ماذا تفعل اذا صدمت شخص بسيارتك ؟؟( تجربة واقعيه )

[Ramy.Gamal]

على فكرة فى ناس بيشتغلوا الوظيفه ده زى بدايه فيلم اوعى وشك واعتقد ان اللى اتصدم من صاحب الموضوع ممكن يكون بيشتغل فى الموضوع ده

[mo3tazelgamal]

الحمد لله أنا ما وقعتش فى موقف زى دة بس أنا مع الناس إللى بتقول أنك تمشى وتسيبه وبعدين على أقرب قسم وتحكى الموقف بالظبط طبعا مع تدخل الشاى والوجب والوسايط
وإلا حتسمع كلام من نوعيه هو أنتوا علشان ملاكى وأنتوا حتدوسوا على الخلق وطبعا القول الشهير أصل أمه إللى جابتها (مع الأعتذار للجميع)

[WalidAdel]

انا مش عارف ازاي الناس بقت وحشه كده و مبتصدق حد ييجي تحت ايدهم الا ولازم يستنزفوا كل اللي معاه علي اساس مبداأ "اللي ييجي منوا احسن منوا" حنوصل لحد فين ياشعب

[mo3tazelgamal]

انا مش عارف ازاي الناس بقت وحشه كده و مبتصدق حد ييجي تحت ايدهم الا ولازم يستنزفوا كل اللي معاه علي اساس مبداأ "اللي ييجي منوا احسن منوا" حنوصل لحد فين ياشعب

طول ما أحنا سلوكنا كدة يبقى فعلا مفيش فايدة
المشكله ان الواحد مش شايف أى بارقه أمل يعنى إللى بيعمل كدة لما يتجوز ويخلف عياله حيطلعوا إيه غير شويه نصابين وحراميه
طب وبعدين فين الأخلاق ؟؟؟

[عزيز محمد]

طيب يا جماعة الخير لو اللى وقع ده كان فعلا أصيب بحاجة أو توفى يا ترى أهله أو الورثة هيوصلوا لحقهم من شركة التأمين إزاى لو اللى خبطه جرى وما وقفش؟

طبعا أنا مش عاوز لنفسى البهدلة وطالما أنا مش غلطان يبقى مفيش داعى إنى أقف وأتعرض لظلم وغباء القوانين، أو كمان يطلع اللى اتخبط ده نصاب وعاوز يطلع منى مصلحة. لكن أنا كمان عاوز حقه يوصله - سواء من شركة التأمين أو لو كان عندى القدرة على دفع الدية -

هل مفيش حل وسط بين إنى أجرى وأسيبه وإنى أشيله وأتبهدل زى ما الإخوة حكوا؟؟؟؟؟؟؟؟؟

[Noha.M]

انا اخويا حصل معاه نفس الموقف من شهرين تقريبا كان راجع من الشغل على الدائري عند كارفور كدة و ماشي على 80 كم على اقصي الشمال و علي يمينه تريللاات كبيرة اوى كدة و مغطية على كل العربيات اللى على الشمال

المهم و هو ماشي فجأة يلاقى راجل عجوز بتاع 75 سنة جاى من اليمين و بيجري من التريللات دى كلها و فجأة وقف بيستريح قدامه من الجرى عشان مش شايف العربيات اللى على الشمال من التريللات طبعا جاب اخر الفرااامل و و الراجل نط على العربية من قدام كدة و العربيات كلها لبست فى بعض اللى ورا اخويا و مكانش عنده اى حل تانى لانه على شماله الصور و على يمينه التريلاا يعني يا هينزل تحت التريللا يا هيلبس العربيات كلها فى بعض زى ما عمل عشان فرمل للاخر

الراجل توفاه الله و محمد اخويا كلمنى و انا فى الشغل و طبعا وقعت من طولى و هو بيحكيلي و قالى كلميلي قرايبي و كدة و كلهم راحولو طبعا و معظم قرايبي وكلاء نيابة و ظباط فالموضوع اتلم و المحضر اتعمل فى صالح اخويا لانه مش غلطان و خرج فى نفس اليوم مع انه كان يوم خميس و مفبش تقريبا نيابة مسائية يعني اللى زى اخويا دة كان هيبات ليلتين فى الحجز بس طبعا عملنا اتصالات و نزلنا وكيل النيابة مخصوص لاخويا

الموضوع دلوقتى واقف و على ذمة قضية و ممسكين القضية للمحامى بس مامتى عاوزة تدفع اى حاجة عشان نخلص بس المحامى مش موافق عشان ميحصلش ابتزاز


ربنا يستر

[Ahmed Selim]

