ماذا تفعل اذا صدمت شخص بسيارتك ؟؟( تجربة واقعيه )

[emadafify]

انا ليا موقف مماثل و ناس كتير من هنا حضروا الواقعة

الحادث حصل فى اول يناير 2008... و الحد النهاردة الموضوع امام المحكمة

بعد ما كان بيتقال "احنا غلابة و مش لاقيين ناكل"... الكلام بقى "احنا عايزين تعزيض 20 الف جنية" و "انتوا ناس مستريحين" و "الباشا راكب عربية بالشىء الفلانى" (لانوس 2001) و "انتوا حتدفعوا كام و تخلصوا؟"

طبعا انا مليش دراع يتلوى ولا كنت غلطان و بالتالى لا حدفع ولا حهبب و لو اخدت حكم حستانف ولو لعشرين سنة... اصل التامين الاجبارى اللى بندفعة ساعة الترخيص هو اللى بيدفع التعويض مش الجانى بس لازم الشق الجنائى (القضية بتاعتى) يخلص الاول و بالتالى كل ما القضية تطول مش فى مصلحتهم

انا حاولت اخلص بدرى بدرى و دفعت مبلغ صغير فى الاول على سبيل اثبات حسن النية بس يظهر ان دة اعتبر ضعف منى لان من بعدها بدات الحوارات دى

هى دى عينة الناس اللى فى البلد.. والصراحة انا فعلا واخد قرار انى لا قدر الله حصل معايا الموقف دة تانى مش حقف... و لو اللى خبطة وقع قدام العربية حفرمة و اجرى.... طالما غلطان يستاهل... انا من زمان مبقفش لحد لما المراية تلطش دراعة و كدة لان طالما دراعة جة فى المراية يبقى ماشى فى نص الشارع و لاننا شعب جاهل و بتاع رغى فقط فا حيجيبوا الغلط على اللى راكب عربية عشان راكب عربية و خلاص.

ممكن الكلام ميعجبكمش بس معلش... انا اللى كنت فى العربية و انا اللى كنت فى القسم و انا اللى رحت النيابة و انا اللى اتحطيت فى الحجز فا انا اللى عارف اللى فيها... حرام تتبهدل و انت مش غلطان... و اللى مش خايف على نفسة مش مطلوب منى انى اخاف علية... يولع بجاااااااز

صحيح انا عربيتى لما خبط الراجل نزلت ميه التبريد بس كان ممكن تمشى شوية حتى بعيد عن مكان الحادث بس انا وقفت فورا... انا بدات اندم على القرار دة و الندم بيزيد كل يوم

MMamdouh

مع تقديرى للمشاكل الهائلة التى يتعرض لها قائد السيارة من جراء الفوضى المرورية والسلوكيات الخاطئة للمشاة إلا أن ذلك يجب ألا يدفعنا للقتل العمدى للمصاب بالمرور فوقه بالسيارة ولنتذكر قول الله عز وجل " ومن يقتل مؤمنا متعمدا فجزاؤه جهنم خالدا فيها وغضب الله عليه ولعنه وأعد له عذابا عظيما" وكذلك ما ورد فى الحيث : مازال المرء فى سعة من دينه مالم يصب دما
وقانا الله وإياكم شر الحوادث

[MMamdouh]

مع تقديرى للمشاكل الهائلة التى يتعرض لها قائد السيارة من جراء الفوضى المرورية والسلوكيات الخاطئة للمشاة إلا أن ذلك يجب ألا يدفعنا للقتل العمدى للمصاب بالمرور فوقه بالسيارة ولنتذكر قول الله عز وجل " ومن يقتل مؤمنا متعمدا فجزاؤه جهنم خالدا فيها وغضب الله عليه ولعنه وأعد له عذابا عظيما" وكذلك ما ورد فى الحيث : مازال المرء فى سعة من دينه مالم يصب دما
وقانا الله وإياكم شر الحوادث

كلام جميل.. كلام معقول... مقدرش اقول حاجة عنة...

