ياريس مانيوال / جين 2 مانيوال / سيتي 1300 اوتوماتيك /صني اوتوماتيك

[أبومعاذ]

هيا بتاعت شركة هوندا بالتأكيد بس بتتعمل في ماليزيا و تايلاند

http://en.wikipedia.org/wiki/Honda_City

http://www.honda.co.th/automobile/index.php

أنا هستخير و ربنا يسهل

من ناحية الشكل
الجين 2 ثم ... السيتي .... ثم النيسان .... ثم الياريس
من ناحية الأداء و القوة
الجين 2 و النيسان
من ناحيى توفير البنزين
يبقى السيتي و الياريس
------------------------------
هي تفرق أنت عايز أيه من العربية ؟؟؟؟؟
بس أنا في رأيي المتواضع إن كل اللي عايز يشتري عربية دلوقتي يفكر في موضوع البنزين
و لو فكرنا على هذا الأساس أنا أفضل
الهوندا سيتي ............ ثم الياريس ( لأن شكل الياريس مش بيعجبني بغض النظر عن المحرك الممتازة ) أذواق
إنما الهوندا سيتي موفرة جدا في البنزين و شكل مقبول جدا
------------------------------------------
الجين 2 و النيسان بما أنهم 1600
فهما كويسين على الطرق السريعة و لو أن الجين توفيرها في البنزين أفضل من النيسان و محرك النيسان أنعم من محرك الجين 2 لأنه غير رياضي

يبقى بعد ما نجمع كل العوامل الترتيب يكون كالتالي
هوندا سيتي ........ جين 2 ......... نيسان .......... ياريس
و طبعا الياريس ممكن تتحط مكان السيتي لو شكلها بيعجب حضرتك

استبعد جدا ان الجين 2 تكون موفره في البنزين عن الصني... فيه ارقام تؤيد الكلام ده؟

بس بعيد عن كل ده.. انا اختار الجين 2 بردو :)

[KHALED012500]

جين 2 من ناحيه الاداء

يارس من ناحيه اعاده البيع

[SEATLOVER]

صنى ...مانيوال او حتى اتوماتيك ..طبعاً

[hfarouk]

اليارس عربية ممتازة فى كل شىء

[ASD peugeot]

طيب انا عايز الاستاذ توت عنخ امون يكتب معدل استهلاك الهوندا سيتي و الياريس لو حد معاه اي من العربيتين يكتب معدل الاستهلاك ليهم و لكم كل الشكر

[tutankhamoun]

طيب انا عايز الاستاذ توت عنخ امون يكتب معدل استهلاك الهوندا سيتي و الياريس لو حد معاه اي من العربيتين يكتب معدل الاستهلاك ليهم و لكم كل الشكر

حبيب قلبي ......... أنا مقدرش أفتيك قوي في استهلاك البنزين في العربيتين دول بالظبط و ممكن الأساتذة الفاضلين .... حازم خضر .... جود واف ..... هيرو يتكلموا في استهلاك الياريس
و أصحاب السيتي ......... نهي هي اللي ممكن تتكلم عن السيتي
و أنا طبعا بتكلم عن التجارب العملية و ليس أرقام الكتالوجات
و لكن أعتقد أن السيتي أوفرهم في أستهلاك البنزين


و لكن أقدر أقولك أستهلاك الجين 2 كام بالظبط

العربية بدون حرق غيارات ( تغيير سرعات عند 3 rpm ) و برضه واحدة واحدة يعني مفيش تسارع جامد بتعمل رقم لا يصدق و لكنه عن 3 تجارب متتالية
بتعمل 367 كم .............. 21 لتر
و مرة عملت 345 كم ........... 21 لتر
و مرة عملت 340 كم ......... 21 لتر
و عند سرعة 80 إلى 90 كم على الغيار الخامس

و بالحرق بقى يعني تغيير عند 4 rpm بتعمل حوالي 250 كم لكل 21 لتر

و الرقم 21 ده جاء بالصدفة ........ لأني لما مونت بنزين حطيت 21 لتر و كان ده الرقم اللي فول التانك
و تاني مرة لما العلامة وصلت تقريبا عند النصف ( قبل النصف قليلا ) فولت و برضه المسدس بتاع البنزين وقف و كان 21 لتر و تالت مرة نفس الرقم عند نفس موضع المؤشر
و و أكثر مرة العربية وفرت في البنزين كنت حاطط بنزين 95 مش 92
و لكن تجربتين تموا ببنزين 92 .......... و الثالثة تمت ببنزين 95 مخلوط مع نص تانك 92
و ده اللي عمل 367 كم من 21 لتر و لكن كل المشاوير طوالي
و جوه البلد لا يقل الإستهلاك عن 200 كم لكل 20 لتر و تمت التجربة مرتين فقط

[ahmedsiyam]

الاخ محمد
احب اقولك طبعا ان اى عربية 1600 موشهاتبقى موفرة معاك فى البنزين و خاصة انك بتقطع كيلو متر كل يوم كتير
هايبقى قدامك يا الهوندا او التويوتا
من وجهة نظرى الشخصية تجيب الهوندا صالون فخم و مريح و موتور طبعا اسد
انا جربت التويوتا الياريس ( 2007 ) مانيوال و صرفت نظر عنها نظرا لفقر الصالون الشديد جدا مع ان توكيل تويوتا بينى وبينه 1 دقيقة لانى ساكن فى العباسية و مع ذلك صرفت نظر عنها
انا ماركبتش السيتى و لا جربتها بس اتفرجت عليها فى معارض و العربية ماشاء الله زيى الفل و شيك جدا و كفاية انها هوندا
انا برضه جربت الجين-2( 2006 ) مانيوال و اوتوماتيك موش عايز اقولك عربية تحفة بس طبعا هتاكل بنزين
امبارح بس جربت نيسان اوتوماتيك ( 2007 ) عربية حلوة جدا طبعا بس فيها عيب رخم جدا بتاكل بنزين بصورة متوحشة و صالونها ضيق بالنسبة للى قاعد وراء مع ان شكلها يوحى بالعكس و الشنطة كبيرة جدا ( غباء فى التصميم )
توكل على اللى و اعمل الاستخارة و اشترى اللى نفسك فيه مع العلم ان رايى ده رايى الشخصى البحت و ربنا يوفقك ان شاء الله

[ASD peugeot]

سؤال انا عارف انه كل لما متور العربيه بيكبر بيزيد استهلاك البنزين يعني مثلا موتور 1300 سي سي موفر عن موتور 1600 سي سي بس المقدار عاده بيكون كبير بجد الموضوع شاغلني جدا
و عايز حد يجاوبني و اكيد فيه مواتير 1600 سي سي بتكون موفره عن غيرها برضه بالرغم من ان عربيتي 2000 سي سي بتشرب و بتاكل و بتستحمي و بتنام كل حاجه مش قادر اوصف اد ايه البيجو 504 بلاعه بنزين و بدعي ربنا يكرمني بعربيه موفره لان مشاويري كتير و بعدين المشكله عندي لما اشتري عربيه جديده بدور علي التوفير و كمان متور يكون بيشد طيب في عربيه فيهم الحاجتين دول اسف علي الاطاله جاوب يا عم توت و انا عارف اني دايمان بتقل عليك

[cazanova555]

اكيد جين 2 بجد عربيه محترمه جدا واكثر من رائعه