتها؟

الواحد مش عايز يشترى حاجة و بعد كده يكتشف انه اندب فيها.

المشاركة الأصلية كتبت بواسطة mahora

وبمناسبة الكيلومتر العالى للفيتارا بالذات، هل عندك معلومات الى اى درجة هو مشكلة فى الفيتارا؟ بمعنى عموما من المفضل طبعا ان يكون الكيلومتر مش عالى اوى فى اى سيارة، لكن فى حالة الفيتارا الى مدى يمكن ان يؤثر ذلك على السيارة و مكوناتها؟

ويا حبذا لو حد من خبراء منتدى السوزوكى يقددر يفيدنا فى هذه النقطة، يبقى كتر خيررررررررررررره من هنا لبعد بكره