ماذا تفعل اذا صدمت شخص بسيارتك ؟؟( تجربة واقعيه )

[mokelanos]

أنا حصل لى موقف معاكس
شباب بيلعبوا كوره وسط الشارع وواحد واقف جون وعمال ازمرله ومش عاوز يتحرك ( عاوزنى أنا اللى امشى من جنب الجون) أخدتتنى الجلاله وأنا عمال ازمر وضربت فرامل متأخر عن قصد وكانت الفرامل محسوبه أنها تخبطه خبطه بسيطه
وطبعا الناس غلطته ما أنا ضارب كلاكس وضربت فرامل:)

[shalaby2001]

-افعل الخير فى اهله و غير اهله فان صادف اهله فهو اهله و ان لم يصادف اهله فانت اهله
- هوديه المستشفى مع اخذ كافة الاحتياطات , و شكرا على الموضوع المفيد .

يأخى انت التوقيع بتاعك وجعنى
وقلبى اتقبض والله ما بهزر

[noon_eg]

انا حصل لى موقف مع قائد موتسيكل هو اللى خبط فيا من الجنب الشمالى اللى ورا
وانا كنت مروح قبل ميدان الرمايه حته زحمه ومافيش فيها جرى
بعد ما عديت مطب صناعى وماشى بسرعه 20-30 حسيت بخبطه ورا ببص فى المرايه لقيت الزبون خبط جادون الموتسكيل فى الرفرف الشمال ورا وطبعا وقع على الارض وقعد يترحرج بشكل عجيب وكانت وراه عربيات كتير من مسافه بعيده خفت يحسن يتفرم منهم
قعدت ابص عليه وانا فى ذهول فى المرايه لغايه ما كنت حاخبط فى العربيات اللى وقف امامى فى الاشاره بتاعت الرمايه
الخلاصه انا كملت عادى جدا ولا كان حاجه حصلت لانى مش حامشى ابص ورايا وخلى بالى من الامام والخلف

بعدها كل شويه احس بتانيب ضمير انى سيبته ومشيت ولما افكر فيها تانى اقول هو اللى مستهتر ويتحمل نتيجه افعاله

ربنا يرحمنا برحمته ويحفظنا بحفظه

والله يا اخوانى الحفظ من الله سبحانه وتعالى مش شطاره ولا مهاره لو تشوفوا كميه الحوادث يوميا على المحور والدائرى حتحسوا انه ما فيش امان ولا ضمان الا حفظ ربنا سبحانه وتعالى ودعاء الوالدين

[Abdo_Eldesokey]

أنا بعد ما شفت الموضوع ده لازم الواحد يغير طريقة تفكيره ....

لو الخبطة خفيفة سيب الراجل وامشي ...

لو جامدة خده لأقرب مستشفى ونزله قريب منها واخلع على طول ...

لكن بهدلة وشحططة ع الفاضي ... على إيه ؟

[Noha.M]

........

ساعات برضه يا جماعة بحط نفسي مكان اللى اتخبط دة

ما اى حد عرضة - لا قدر الله - للموقف دة

يعني بجد بعد ما اخويا رجع من النيابة و الحمد لله روح و الموضوع كان اتظبط شوية و اطمنا ...باة كل تفكيري فى الراجل اللى مات دة .. بقيت عمالة اعيط عليه هو وو على اللى حصله و على احساسه و هو بيتخبط .. بقيت بدعى ربنا انه ميكونش حس باى حاجة و انه يكون اغم عليه مثلا من الصدمة قبل ما يتخبط ..مكانش حاجة فى ايدي غير انى ادعى ربنا يغفرله و يرحمه و يجعل مثواه الجنة


ربنا يحسن ختامنا يا رب .. اللهم امين

[mohamed_88sk]

طبعا حضرتك عندك حق يا أنسه نهى بس ده برضو غلطان أنا متفهم أن الموقف صعب بس حاولوا ترضو أهله بأي مبلغ مساعده بعد القضية ما تخلص على خير إن شاء الله .

[Abdo_Eldesokey]

عندك حق يا Noha-M ... بس كل كلامنا ده لما يكون الضحية هوا الي غلطان ...

غلط ودفع تمن غلطته ... لكن لو السواق هوا الي غلطان يبقى الوضع تاني طبعا ً

[mohamed_88sk]

طبعا حضرتك عندك حق يا أنسه نهى بس ده برضو غلطان أنا متفهم أن الموقف صعب بس حاولوا ترضو أهله بأي مبلغ مساعده بعد القضية ما تخلص على خير إن شاء الله .

