بودي السيارات الحديثة والقديمة؟

[Xpert]

البوديهات القديمه كانت بتصنع من حديد غني .. ايام البركه و العز زمان .. دلوقتي الحديد بقي ليه تمن .. فكل مدي العربيات بتخف ..
بالنسبه للايروديناميكش .. quote for ferdinand porsche : aerodynamics is for those who cant manufacture a decent engine !

[فادى]

للأسف أراء الزملاء فيها الكثير من الخلط.
أنا هشرحلك المشكلة التى واجهت المصنعين.
زمان كانت السيارة بسيطة و مفيهاش تجهيزات زى الى موجودة دلوقتى, تجهيزات الراحة و الامان و غير ذلك, لذا هتتفاجىء لو عرفت أنو وزن أى سيارة قديمة أقل و أخف من وزن أى سيارة جديدة.
تخيل انو وزن ال131 حوالى 950 كغ فقط, بينما وزن الفيات بونتو حوالى 1050 كغ!! يعنى ال131 العائلية اخف من وزن البونتو السيارة الصغيرة المدمجة.
طبعا وقع المصنعين فى كارثة, لأنهم مضطرين يضيفوا للسيارة مختلف التجهيزات و لكن فى الوقت نفسه لازم وزنها يكون متناسب مع المحرك.
و كان ايه الحل؟
طبعا تخفيف الصاج لتعويض الوزن, لأن مفيش حل غير كده, طبعا الى جانب حلول أخرى غريبة و غير عملية زى صناعة المحرك من الألمونيوم.
و رأينا حلول كارثية مثل صناعة أجزاء من جسم السيارة من الألمونيوم أو البلاستيك.
و ملوش دعوة بالأمان, لأن المتانة مهمة جدا من أجل الأمان, ففى النهاية جزء كبير من الاصابات المميتة نتيجة لتغير حجم السيارة و "فعص" الركاب, لذا يحاول المصنعين تعويض ذلك عبر وضع قضبان حديدية حول المقصورة أو جعل انهيار السيارة بعيدا عن المقصورة قدر الامكان. يعنى تنهار السيارة كلها لكن أخر جزء فى هذا الانهيار هو المقصورة.
أما بالنسبة للصدمة, فيمكن تخفيفها بواسطة الوسائد الهوائية, و هى ليست اختراعا حديثا بالمناسبة, بل كانت قد ابتكرتها جنرال موتورز على ما أذكر فى الستينات, و لكن فى شكل وسادة مطاطية.
و حقيقة الأمر أن الصانعين الأمريكيين مثلا لم يرضخوا لضغط محبى البيئة و عالجوا الأمر عبر اعتماد محركات أكبر و أقوى و مزودة بشواحن تربو, أما الأوروبيون فنظرا لقواعد البيئة الصارمة لديهم اضطروا لاعتماد حلولهم الكارثية, أو استبدال محركات البنزين بمحركات الديزل الأكثر قوة, و لم يهتم اليابانيون و الكوريون كثيرا بهذه المعضلة, فهم مازالوا يحاولون صنع سيارة تسير فقط و تحاكى السيارات الأمريكية من حيث الراحة.

[eng_mkhalaf]

يا جماعة أنتم نسيتم الكليو الرفرف فبر كمان مش صاج - حبة حبة يعملوها كاوتش أو سفنج :)

[Powert]

الفيديو ده هيوضح كل حاجة ليه القديم حديد وليه الجديد ورق لانه بيفرق جامد في الحماية

لان العربية لما تكون حديد مع السرعة العالية بتكون اضعف وحوادثها اقوى

عكس لما تكون خفيفة و فايبر لان الفايبر هيرد الخبطة وتاثير الخبطة هيوزع على اماكن متفرقة

من الجسم العربية وليس لتوفير


http://www.youtube.com/watch?v=3l4YBf2tjag

الفيديو ده هيوضح كل حاجة ليه القديم حديد وليه الجديد ورق لانه بيفرق جامد في الحماية

لان العربية لما تكون حديد مع السرعة العالية بتكون اضعف وحوادثها اقوى

عكس لما تكون خفيفة و فايبر لان الفايبر هيرد الخبطة وتاثير الخبطة هيوزع على اماكن متفرقة

من الجسم العربية وليس لتوفير


http://www.youtube.com/watch?v=3l4YBf2tjag

مع احترامى للجميع, هذا الكلام تروج له شركات السيارات لتبرير تلك الحلول الكارثية. ففى النهاية البلاستيك هو البلاستيك, و هو غير أمن, و هناك طرق عدة لتوزيع الصدمة و ليس من بينها تقليل متانة الصاج, لأن حدوث انبعاج هو أخطر مئات المرات من وقع الصدمة التى يمكن امتصاصها بطرق أخرى.