والله أتحكالى موضوع الناس اللى بيشتغلوا فى القصة دى من صديق لوالدى عند مصنع فى دير الملاك ( حدائق القبة ) الحتة دى للى ميعرفش كان فيها مساكن عشوائية بعد النفق فى أتجاه أحمد سعيد
الناس دول كانوا بيخلفوا كتير ويسيبوا العيال فى الشارع عشان تتخبط ولما يحصل أول سؤال بيسألوه للى بيبلغهم الخبر " هو معاه عربية أيه ؟ " طبعاً عشان يحدد طريقة المعاملة والمبلغ اللى هيطلبه


حسبى الله ونعم الوكيل فى الناس دى

[ams]

-افعل الخير فى اهله و غير اهله فان صادف اهله فهو اهله و ان لم يصادف اهله فانت اهله
- هوديه المستشفى مع اخذ كافة الاحتياطات , و شكرا على الموضوع المفيد .

[OlaOsman]

-افعل الخير فى اهله و غير اهله فان صادف اهله فهو اهله و ان لم يصادف اهله فانت اهله

ماهو برضه ممكن يكون ان لم يصادف أهله فأنت أهل للبهدلة و الوقوف في ساحات المحاكم

انا باقول كده بس لو خبطت حد و سبته و مشيت انا عارفة اني هاندم أشد الندم و هابقى عايزة أرجع له تاني.

[hussein]

هوكل الناس هنا عملت حوادث و ماكنتش غلطانه؟؟؟

-افعل الخير فى اهله و غير اهله فان صادف اهله فهو اهله و ان لم يصادف اهله فانت اهله

الله ينور عليك فلنصبر و لنحتسب

[Akram]

مبدأين

-افعل الخير فى اهله و غير اهله فان صادف اهله فهو اهله و ان لم يصادف اهله فانت اهله
- هوديه المستشفى مع اخذ كافة الاحتياطات , و شكرا على الموضوع المفيد .

+1
مبدأين :
افعل الخير,
خد إحتياطك.

[Eng_aly]

لا حول ولا قوة الا بالله العلى العظيم ...ربنا يصبر كل واحد مر بهذة التجربه وينجيه منها وينتقم من كل من تسول له نفسه ان يتسبب بأذى الناس وعلى فكرة الناس دى تستاهل الحرق والتهاون معهم يجلب متاعب كثيرة لذا ارجوا من الجميع توخى الحذر فى التعامل مع مثل هذه النوعيه والاخذ فى الاعتبار انه من الممكن ان يكون الشخص المصدوم فعلا قدره كدة وكما هو تحمل قدرة يجب ان تتحمل قدرك وربنا يحفظنا جميعا من شرور الطريق

[Noha.M]

بس فى كل الاحوال انا ضد مبدأ الجرى لو انت خبطه

طيب افرض الخبطة كانت جامدة و محتاج نقل بسرعة على المستشفي طيب حرام برضه نسيبه كدة

دة انت لو خبطت قطة مش هترميها كدة .. المفروض الواحد برضه يعمل الحاجة اللى تخليه قدام نفسه راضي ضميره سواء غلطان او مش غلطان و بعدين ربنا ان شاء الله هينصره لو مظلوم

كان معايا زميل فى الكلية ماشي جنب الجامعة بالعربية و قدامه واحد كدة راكب موتوسيكل و مركب بنته ورااه !!!! البنت عندها 7 سنييييين !! الباشا بيتعنتر و عمال ياخد غرز بالموتوسيكل و وراه البنت مكلبشة فيه و بعدين فى غرزة من الغرز اللى عمال ياخدها البنت مكانتش ماسكة فيه و وقعت على ضهرها من الموتوسيكل و و خبطت فى عربية زميلي و البنت توفت الله يرحمها ...مع انه اصلاا مكانش بيمشي و الطريق عند القصر العيني واقف . طبعا الناس اتلموووا عليه و كانو هيقطعوو ه و ابو البنت عمال يعيط و ماسك فى رقبة الولد و عاوز يلبسهاله !!
طبعا كانت قضية و فيلم بس الحمد لله اخد براءة

[bishoo33]

القاعده رقم واحد في مصر :
always be agressive and never be soft

تماما هذا هو ما أفعله دائما

[mohamed_88sk]

يا جماعة الخير حضراتكو فهمتو قصدي غلط ..
أنا اللي أقصده انا كده كده لازم أنزله ..
بس لو الغلط مش غلطي ولاقيته بيستهبل وبيتكاهن يكش يولع بجاز .
أما لو مش غلطي ولاقيته فعلا مصاب جامد أسلمه للمستشفى وأخلع لأن ماضمنش يعمل ايه .
أما لو خطأئ فغصب عن عيني أستحمل اللي يجرالي وأخد جزاءي في الدنيا أهون من الأخرة مهما كان حتى لاقدر الله لو حبس أو أعدام ....