أنا أقصد بالغلطان الرجل المتوفى -الله يرحمه- بس خدي باللك ممكن دفاع الخصم يستند بإن أخوكي كان بين التريلتين والمتوفى مكنش شايفه ...فعلا لازم الواحد يحط نفسه مكان الطرف الأخر ... بس دلوقتي إيه حصل جديد في الموضوع؟؟ أعذريني لسه عارف الموضوع ده دلوقتي والله .. كان الله في العون وربنا يسهلكوا الحال ..
بس بجد بعد لما ربنا يسهل بالخير بإذن الله . في رأيي تدوا لأهله قرشين كده مساعده برضو ده ممكن يكون رب لأولاد على وش جواز أو غيره ....وكله في ميزان حسناتكم وتثابوا عليه وأنتو طبعا مش مجبرين .
بس برضو لو الطرف التاني غلطان أنا مصر أني أسيبه يهاتي وأمشي .
::::::::::::::::::::::::::

أحكيلكو على موقف زميل والدي في الكويت كان معاه مرسيدس خنزيرة -أعوذ بالله من ده أسم- والتاير بتاعها نام اللي ورا يمين المهم الراجل ركن يمين ونزل يبدل التواير طلعله شب عامل فيها روش وبيعمل درفت خبط السيارة من الشمال فخبطط الراجل وهو قاعد بيبدل التواير وجرى ...المهم الراجل دخل المستشفى والحمد لله طلع بعد فترة والولد ده خلع المهم جابوه وكانو عايزين يشيلو زميل والدي الحكاية مشفعلوش غير كان في كاميرا طريق عند إشارة قريبه من مكان الحادث هي اللي سجلت اللي حصل .. كانت حجتهم ايه اللي مخليك راكن في منطقه ممكنوع الركن فيها ..

[mohamed_88sk]

انا حصل لى موقف مع قائد موتسيكل هو اللى خبط فيا من الجنب الشمالى اللى ورا
وانا كنت مروح قبل ميدان الرمايه حته زحمه ومافيش فيها جرى
بعد ما عديت مطب صناعى وماشى بسرعه 20-30 حسيت بخبطه ورا ببص فى المرايه لقيت الزبون خبط جادون الموتسكيل فى الرفرف الشمال ورا وطبعا وقع على الارض وقعد يترحرج بشكل عجيب وكانت وراه عربيات كتير من مسافه بعيده خفت يحسن يتفرم منهم
قعدت ابص عليه وانا فى ذهول فى المرايه لغايه ما كنت حاخبط فى العربيات اللى وقف امامى فى الاشاره بتاعت الرمايه
الخلاصه انا كملت عادى جدا ولا كان حاجه حصلت لانى مش حامشى ابص ورايا وخلى بالى من الامام والخلف

بعدها كل شويه احس بتانيب ضمير انى سيبته ومشيت ولما افكر فيها تانى اقول هو اللى مستهتر ويتحمل نتيجه افعاله

ربنا يرحمنا برحمته ويحفظنا بحفظه

والله يا اخوانى الحفظ من الله سبحانه وتعالى مش شطاره ولا مهاره لو تشوفوا كميه الحوادث يوميا على المحور والدائرى حتحسوا انه ما فيش امان ولا ضمان الا حفظ ربنا سبحانه وتعالى ودعاء الوالدين

لا ولا تأنب نفسك ولا تحط في بالك ... كويس أنك نفضتله ههههه بجد أحسن حاجه ..
عارف لو كنت غلطان أعتقد اللي وراك مكنوش حيسبوك عالأقل كلكسات وكانو حيقرفوك ..

[mohamed_88sk]

أنا حصل لى موقف معاكس
شباب بيلعبوا كوره وسط الشارع وواحد واقف جون وعمال ازمرله ومش عاوز يتحرك ( عاوزنى أنا اللى امشى من جنب الجون) أخدتتنى الجلاله وأنا عمال ازمر وضربت فرامل متأخر عن قصد وكانت الفرامل محسوبه أنها تخبطه خبطه بسيطه
وطبعا الناس غلطته ما أنا ضارب كلاكس وضربت فرامل:)

برضو موقف حضرتك سليم جدا ... وده في المرور 100% سليم .. لأن حضرتك نبهته وهديت كمان ومش مطلوب منك تقف وتعطل الحركه المروريه -وبصورة خاصة في الأشارات والتقاطعات-
فعلا الواد ده مثال على ناس كتير بقى معندهمش أي دم .

