الموضوع: رابطه محبي ومالكي الريجاتا

قطع غيار للريجاتا للبيع بسعر رخيص عاملين لي زحمة وحالتهم ممتازة ويعمل بكفاءة
http://www.nilemotors.net/Nile/345783-a.html

المشاركة الأصلية كتبت بواسطة wsmmdr

السلام علكيم انا عربيتي ريجاتا نوفا لما اشيل رجلي من علي دواسة البنزين مره واحده اسمع طقطبه مرة واحده وساعات لما ارجع مارشدير اسمع نفس الطقه
ارجو افادتي

غالباً الصوت من ماسورة الشكمان
ولها سبب من إثنين:
الأول: بتاع الشكمان هيأكد على الماسورة والكاوتش بتاعها
الثاني: قطع بقاعدة الفتيس وفي هذه الحالة بتاع الشكمان لو وقف على دماغه لن يستطيع أن يمنع ذلك الصوت والحل بتغيير قاعدة الفتيس.

المشاركة الأصلية كتبت بواسطة رامي الديهي

طاب انا عندي درجة الحرارة بتعلي لـــ 90 من أقل مشور بس بسمع المروحة بتشتغل علي طول الحمد لله بس درجة الحرارة مش بتنزل قوووي عن تسعين يعني بتنزل حاجة بسيطة يا تري يبقي العيب في اية ؟؟؟ أرجو الأجابة لأني مقلق جداً من موضوع الحرارة دة خصوصاً اننا داخلين علي الصيف

المشاركة الأصلية كتبت بواسطة nicegypt

طالما الحرارة بتنزل ولو 3 درجات والمروحة بتفصل يبقى كل حاجة تمام
كل ما ف الامر ان المروحة ضعيفة بشكل بسيط او دورة التبريد محتاجة نضافة لا اكثر

سبب أخر: هناك ترموستات 68/82 وأخر 80/90 تقريباً
حضرتك ركب ترموستات المروحة الواطي (68/82) لكي تعمل المروحة مبكراً فلا ترتفع الحرارة عن 90 وتتراوح بين 70و 80 غالباً.

يمكن فك الترموستات بسهولة وقراءة ما عليها بمفتاح 28(بتاع أنبوبة البوتجاز) ولكن ستفقد مياه الرداتير وسوف تعيد تعبئته مرة أخرى

المشاركة الأصلية كتبت بواسطة mohmedaboud

أعضاء الرابطه الكرام
السلام عليكم جميعا
انا اشتريت ريجاتا والحمد لله كنت عاوز اسال على سعر ومكان اشترى منه اكصدام امامى وخلفى وكمان التابلوه
وياريت لو حد اشتراهم قبل كده يقولى فين مكان التاجر

وشكرا ليكم

بالنسبه للاكصدام ممكن تأخذ جوله الوكاله او عزبه شلبى وهتعرف السعر الحالى ايه
اما بخصوص التابلوه كان فيه عضو على ماعتقد كاتب موضوع ان ركب تابلوه سيينا على ماتذكر وركب معاه وارخص واقوى من تابلوه الرجاتا انا لو منك اعمله
ابحث عليه وان شاء الله سوف تجده

المشاركة الأصلية كتبت بواسطة mtageldeen

سبب أخر: هناك ترموستات 68/82 وأخر 80/90 تقريباً
حضرتك ركب ترموستات المروحة الواطي (68/82) لكي تعمل المروحة مبكراً فلا ترتفع الحرارة عن 90 وتتراوح بين 70و 80 غالباً.

يمكن فك الترموستات بسهولة وقراءة ما عليها بمفتاح 28(بتاع أنبوبة البوتجاز) ولكن ستفقد مياه الرداتير وسوف تعيد تعبئته مرة أخرى

كلام حضرتك مظبوط لكن انا مقولتوش لسبب واحد ان درجة الحرارة المثلي للشتغيل هي 90 درجة
اقل من كدة هيسبب زيادة فى استهلاك البنزين مع ضعف ف الاداء لان درجة الاحتراق المثلي ما بين
90 و 92 درجة