الله يبارك فيك يا ريس وبالنسبة لطقم الكارتيرات هو اربع قطع اتنين امامي واتنين خلفي ... واّّن شاء الله هصور غطا التنك وارفقه في الموضوع ... بالنسبه لموضوع المفتاح انا من اهمالي كنت معلق الغطا بحيث يقفل و يفتح بدون المفتاح وكنت بعتمد علي المصفي بتاعة التنك في موضوع سرقة البنزين ... غلطة ومش هتتكرر تاني يا بيه
يا باشا الف مبروك عليك المشتروات والحمد لله قدر الله وما شاء فعل ومحدش بيتعلم ببلاش وفي انتظار الصور
انا سوف اسرد لك مشكلتى وعسى ان تفيدك وتفيد الاخرين
اولا انا سيارتى ريجاتا كانت بتغيب كتير فى الدوارة وانا من النوع اللى لا اذهب للميكانيكى الا بعد ان اكون استشرت اعضاء المنتدى لزياده معرفتى بالصيانة الاساسية
المهم
البوجيهات كانت عندى بخرجها بيبقى عليها بخار زيت احد الاعضاء قال لى انه سبب عدم الدواره صباحا او فى اى وقت بشرط ان تكون السيارة مركونه ليوم مثلا
كنت اسخن على البوجيهات فكانت بتدور لكن مكنش ده سبب المشكله
ومن كثره الدوارة لدرجه ان البطارية كانت بتفضى
فى اليوم اللى قررت انى اوديها للميكانيكى كانت السيارة مركونه فى مكان عملى مما جعلنى احاول ادورها واذهب بها الى الميكانيكى الذى اتعامل معه
وكانت البطارية نايمة مما جعلنى استعين بسيارة صديقى علشان اعمل وصله من بطاريته الى بطارية سيارتى
وبالفعل عملت الوصله ورغم انى اشتريت طقم بوجيهات جديد وركبته الا ان السيارة مش عايزة تقوم
قدرا كان شخص موجود فى مكان سيارتى يعمل فى شركة هيونداى شاف مشكلتى وحاول يساعدنى وفعلا تعلمت منه
اولا هو شيك على سلك الاسبراتير علشان يشوف فيه كهرباء خارجه ام لا
ثانيا شفط من الخرطوم اللى متصل بطرمبه البنزين وداخل لفلتر البنزين وجدته يعمل
ثالثا فك فلتر البنزين لعله يكون مكتوم طلع سليم
رابعا فك الاسبراتير وجد الابلاتين تعبان وقافش بالمعنى الدارج لادع وده عامل من عوامل عدم دوراه السيارة
خامسا فك العمة وبص على الكربراتير وقالى دور ليتاكد ان فى بنزين داخل للكربارتير تمام
سادسا وهو الاهم وجد فى بنزين فى الكربراتير وهو ده عامل ثانى من عوامل عدم الدوارة صباحا بالمعنى الدارج شرقانه (ملحوظه هامه التكرير الدائم غلط لانك بتملى الكربراتير بنزين فتشرق السيارة ومستحيل تدور وهى على الوضع ده ) تكريكة بسيطة ودور حتى تلقط وتدور
سابعا قال لى دور مره واثنين وثلاثه ولا تضغط بنزين نهائى حتى يستهلك الكربراتير البنزين اللى بداخله حتى تجد السيارة بدأت تلقط اضغط ثنه بنزين وبعدها هتدور ان شاء الله
وهذا ماحدث بالفعل ودور للى السيارة واخذتها وذهبت للميكانيكى غير لى الابلاتين والكوندنسر وانا كنت مغير البوجيهات واهم شىء بعد التغير الميكانيكى يضبط لك كهرباء الموتور ويضبط لك صوت الموتور وهذا مافعله الميكانيكى
والان السيارة عندى تمام وبدورها بتدور
اذا نخرج من موضوعى بالاتى
مش شرط ان بخار الزيت على بعض البوجيهات ان الموتور خفيف او انه سبب عدم الاداره
ثانيا عدم التكرير عند اداره السيارة لانك هتفقد شيئين شرق السيارة اى امتلاء الكربراتير بالبنزين وفقدان شحن البطارية لديك
هذه مشكلتى لعلها تفيد الاخرين
السلام عليكم ورحمه الله وبركاته
سؤال حد جرب يفكر فرش الباب قبل كده لانى بفك كله الا اكره الباب مش عارف افكها ازاى وخايف اكسر الفبره البلاستك اللى ماسكه فى الاكره
لان القربه علقت عندى وعايز اصلحها
انا بشوف الراجل بيحشر مفك وبيفكها لكن ازاى بيطلعلها مش عارف
لو احد له درايه يخبرنى وله جزيل الشكر
انا فكيت فرش الباب و ممكن افيد حضرتك
1 : بتفك مسامير الدراع اللي بتقفل منه الباب وهو عبارة عن ثلاثة مسامير واحد من الاعلي ناحية المراية والثاني من عند الدراع اللي بتفتح منه الباب ( الاكره ) والثالث من من ناحية كالون الباب
2 : هيطلع معاك الدراع من غير الاكرة الفيبر الخاصة بفتح الباب وهي بتكون ماسكة في ذراع تحريك مسؤل عن فتح الباب .