[mohamed_88sk]

والله أتحكالى موضوع الناس اللى بيشتغلوا فى القصة دى من صديق لوالدى عند مصنع فى دير الملاك ( حدائق القبة ) الحتة دى للى ميعرفش كان فيها مساكن عشوائية بعد النفق فى أتجاه أحمد سعيد
الناس دول كانوا بيخلفوا كتير ويسيبوا العيال فى الشارع عشان تتخبط ولما يحصل أول سؤال بيسألوه للى بيبلغهم الخبر " هو معاه عربية أيه ؟ " طبعاً عشان يحدد طريقة المعاملة والمبلغ اللى هيطلبه


حسبى الله ونعم الوكيل فى الناس دى

والله فعلا لا حول ولا قوة إلا بالله .. عارف حضرتك ده في كل مصر في المنطقه دي بس ... وكمان المساومه بتزيد لو لوحة السيارة جمرك .. والدي بيحكيلي مهازل بتحصل لصحابة لما بينزلوا بسياراتهم مواقف مشابهه للي حصلنا بس بفزاعة أكتر ..

-افعل الخير فى اهله و غير اهله فان صادف اهله فهو اهله و ان لم يصادف اهله فانت اهله
- هوديه المستشفى مع اخذ كافة الاحتياطات , و شكرا على الموضوع المفيد .

حضرتك كلامك سليم بس مدام واحد حضرتك باين عليه مفيهوش خربوش والحادثه خفيفه وكل الناس مغلطاه يبقى ليه تديله أهتمام وتجعله يستعبط ..
يعني ما أوديش نفسي للتهلكه ...وكمان هو مفيهوش حاجه .. لكن لو فعلا أصيب يبقى أوديه وأمشي .. أما لو انا غلطان أوديه وأستحمل اللي يجرالي.
(فالله خير حافظا وهو أرحم الراحمين)

[ams]

ماهو برضه ممكن يكون ان لم يصادف أهله فأنت أهل للبهدلة و الوقوف في ساحات المحاكم

انا باقول كده بس لو خبطت حد و سبته و مشيت انا عارفة اني هاندم أشد الندم و هابقى عايزة أرجع له تاني.

مش مشكله , اهم شىء انى ارضى ربى وارضى نفسى و اعيش مرتاح

حضرتك كلامك سليم بس مدام واحد حضرتك باين عليه مفيهوش خربوش والحادثه خفيفه وكل الناس مغلطاه يبقى ليه تديله أهتمام وتجعله يستعبط ..
يعني ما أوديش نفسي للتهلكه ...وكمان هو مفيهوش حاجه .. لكن لو فعلا أصيب يبقى أوديه وأمشي .. أما لو انا غلطان أوديه وأستحمل اللي يجرالي.
(فالله خير حافظا وهو أرحم الراحمين)

كلام جميل , بس انا قولت مع اخذ جميع الاحتياطات يعنى هاشوفه اولا محتاج يروح المستشفى ولا لأ ؟ بس غالبا هوديه لان تقديرى ممكن جدا يكون غلط و يكون عنده نزيف داخلى لا قدر الله و هاخد معايا شاهد او امين شرطه من المكان و احفظ المكان تماما بمداخله و مخارجه ومحلاته واماكن عبور مشاته و بسلاطاته و بابا غنوجه و اتصل بالمحامى فورا اللى هو لحسن الحظ ابويا

يأخى انت التوقيع بتاعك وجعنى
وقلبى اتقبض والله ما بهزر

ليه بس يا اخى العزيز ؟

[r0xer]

لو سبته ومشيت..تبقى كسبت في لعبتهم....لكن هتبقى خسرت نفسك و إنك تفوز في لعبتهم تبقى برضو خسرت لإنهم أجبروك تلعب لعبتهم!!.

ولو وقفت معاه وطلع ندل هتبقى خسرت فلوس أو اتهانت لكن كسبت نفسك.

الخيار راجع للي سايق!

أفرض إصابته كانت بسيطة ولكن كان محتاج نقل دم او معالجة سريعة لكسر ما ؟ بذمتك هيكون إحساسك أيه لما تنقذ حياة شخص ما؟

الحمد لله على كال حال و قل لن يصيبنا إلا ما كتب الله لنا.