[adidas_vip2]

فعلا الكلام دة مظبوط يمكن خففوا مواد المصنوعه منها السيارات بس دة فى صالح الركاب لانة زاد من الامان والتضحية بجسم السيارة الموفر لهذا الامان ودة اللى احنا عاوزينة ماهو احنا مش عاوزين عربية حديد وتتخبط لاقدر الله ويحصل حاجه للركاب اكيد طبعا كلنا هنقول فى داهيه العربية المهم الناس ودى اول حاجه بنقولها لو حد سمع ان فى حادذة لقدر الله فا لو بصينا بعمق شوية فى الموضوع دة هنلاقى فعلا ان عامل الامان زاد ودة اللى احنا عاوزينة كمان المواد المستخدمة فى السيارات حاليا بقت اكتر انسيابية لتصميم السيارات باشكال تمتص الصدمات وتحافظ على الركاب

[muslem]

انا مع كلام الاخ فادى فمثلا هل تفتكروا ان الشاسيه الحديد بيحمي الركاب ولة لا اللى فى العربيات القديمة طبعا بيحمي و لا يجعل المتور يدخل الى الصالون بعكس الجديد تفضل تتفشفش العربية لغاية لما توصل الصدمة للمتور و فى الاخر يدخل على الكابينة يعني مثلا عارفين البولانيز دخلت فى نصف نقل على سرعة 60 كيلو ايه اللى حصل؟
الشاسيه الحديد اتعوج شوية و المتور محصلش فيه حاجة ولة اتزحزح على الكابينة و اللى فى العربية محصلش لهم حاجة حاجة تقريبا و ده من غير حزام امان كمان طيب لو الكلام ده على عربية جديدة حيحصل ايه؟؟!!
اكيد عارفين الكابينة حتبتدى يدخل عليها المتور فتتفعص و تبدي تدخل على رجلين اللى فى الكابينة طبعا يعني دى اقل حاجة
الفيديو اخى لعربيتين جداد فين القديم اللى فى الفيديو بس تلاقي بس عملوا تحسين شوية و اللى بيقولوا عليها قديمة دى تلاقيها كانت ورق الورق فحسنوا اللى اجدد منها بكام سنة و الا كيف لو صاجها جامد يتفعص كده و اللى صاجها مش جامد ميحصلش لصاجها حاجة!!

[فادى]

انا مع كلام الاخ فادى فمثلا هل تفتكروا ان الشاسيه الحديد بيحمي الركاب ولة لا اللى فى العربيات القديمة طبعا بيحمي و لا يجعل المتور يدخل الى الصالون بعكس الجديد تفضل تتفشفش العربية لغاية لما توصل الصدمة للمتور و فى الاخر يدخل على الكابينة يعني مثلا عارفين البولانيز دخلت فى نصف نقل على سرعة 60 كيلو ايه اللى حصل؟
الشاسيه الحديد اتعوج شوية و المتور محصلش فيه حاجة ولة اتزحزح على الكابينة و اللى فى العربية محصلش لهم حاجة حاجة تقريبا و ده من غير حزام امان كمان طيب لو الكلام ده على عربية جديدة حيحصل ايه؟؟!!
اكيد عارفين الكابينة حتبتدى يدخل عليها المتور فتتفعص و تبدي تدخل على رجلين اللى فى الكابينة طبعا يعني دى اقل حاجة
الفيديو اخى لعربيتين جداد فين القديم اللى فى الفيديو بس تلاقي بس عملوا تحسين شوية و اللى بيقولوا عليها قديمة دى تلاقيها كانت ورق الورق فحسنوا اللى اجدد منها بكام سنة و الا كيف لو صاجها جامد يتفعص كده و اللى صاجها مش جامد ميحصلش لصاجها حاجة!!

و تأكيدا على كلامك يا عزيزى, حد عمره شاف مرسيدس و لا بى أم و لا فولفو صاجها بلاستيك؟!
حد جرب و عمل حادثة مع مرسيدس موديل 2007 قبل كده بعد الشر طبعا.
الى جرب هيكتشف انو المرسيدس من السيارات الحديثة القليلة التى أصبحت أكثر متانة مما سبق, و كانت ليه تجربة فى ذلك لما كنت راكب مع احدى أصدقائى (و كانت سيارة أبيه) و "رزعنا" فى سيات ايبيزا بمرسيدس سى موديل 2005 على ما أظن, و الايبيزا فقدت جزئها الخلفى تماما أما فى المرسيدس فبلا خدش!! و الايرباج مفتحش.
مرسيدس هى نافذة لما سوف تكون عليه صناعة السيارات لعشر سنوات قادمة, مما يدل أن المتانة مازالت فى مقدمة اهتمامات الشركات الكبيرة فقط!
و لازم نذكر انو المرسيدس ثقيلة الوزن للغاية (مثلا السى 280 وزنها يتعدى ال1500 كلغ) و هو مما اضطر الشركة الألمانية الى اعتماد محركات كبيرة من فئة ال3 لتر لسيارات صغيرة نسبيا مثل السى (سى 280 مثلا), أو تعويض الوزن عبر اعتماد محركات متوسطة الحجم مزودة شاحن هواء سوبر تشارجر مثل (سى 200 كمبرسور).

[Xpert]

بالنسبه لوزن المرسيدس و الكلام ده .. خفه الوزن مش كل حاجه ... البي ام و المرسيدي بيصنعوا العربيات علشان الاوتوبان .. و اعلي الاوتوبان الثبات يفوق كل شيء .. اه طبعاً ماينفعش تجيب عربيه وزنها +2.5 طن و تحط فيها مكنه 1600 ... انما برضه الثبات مطلوب ...