3 : هتشد الذراع ده بمستوي افقي لداخل السيارة يعني تشده ناحية الباب الآخر برفق.
4 : الفرش بتاع حضرتك لو فبريكة هايكون علي كلبسات فيه فوق الفرش الكوبستة السوداء اللي فوق الفرش مباشرة وهي علي كلبسات : كلبس من ناحية المراية وعلبة الفيوزات - 2 كلبس من المنتصف فوق الذراع اللي بنقفل منه الباب واللي احنا خلعناه - وكلبس واحد ناحية الكالون هتمد مفك عادة برفق من وراء الكوبسته وخلي بالك الكوبسته دي عبارة عن فبر ضعيف مكسو بالجلد فبراحة خالص وانته بتفكه .
5 : بعد كده هتعمل نفس الموضوع مع الفرش وده بيكون عبارة عن كرتون مقوي مكسو بالفرش ( mdf ) .
بس خلاص ......... ارجوا ان اكون قد افدتك وتحت امر حضرتك في أي استفسار
لي عظيم الشرف مقابلة سيادتك ولي عظيم الشرف ايضا ان تقوم بالرد علي استفساري ونعم الادب والاخلاق الحميده برجاء ارسال رقم حضرتك علي الخاص لترتيب لقاء قريب ان شاء الله ولك مني خالص الشكر والتقدير استفادة من علمك الغزير لتلك السيارة شكررررررررررررررررررررررا
http://nileup.com/up/uploads/nilemotors_13846338961.jpg الله يا بشمهندس حسين انا مش عارف اقولك ايه انا تعبك معايا علي الاخر بس فيه عندي مشكلة في موضوع عوامة البنزين مش لاقيها خالص وهي غريبة شوية هي تقريبا زي اللي في الصورة مش عادية زي بتاعت الريجاتا بمسمار لا هي بصمولة زي ما حضرتك شايف هل هي موجودة ولا لاء ولو فيه بديل اكون شاكر لو دلتني عليه وهل عوامة 128 تركب علما ان التانك بتاع العربية فبير مش صاج اسف علي الاطالة
تحت امر حضرتك .. بالنسبة للعوامة فك اللى عندك عن طريق الغطا الاسود او الاطار الاسود هتلاقي تحتة
مسمارين واحيانا بيكون مفيش مسامير هتلاقي العوامة طلعت معاك .. هتجيب عوامة ريجاتا بـ 80 ج التركي
الايطالى بـ 150 ج .. خليك ف التركي انا مجربها لانى اكتشفت ان التركي هي نفس الايطالى من نفس المصنع الفرق بس ف حاجة واحدة هي البلونة بتاعة العوامة بتتخرم منك كل فترة وبتتغير بخمسة ج
لو مش ليك مزاج تغيرها يبقى هات الايطالى وريح دماغك . وطريقة التركيب سهلة جدا هتلاقيها ف المواضيع عندي .. انت عربيتك ريجاتا اية ؟ نوفا ولا عادية ؟ وموديل كام ؟
اهم مواضيعى عن الريجاتا : بداخل عضويتى
عدنا بكل قوة للرابطة .. م / Hussein
مبرمج ومالك لشركة برمجيات وتصميم مواقع الانترنت
الحمد لله هنعمل ايه فى الايقافات الملعونه
لكنى عملت بنصيحتك الان وفضلت عدم الدخول فى قسم احوال الشارع المصرى نه بيفرق اكثر مابيقرب
على فكره انا بتابع موضوعاتك سواء هنا او فى موقع موقع
اتمنى ان تكون فى صحه جيده وان شاء هنتقابل فى القريب العاجل لانك انسان جدير بالاحترام والتعرف به عن قرب
مع تحياتى
عمرو
مرحبا ّ بعودتك مرة اخري .. وانا كنت بلاحظ وجودك اون لاين بس مش بتقدر ترد بسبب الايقاف
وكنت بلاحظ وجودك ف الرابطة .. الفيديوهات اللى حضرتك نزلتها ممتازة ما شاء الله تسلم ايدك
اهم مواضيعى عن الريجاتا : بداخل عضويتى