[tutankhamoun]

صوتي راح للهروب .من مكان الحادث خصوصا إذا كنت مش غلطان

الي هايحصل إني هاتأذي و خلاص و مش هاخد حقي أبدا أبدا أبد و شوفت بعني مليون حالة و كفاية الحالة بتاعة ماتركساوي صاحب الموضوع و الحالات الكتيرة المشروحة

أحنا في ج ع ع و بما أنه لا يوجد نظام ....... و بما أنها فوضى ....... و بما أنه سيرك كبير ........ و بما أن الشعب معندوش ذرة ضمير .......... و بما أن الحكومة لن تأخذ لك حقك أو تحاول التحقيق فيه .......... و بما أنها الغابة و قوانينها السارية .......... و بما أن أمين الشرطة ( الله يحرقه ) يفبرك محضر مغشوش ( زي كل حاجة مغشوشة ) علشان 20 أو حتى 100 جنيه و يوديك في داهية .......... و بما إن كل حاجة غلط x غلط ..........

يبقى لا يجب أن تقف
من يخاف على نفسه يتحقق من الطريق أولا قبل أن يعبره
و من لم يفعل .......... إلى الجحيم ......... إلى الجحيم

أنا ليه أتحمل مسئولية حمار مش باصص على الطريق أصلا و ما شفش العربيات اللي جاية قبل ما يعدي ؟؟

و ليه أتحمل مسئولية واحد سايب الرضيف و ماشي في وسط الشارع ؟؟؟؟؟؟؟؟؟

و ليه أتحمل مسئولية إن واحد يدعي عليه بالكذب ؟؟؟

و ليه مصر بقيت كدا ............. علشان مفيش قانون و مفيش أخلاق ..........

و شكرا

مع الهروب ............ الهروب
أدام حقك كدا كدا ضايع ......... تقف ليه ؟؟؟؟

[r0xer]

صوتي راح للهروب .من مكان الحادث خصوصا إذا كنت مش غلطان

الي هايحصل إني هاتأذي و خلاص و مش هاخد حقي أبدا أبدا أبد و شوفت بعني مليون حالة و كفاية الحالة بتاعة ماتركساوي صاحب الموضوع و الحالات الكتيرة المشروحة

أحنا في ج ع ع و بما أنه لا يوجد نظام ....... و بما أنها فوضى ....... و بما أنه سيرك كبير ........ و بما أن الشعب معندوش ذرة ضمير .......... و بما أن الحكومة لن تأخذ لك حقك أو تحاول التحقيق فيه .......... و بما أنها الغابة و قوانينها السارية .......... و بما أن أمين الشرطة ( الله يحرقه ) يفبرك محضر مغشوش ( زي كل حاجة مغشوشة ) علشان 20 أو حتى 100 جنيه و يوديك في داهية .......... و بما إن كل حاجة غلط x غلط ..........

يبقى لا يجب أن تقف
من يخاف على نفسه يتحقق من الطريق أولا قبل أن يعبره
و من لم يفعل .......... إلى الجحيم ......... إلى الجحيم

أنا ليه أتحمل مسئولية حمار مش باصص على الطريق أصلا و ما شفش العربيات اللي جاية قبل ما يعدي ؟؟

و ليه أتحمل مسئولية واحد سايب الرضيف و ماشي في وسط الشارع ؟؟؟؟؟؟؟؟؟

و ليه أتحمل مسئولية إن واحد يدعي عليه بالكذب ؟؟؟

و ليه مصر بقيت كدا ............. علشان مفيش قانون و مفيش أخلاق ..........

و شكرا

مع الهروب ............ الهروب
أدام حقك كدا كدا ضايع ......... تقف ليه ؟؟؟؟

و أفرض اللي بيعدي دا عيان! أو عنده حالة وفاة او مرض أو عنده هموم الدنيا اللي مكفياه ومش مركز ولا منتبه!!!! هل يجب أن نفرمممممممه بالعربية لمجرد إننا راكبين عربية و هو ماشي على رجله؟ طالما في أمل من إنقاذه...يبقى ليه لا؟

على فكرة..اللي رخص البني آدم مش الحكومة يا أستاذ توت، اللي رخص البني آدم هو اللي متخيل إنه طالما ماشي في الشارع و مغلطش و غيره غلط يبقى لازم نموته ونمشي.

وخليك فاكر إن كل واحد وله يومه بيغلط فيه! سواء كان بيسوق.. أو من المارة.


منطق الغابة لا يطبق إلا في الغابات....