صوت فرامل فى الصنى

**badabeedoo** · 23-08-2009 06:38 PM

السلام عليكم ورحمة الله وبركاته
يوم الجمعه بعد الصلاه كنت مروح بالعربية و كنت ماشى فى شارع هادى شوية و كنت بفرمل فى التقاطعات المهم سمعت صوت صفارة بيسطة من الفرامل.
المهم الصوت سامعه من ناحية الفرده الشمال قدام.

امبارح كنت ماشى بالعربية و حاولت اسمع الصوت بس ملقتش اى حاجة و مسمعتش اى حاجة فى العربية خالص..

يا ترى هل ده طبيعى ولا كان بيتهيئلى ولا ده ايه بالظبط
العربية مانيوال 2009 و الحمد لله ملتزم بصيانه العربية لحد15000

عذرا على الاطالة
أحمد عيد

**حاتم فوزى** · 25-08-2009 11:25 AM

وعليكم السلام ورحمة الله وبركاته

أخى لو تكرمت قم بضبط ضغط إطارات السيارة 32 أمامى و29 خلفى بس يكون فى مكان محترم زى محطة إمارات مصر مثلا
ويكون عدادهم ديجيتال مش أى حد بتاع كاوتش ياإما تشترى مقاس خاص بيك وتخلى بتاع الكاوتش يقيسلك بيه

بس وإنت بتظبط شوف الكاوتش اللى كان منه المشكلة ضغطه كام؟ أكيد هيكون منخفض

فى إنتظار ردك

**original** · 26-08-2009 06:35 PM

الصفارة بتبأا نتيجة تراب أو مياه جت على التيل وطالما راح يبأا الحمد لله بس تجنب غسيل الطنابير بالمياه وهيا سخنة يعنى بعد مشوار لأن ده بيخلى الطنابير تنتهى لأنها حديد والحديد لما تيجى عليه مياه وهوا سخن بيطأ يعنى تيجى تضرب فرامل تلاقى رعشة فى العجل الأمامى

هات منظف تيل فرامل ونضف الفرامل