بس تخيل كدة الموقف دة على السريع.... انت ماشى فى امان الله و فى طريق لا فيه اشارات ولا اماكن عبور مشاه ولا اى حاجة تدل على ان فيه كائنات حية ممكن تمشى على الاسفلت.... و فجاءة و من حيث لا تدرى لقيت جثة طلعت من امام العربية اللى جنبك و بقت فى منتصف كبوت عربيتك و انت ماشى 60 كيلو فى الساعة... تعمل ايه؟؟

1- تحود فى اتجاة العربية اللى جنبك و تعمل حادثة مريعة ممكن انت تروح فيها و يروح فيها ارواح ناس تانية فى العربية اللى جنبك او على الاقل الموضوع حيبقى فيه اصابات لناس ملهاش ذنب فى الحادث اساسا و طبعا مش حتكلم عن التلفيات و الخساير المادية اللى حتحصل

2- تحود عكس العربية و تركب على الرصيف اللى ارتفاعة على الاقل 15 سنتى و ممكن برضة انت تتقلب بعربيتك او تنزل فى الاتجاة المعاكس و تعمل كارثة مشابهه للكارثة الاولانية سواء فى خساير الارواح او الاصابات و الخسائر المادية

3- تضرب فرامل على الاخر و انت و ظروفك... و راعى ان برضة ممكن تقف قبل الباشا اللى عدى قدامك و يجى واحد من وراك ملوش اى زنب يلبس فيك و تحصلة اصابة و انت كمان تتصاب و طبعا مش محتاج اقول الخسائر المادية قد ايه... و برضة لناس ملهاش ذنب فى الحادث

اختار الاجابة المنطقية و ساعتها حتلاقى كلامى واقعى جداااااااااااا

MMamdouh

[Islam_galal]

في حل وسط و هو نقل المصاب الي مستشفي خاص و دفع نفقاته مقدما
المحاضر لازم تتعمل في المستشفيات الحكومي فقط

المشكلة مش ان غلطان و لا لأ
المشكلة ان المصاب ده انسان

[MMamdouh]

و اللى خبطة دة مش انسان برضة؟؟؟؟

و انت فاكر ان حد حيسيبك لما تعمل كدة؟؟

عفوا... لما تتخلى عن ادميتك و ترمى نفسك فى وسط طريق سريع يبقى انا مش مطلوب منى اكون اكثر حرصا عليك من نفسك

MMamdouh

[Islam_galal]

علي فكرة أنا عملت حادثة قبل كدة و خبطت إنسان و عملت اللي قلت عليه فوق و ربنا سترها

خطأ الإنسان لا يكون عقابه الحد الأقصي

يعني أخطأ و عدي الشارع غلط . . . .اتخبط . . . كمان اسيبه يموت في الشارع

انسان علي الأرض و امشي . . . . بمنتهي السهولة كده

صدقني لوحد عمل كده و مسكته اكيد مش حارحمه

[MMamdouh]

امال المطلوب ايه؟

تقف و تتحجز فى القسم و تترحل على النيابة مع الحبسجية و يتعملك قضية و اهل المصاب او المتوفى يبتزوك على مدى سبع شهور؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

انا ارفض ان اتحمل تبعات خطاء غيرى... مش بيقولوا اللى يحضر عفريت يصرفة؟... خلاص يبقى اللى يعمل فهلوى و بهلوان يتحمل هو نتيجة خطائة... انا مالى و ايه ذنبى اتبهدل عشان واحد مش خايف على روحة اساسا؟؟

انت بتقول خطاء الانسان لا يكون عقابة الحد الاقصى... صح بس برضة مش خطاء الانسان يتحملة واحد تانى

MMamdouh

[Ghamrawy]

