::: البولونيز المظلومة :::

**mode2002** · 27-04-2010 12:44 AM

شكرا لك أخي على سرعة الرد بس انت متاكد dr_timo

**khmonir** · 27-04-2010 12:19 PM

المشاركة الأصلية كتبت بواسطة kayson

ياريت نصيحة سريعة خصوصا من دكتور تيمو بس بسرعة بولونيز 91 فانوس جولف فابريقة دواخل تحتاج رش خارجى نظافة موتور و عفشة جيده جدا رخصة فيها 3 شهور تساوى كام معلش بسرعة عشان انضم للرابطة الجميلة من فضلكم بسرعة و شكرا لكم

من 16 ألف لـ 17 ألف
وده من الأسعار اللي شوفتها وأنا بشتري
وحسب حالة العربية برضه ، والشكل العام لها

والله أعلم

ملحوظة: فيه ناس قالتلي إن الفانوس الجولف ده غالي ومش بتلاقيه بسهولة ، والأفضل الشكل القديم (حبيت بس ذكر ده علشان وانت بتشتري تبقى عارف كل حاجة)

ربنا يوفقك

**dr_timo** · 27-04-2010 03:57 PM

ابتدي معاه بستاشر انت لسة محتاج فينيش ورش وترخيص كمان شهرين فهتصرف شوية بس عادي لو زادت نص او الف اوك هتبقي في المعقول بتاعها وعلي بركة الله

**moataz30** · 27-04-2010 08:55 PM

المشاركة الأصلية كتبت بواسطة asaeed

والله يا أخي أنت أحسنت الاختيار لأني أنا كنت زيك كده قبل ما أجيب البولونيز ولو انت قرأت الموضوع من البداية هتلاقيني كاتب نفس كلامك كده والحمد لله أنا لي الشرف أني أمتلك المدرعة الملاكي.. بس للأسف أنا بأبيعها اليومين دول علشان محتاج الفلوس أكثر من السيارة، طبعاً إللي بيمتلك عربية زي دي ويبيعها يبقى خسران كتير لكن والله ما باليد حيلة.
بس إن شاء الله عندما يصلح لي الله شأني هجيب بولونيز برده بإذن الله.
وربنا يكرمك وهي عربية عملية جدااااا لأبعد مما تتخيل

بالتوفيق يا أخي الكريم ... ومتشكر على ردك الغالي

**kayson** · 27-04-2010 09:28 PM

متشكر جدا جدا

**moataz30** · 09-05-2010 09:53 AM

السلام عليكم ورحمة الله وبركاته ... ممكن ياجماعة حد يوضح لي العيب ده ؟؟؟ العربية البولونيز بتاعتي موديل 89 ... كانت رائعة بكل المقاييس ... ناعمة وهادية بس السحب مش كويس
... غيرت لها طقم بوجيهات ... لقيت البوجيهات سوداء فعرفت أنو كاربراتير .. نضفت الكاربراتير وغيرت الفلتر ... مشيت كويسة جداً وسحب تمام ... ركنتها نص يوم وبعدين حبيت أخرج بيها ... لقيتها بتضرب مدافع جامده جداً وبتنتش ... وبعد شوية مشيت طبيعية بنفس النعومة ... وبعدين ركنت لمدة ساعة ... وجيت أطلع بيها لقيتها بتبطل فجأة حتى لو دايس بنزين ... ولو دورت تاني تدور عادي لمدة دقيقة بالظبط وبعدين تبطل .... أرجو من أصحاب الخبرة الإفاده .... وشكراً

**mode2002** · 09-05-2010 03:41 PM

المشكلة في الكربراتير أخي

**sobhysm** · 09-05-2010 04:10 PM

المشاركة الأصلية كتبت بواسطة moataz30

السلام عليكم ورحمة الله وبركاته ... ممكن ياجماعة حد يوضح لي العيب ده ؟؟؟ العربية البولونيز بتاعتي موديل 89 ... كانت رائعة بكل المقاييس ... ناعمة وهادية بس السحب مش كويس
... غيرت لها طقم بوجيهات ... لقيت البوجيهات سوداء فعرفت أنو كاربراتير .. نضفت الكاربراتير وغيرت الفلتر ... مشيت كويسة جداً وسحب تمام ... ركنتها نص يوم وبعدين حبيت أخرج بيها ... لقيتها بتضرب مدافع جامده جداً وبتنتش ... وبعد شوية مشيت طبيعية بنفس النعومة ... وبعدين ركنت لمدة ساعة ... وجيت أطلع بيها لقيتها بتبطل فجأة حتى لو دايس بنزين ... ولو دورت تاني تدور عادي لمدة دقيقة بالظبط وبعدين تبطل .... أرجو من أصحاب الخبرة الإفاده .... وشكراً

المشكلة من الكربراتير إرجع تانى لبتاع الكربيراتير خليه يضبطه

**moataz30** · 09-05-2010 10:44 PM

مشكورين أخوتي صبحي وميدو لسرعة الرد ... هي فعلا حالها مش مظبوط من بعد ظبط الكاربراتير ... بس بيتهيألي المدافع اللي بتضربها دي والعطس ده بتبقى عيب كهربا والا ممكن الكربراتير برضو ؟؟

**bunybuny** · 09-05-2010 10:59 PM

النهاردة كان حار جدا ياترى اية اخبار السخونة فى البولونيز النهاردة انا السيارة بتاعتى كانت مع زوج اختى وحصل فيها حاجة بسبب السخونة بس لسة ماشوفتهاش
انتو اية الاخبار