الموضوع: ::: البولونيز المظلومة :::

المشاركة الأصلية كتبت بواسطة moataz30

الحمد لله اشتريت بولونيز موديل 89 بالرغم من إن فيه ناس كتير وشهم كان بيتقلب بمجرد أني اقول عايز بولونيز وينصحوني ... بلاااش ... يابني أرجع عن اللي في دماغك ... ربنا بيغفر ويسامح .... وأنا مافيش فايده ربط دماغي عليها وبقت عاملة زي البلونيز هيا كمان ( صخرة ) بالمناسبة ... أنا كان معايا هيونداي أكسنت هاتش باك ... بس ما كنتش مستريح في الكبالن وبعدين كنت عايز أوسع من الهيونداي لأني باخد والدتي في معظم مشاويري مع أسرتي ،، ومالقيتش أنسب من البولونيز بعد ما عملت عدة مقارنات مع بعض أنواع العربيات اللي في حدود السعر وبالأمكانيات العملية اللي بادور عليها ... يعني اللادا ممكن تكون الأقرب ليها من ناحية إنها كارونه وواسعة نوعاً من جوه بالإضافة للمتانه ( يعني على ما باسمع ) بس طبعاً عيبها إنها سعرها مرتفع من غير مناسبة حتى الموديلات القديمة منها .
وكمان فكرت في الــ132 ... واسعة ... كارونه ... جامده .... بس كان عيبها إنها عجزت أويي ... يعني أكتر حاجة فيها موديل 1980... موتور 2000 ...وكمان سير الكاتينه كاوتش ... وأنا مش فايق لحكاية التغيير كل مش عارف كام ألف ... ولو نسيت ... ياويلي ... طقم صباب ومتاهات كتيرة كده ... وطبعاً غير عيوب أكلان البنزين في الــــ 132 ... لقيت بصراحة أنسب حاجة من ناحية السعر والمتانه والوسع هيا الدبابة البولونيز ... بصراحة ما فكرتش كتير وما أخدتش أكتر من أسبوع في البحث لغاية ما ربنا وقعني في واحد عنده عربية بيتي أويييي وحالتها ممتازة والحمد لله وأتراضينا في السعر ... العربية مش راشة دواخل نهائي وبفرش الفابريكة بس هو محافظ وحاطط كسوة علية الموتور صوته ناعم نوعاً بس طبعاً علشان الكاتينه جنزير ... يعني خشن شوية ... أما الدركسيون فـــ سبحان الله ... في منتهى النعومة ما أعرفش إزاي لدرجة أني باستخدمة بأيد واحد فبما عدا طبعاً أثناء الركن ... وبصراحة ثابته وجميلة أوي على الطريق ... كل اللي حسيت بيه بس ريحة العادم بسيط جوه الكابينه فقلت ممكن يكون جوان الفرن وهاغيره بإذن الله
المهم ... ياريت تقبلوني عضو في الرابطة ... مع خالص تحياتي

والله يا أخي أنت أحسنت الاختيار لأني أنا كنت زيك كده قبل ما أجيب البولونيز ولو انت قرأت الموضوع من البداية هتلاقيني كاتب نفس كلامك كده والحمد لله أنا لي الشرف أني أمتلك المدرعة الملاكي.. بس للأسف أنا بأبيعها اليومين دول علشان محتاج الفلوس أكثر من السيارة، طبعاً إللي بيمتلك عربية زي دي ويبيعها يبقى خسران كتير لكن والله ما باليد حيلة.
بس إن شاء الله عندما يصلح لي الله شأني هجيب بولونيز برده بإذن الله.
وربنا يكرمك وهي عربية عملية جدااااا لأبعد مما تتخيل

المشاركة الأصلية كتبت بواسطة asaeed

والله يا أخي أنت أحسنت الاختيار لأني أنا كنت زيك كده قبل ما أجيب البولونيز ولو انت قرأت الموضوع من البداية هتلاقيني كاتب نفس كلامك كده والحمد لله أنا لي الشرف أني أمتلك المدرعة الملاكي.. بس للأسف أنا بأبيعها اليومين دول علشان محتاج الفلوس أكثر من السيارة، طبعاً إللي بيمتلك عربية زي دي ويبيعها يبقى خسران كتير لكن والله ما باليد حيلة.
بس إن شاء الله عندما يصلح لي الله شأني هجيب بولونيز برده بإذن الله.
وربنا يكرمك وهي عربية عملية جدااااا لأبعد مما تتخيل

فعلا عربية عملية جدا احسن ما فيها انك ممكن تقلبها نص نقل ومش هتقول لا