كلامك صح مائة فى المائة يا بشمهندس

دائما صاحب السيارة فى مصر هو اللى يشيل الليلة كلها عندما يصدم شخص
و حتى و لو الطرف الثانى هو سبب المصائب

و كلمة افرض و معلش و قلبك يطوعك و الكلام من هذه النوعية يؤدى الى كوارث خطيرة بعد ذلك

للاسف عندنا خلل واضح فى المجتمع و فى الاجرائات القانونية الخاصة بهذه المواضيع
و لابد من اعادة نظر فى الاجرائات و تصحيحها حتى لا تضيع حقوق الناس

و حتى لا يصبح الظالم مظلوم او العكس

كلام منطقى بس ايه الحل بعد كل ده ؟؟
انا مش شايف حل فى الموضوع ده ، يعنى يا تخبط و تجرى او تقف و تنقل و تتسجن او على الاقل اهل المخبوط على دماغه يمصوا دمك

[MMamdouh]

الحل بسيط و اسهل من ما نتخيل.......الناس اللى بتمشى فى الشارع تمشى عدل و تبطل تلقيح الجتت و نظام "صدرها للى يقدرها"

اعتقد اننا شوفنا فى كل الحالات السابقة ان سائق السيارة مبيبقاش هو المخطىء و بالتالى مش من المنطقى ان حل المشكلة يبقى عند السائقين

اللى عمل المشكلة فى الاصل هما المشاة بعدم التزامهم بالقوانين بعبورهم الطرق من اماكن غير مخصصة لعبور المشاة او تجاهل اماكن العبور القانوية زى الانفاق و الكبارى

الموضوع مش محتاج جهابذة... الحل واضح وضوح الشمس و مش محتاج فكاكة

MMamdouh

[m_aash]

الحل بسيط و اسهل من ما نتخيل.......الناس اللى بتمشى فى الشارع تمشى عدل و تبطل تلقيح الجتت و نظام "صدرها للى يقدرها"

اعتقد اننا شوفنا فى كل الحالات السابقة ان سائق السيارة مبيبقاش هو المخطىء و بالتالى مش من المنطقى ان حل المشكلة يبقى عند السائقين

اللى عمل المشكلة فى الاصل هما المشاة بعدم التزامهم بالقوانين بعبورهم الطرق من اماكن غير مخصصة لعبور المشاة او تجاهل اماكن العبور القانوية زى الانفاق و الكبارى

الموضوع مش محتاج جهابذة... الحل واضح وضوح الشمس و مش محتاج فكاكة

MMamdouh

أنا و الحمد لله ما مرتش بالتجربة دى , بس أنا معاك قلبا و قالبا , هما فى أوروبا و غيرها , اللى بيعدى من غير الأماكن المخصصة للمشاه و عربية تخبطه ,صاحب العربية مفيش عليه أى خطأ , ده لأن الناس بتحكم عقلها و قوانينها قبل مشاعرها و على المخطئ تحمل نتيجة خطأه حتى لو كان تمن الخطأ حياته , بس باقى الأخوة هنا و إحنا كلنا كمصريين العواطف و المشاعر بتحدد كتير من علاقتنا و قرارتنا و حكمنا على الأشياء, أنا معاهم إن دى أرواح ناس بس هما المخطئين بعدم الإلتزام بالقواعد و آداب العبور للطريق , أنا مش فقيه فى الدين بس أعتقد إن الإسلام فيه نصوص بتحمل المخطئ نتيجة خطأه حتى لو كان هو المتضرر , لأنه أضر بنفسه و أضر بغيره .
الخلاصة و رأيى الشخصى , طالما إنى مش غلطان قدامى حل من إتنين :-
1- لو انا مسنود و عندى اللى يحمينى من إفترا معدومى الضمير من أمناء أو أهل المصاب , هاقف و إنقله لأقرب مستشفى و أخلى الموضوع يمشى رسمى طالما إنى ضامن إنى حقى مش هايضيع.
2- لو أنا إنسان عادى و مش غلطان ,هاسيبه و أمشى لأنى هاتضرر يمكن أكتر منه و ممكن مستقبلى و بيتى يضيع بسبب شخص ما عندوش أدنى مخ للحفاظ على حياته , وكان من الأولى هو يخاف على نفسه قبل ما حد يقوللى ده إنسان و بشر و خلافه , وفى الحالة دى أنا ما فيش لوم عليا, وضميرى هايبقى مستريح.