عدنا بكل قوة للرابطة .. م / Hussein
مبرمج ومالك لشركة برمجيات وتصميم مواقع الانترنت
طرمبة مية = 120 ج الايطالى .. تركب على 128 والريتمو ريجاتا وال 132 نفس القطعة .. بلاش التركي نهائى لان البلية والسوستة بتوعها بضربو بسرعة .. بتيجي بالجوان بتاعها
سير كاتينة ماركة داينو "ايطالى " ابو علبة حمرا = 55 ج .. سير ديتمو بـ = 15 انجلترا ماركة عجيبة ملقتش غيرها
وبالتالى احتفظت بواحد ف الشنطة لاي ظروف
جوانات مانفول : 20 ج .. جوان شكمان 5 ج .. ابلتين وكوندنسر فرنساوي = 25 ج .. دة اللى فاكرو حاليا هكتب الباقي لما افتكر علماّ انى غيرت كل القطع دي بنفسي وطلع عينى بصراحة لان فية حاجات بتحتاج مساعدة سخض معاك وانا لوحدي .
البداية وانا ع الصحراوي اتقطع مني سير الدينمو !! اول ملاحظت لمبة البطارية بترعش وبعدها نورت على طول عرفت ان السير قطع دي العلامة .. ولازم تركن عشان العربية متسخنش منك لان طرمبة المية على نفس السير وبالتالى مفيش مية بتتقلب .. يبقى لو استمرت على الوضع دة المكنة هتسخن منك لقدر الله والبطارية هتفضي شحن وهتعطل بيك ف نص الطريق .. ركنت وطلعت مفتاح 13 ومفتاح 14 وسير دينمو من الشنطة والتركيب اخد 10 دقائق فقط .
بعد التركيب دورت العربية وبصيت على سير الدينمو لقيت الطمبورة بتاعة طرمبة المية فيها بوش خفيف جدا يعنى الطمبورة فيها بتتهز لجوة وبرة ! دة سبب قطع السير طبعا لانة بيتمط .. طيب طرمبة المية شغالة زي الفل ومفيش تسريب مية .. عندي اختيارين .. يأما انتظر لما تجيب مية وبتوظ خالص .. يأما اغير ..
اخترت التغيير مباشرة بدون جدال . رغم انها شغالة .. وكبيري قوي هنزل اغير سير كل كام مشوار
فكيت الطرمبة وركبت الجديدة وطبعا لازم يكون معاك سيلكون . بصيت ع القديمة لقيت السوستة بتاعتها والبلية خشنت شوية
طيب بالمرة بقى اغير سير الكاتينة .. وهنا المعاناة .. السير عمل 18 الف لسة كتير علية بس انا قلقان وموسوس جداّ
فكيت ونسيت انى راكن على مطلع .. " قدام البيت عندي " وجبت الرابع هزق ازاي انا دلوقتي .. ينهار زق :d
جبت الكوريك ورفعت العربية من العجلة اليمين .. وجبت الرابع وحركت العجلة بأيدي .. والايد التانية فكيت البوجية وحطيت مفك عادة طويل عشان احس بالبستم واوصل لاعلي نقطة لة .. قعدت شوية اظبط لان الغلطة هنا ب فورة
فية علامة على الكاتينة نفسها وعلامة ف الصاج اللى حوالين الكاتينة لازم الاتنين يبقوا قصاد بعض وبأي قلم فلومستر
تعلم ع السير القديم من فوق .. بعد كدة ابدء فك بمفتاح 14 .. طلعت السير لقيتة زيرو انصدمت :d يعنى عامل الفيلم دة
والسير لسة فية كتيير .. واللى قبلة كذلك شلتة على 15 الف لانى بقلق من حوار الصبابات .. ادفع 80 ج تغيير سيور
ولا ادفع صبابات وجوانات وهلم جرا .. غداّ التكملة بأذن الله عشان البوست بقى طويل .
اهم مواضيعى عن الريجاتا : بداخل عضويتى
عدنا بكل قوة للرابطة .. م / Hussein
مبرمج ومالك لشركة برمجيات وتصميم مواقع الانترنت
المفضلات