رابطه محبي ومالكي الريجاتا

**homme49** · 24-09-2016 09:30 PM

المشاركة الأصلية كتبت بواسطة abo.yasen

السلام عليكم
ممكن اعرف اجيب جلد باب عربيه ريجاتا
منين ارجو الرد

وكالة البلح أو عزبة شلبى بمسطرد

**Abo.yasen** · 29-09-2016 08:43 PM

معلش يا جماعة انا لسه جديد في المنتدي
ومعايا عربية ريجاتا كنت عايز اعرف اجيب
جلد باب العربية اللي جوه منين
ارجو الرد
معلش في حدود كام

**محمد بايو** · 10-10-2016 04:32 PM

السلام عليكم
انا معي ريجاتا 88 نوفا
المشكلة الي ظهرت الشخونة بلاقي العربية بتعدي 90 في المشاوير البعيدة والاقي المية بتفور من القربة طبعا غيرت الثرموستات لواحد 82
وبعد كدة غيرت الريداتير بواحد جديد 450 جنية
المروحة شغاله لاتوجدبها مشكله لاني عملها شداد يدوي بشغلها منها بس مشكله عن لما العربية بتسخن المروحة مش بتشتغل وعلشان كدة بشغلها بالشداد ولكن مش بتقدر تسيطر علي السخونة لما تكون عدت 90
ارجوا الافادة لاني قربت ازهق من الريجاتا 01061007401

**mtageldeen** · 11-10-2016 02:39 PM

المشاركة الأصلية كتبت بواسطة محمد بايو

السلام عليكم
انا معي ريجاتا 88 نوفا
المشكلة الي ظهرت الشخونة بلاقي العربية بتعدي 90 في المشاوير البعيدة والاقي المية بتفور من القربة طبعا غيرت الثرموستات لواحد 82
وبعد كدة غيرت الريداتير بواحد جديد 450 جنية
المروحة شغاله لاتوجدبها مشكله لاني عملها شداد يدوي بشغلها منها بس مشكله عن لما العربية بتسخن المروحة مش بتشتغل وعلشان كدة بشغلها بالشداد ولكن مش بتقدر تسيطر علي السخونة لما تكون عدت 90
ارجوا الافادة لاني قربت ازهق من الريجاتا 01061007401

الثرموستات بتاع العربية الفابريكا 82-90 لكن الأفضل تركب الثرموستات الأقل 68-82 نظراً لارتفاع درجة الحرارة في مصر وتقادم عمر العربية.

يا ريت حضرتك تتأكد أن صباع الحرارة بيقرأ الحرارة مضبوط لأنك بتقول مغير الريداتير والمروحة لا تعمل بالرغم من ارتفاع درجة الحرارة.

وطبعاً حضرتك متأكد من إن الريداتير الجديد مناسب للعربية.

وبالتوفيق

**thechosenone** · 16-10-2016 11:23 PM

انا عندي مشكلة استهلاك البنزين في الريجاتا عالي جدا (120 كيلو في الصفيحة) و كان في مشاركة بتقترح تغيير الكربراتير ببتاع الشاهين... انا فعلا عملت كده و الاستهلاك لسه عالي زي ما هو ... و عايز اسأل اشغل راجع البنزين على فلتر التوزيع ولا الغيه خالص؟؟؟ لان كربراتير الشاهين مفبهوش راجع ...و كمان فيه فتحة في الكربراتير بتتوصل بخرطوم جانبي من خرطوم الفايظ... اعمل فيها ايه ؟؟؟ و اعمل ايه في الاستهلاك ده انا جربت كل حاجة و فشلت...

**Abo.yasen** · 26-10-2016 10:53 AM

سعر اسكترا ومقصات امامي و خلفي ومساعدين خلفي بكام ومنين ارجو الافادة

**Mounir M** · 17-11-2016 12:15 PM

لو فى حد يفيدنى فى صوت خبط لما بدوس على دواسه البنزين مره واحده بيروح لما بخف رجلى من على الدواسه .. دا عيب ايه ؟!!!!
عايز طابلوه ريجاتا نوفا موديل +90 بسعر حنين او على الاقل دولونى على حد يقدر يرممه ويرجعه لاصله
افيدوووووووووونى

**nicegypt** · 17-11-2016 08:12 PM

المشاركة الأصلية كتبت بواسطة mounir m

:n_no[1]:لو فى حد يفيدنى فى صوت خبط لما بدوس على دواسه البنزين مره واحده بيروح لما بخف رجلى من على الدواسه .. دا عيب ايه ؟!!!!
عايز طابلوه ريجاتا نوفا موديل +90 بسعر حنين او على الاقل دولونى على حد يقدر يرممه ويرجعه لاصله
افيدوووووووووونى

روح لبتاع فرامل قولة يركب لك السوست بتاعة التيل .. عبارة عن سوست صغيرة معدنية بتركب ف التيل من الاجناب

**nicegypt** · 17-11-2016 08:16 PM

المشاركة الأصلية كتبت بواسطة abo.yasen

سعر اسكترا ومقصات امامي و خلفي ومساعدين خلفي بكام ومنين ارجو الافادة

اسكترا جديدة من التوفيقية : 450 صيني .. 550 تركي
مساعدين خلفي وامامي الطقم قبل الغلاء كان بألف جنية جديد ألماني .. حاليا لا اعلم
المقصات 350 ج امامي .. الخلفي التركي ب 100 الواحد

المشاركة الأصلية كتبت بواسطة thechosenone

انا عندي مشكلة استهلاك البنزين في الريجاتا عالي جدا (120 كيلو في الصفيحة) و كان في مشاركة بتقترح تغيير الكربراتير ببتاع الشاهين... انا فعلا عملت كده و الاستهلاك لسه عالي زي ما هو ... و عايز اسأل اشغل راجع البنزين على فلتر التوزيع ولا الغيه خالص؟؟؟ لان كربراتير الشاهين مفبهوش راجع ...و كمان فيه فتحة في الكربراتير بتتوصل بخرطوم جانبي من خرطوم الفايظ... اعمل فيها ايه ؟؟؟ و اعمل ايه في الاستهلاك ده انا جربت كل حاجة و فشلت...

حضرتك محتاج بتاع كربراتير محترم يظبط لك الاستهلاك وتبص على كهربة الاسبراتير لانها لو مش مظبوطة هتاكل معاك بنزين باردو .. طالما مفهوش راجع يبقي الافضل تجيب علبة التوزيع البيضا بتاعة الجولف اللى حضرتك بتقول عليها فلتر توزيع هو ف الاصل مش فلتر .. كربراتير الشاهين فية راجع بس عندك ملغي ومطبب

**معتز خليل** · 21-11-2016 01:08 AM

السلام عليكم اخوانى .. أرجو الإفادة لقد قمت بتغيير تابلوه الريجاتا بتابلو دايو لانوس وكل شئ ماشى تمأم والحمد لله إلا أن عداد السرعة لم يعمل برغم المحاولات وجميع العدادات والأنوار تعمل بكفاءة ارجو الرد اذا كان فى تجربة مع تابلوه اللانوس