[MMamdouh]

, بس باقى الأخوة هنا و إحنا كلنا كمصريين العواطف و المشاعر بتحدد كتير من علاقتنا و قرارتنا و حكمنا على الأشياء

مهو هو دة اللى مودينا فى داهية

MMamdouh

[Adham]

طيب سؤال مهم بقى

نفترض انك مش غلطان و انة كان غبي و رمى نفسة قدامك في طريق سريع

و انك مالكش واسطة و مش طالبة معاك بيات في النيابة

و قررت بناء على ما سبق انك تسيبة و تمشي

و بالفعل خدت بعضك و طيارة

و بعد يومين لقيت استدعاء عالنيابة و ان حد شافك و خد نمرتك و بلغ عنك و اتعمل لك محضر

اية الموقف بقى ساعتها

متهيألي ان المصيبة مصيبتين و مافيهاش مخفف و لا يا أمة ارحميني و ساعتها حاتتبهدل اخر بهدلة و حايبتزك المصاب 10 اضعاف العادي

و للا اية الموقف يا جهابذة القانون في المنتدى

وللا لو انت بتهرب و لقيت حد شافك و بيطاردك ساعتها اية موقفك القانوني يا بطل ؟؟؟

[Ghamrawy]

الموضوع مش محتاج جهابذة... الحل واضح وضوح الشمس و مش محتاج فكاكة

MMamdouh

يعنى لو مش غلطان :اخبط و امشى

[أبومعاذ]

رأيي الشخصي إن أنا ألبس في عربية و تيجي في شوية حديد و فلوس أحسن ما أموت بني أدم حتى لو كان حمار و مش واخد باله أو مش قلبه على نفسه
ساعتها أجي يوم القيامة و انا حقي في رقبته أحسن ما ييجي هو و ليه عندي أي حق

قال رسول الله صلى الله عليه و سلم:
لزوال الدنيا أهون على الله عز وجل من قتل رجل مسلم

[OlaOsman]

رأيي الشخصي إن أنا ألبس في عربية و تيجي في شوية حديد و فلوس أحسن ما أموت بني أدم حتى لو كان حمار و مش واخد باله أو مش قلبه على نفسه
ساعتها أجي يوم القيامة و انا حقي في رقبته أحسن ما ييجي هو و ليه عندي أي حق

قال رسول الله صلى الله عليه و سلم:
لزوال الدنيا أهون على الله عز وجل من قتل رجل مسلم

أهي دي بأه اللي ما أقدرش أتخيل انها تحصل معايا :(

ربنا يستر.

[m_aash]

رأيي الشخصي إن أنا ألبس في عربية و تيجي في شوية حديد و فلوس أحسن ما أموت بني أدم حتى لو كان حمار و مش واخد باله أو مش قلبه على نفسه

كلامك صح مليون فى المية
بس فى حالة التعمد ويوجد حل أو تصرف أقل فى خساير الأرواح , بس لو كان ده هو الحل الوحيد أمامك لتفادى كارثة أكبر و إنت مش متعمد , هل فيه حل تانى؟

ساعتها أجي يوم القيامة و انا حقي في رقبته أحسن ما ييجي هو و ليه عندي أي حق

قال رسول الله صلى الله عليه و سلم:
لزوال الدنيا أهون على الله عز وجل من قتل رجل مسلم

ده فى حالة القتل المتعمد دون قصاص , إنما فى حالة القتل الخطأ ما هو النص الصحيح ؟