الموضوع: ياريس مانيوال / جين 2 مانيوال / سيتي 1300 اوتوماتيك /صني اوتوماتيك

المشاركة الأصلية كتبت بواسطة ahmed_harb

وبرضه احب اقول مهما تحب وتقول وتعيد فى الجين 2 والياريس
الجين 2 هتفضل طول عمرها (بروتون)والياريس هتفضل طول عمرها (تويوتا) يعنى مفيش مقارنه

اولا احنا كل اللي بنعمله كمصريين هوه الاستهلاك ، وملناش في التصنيع وكبيرنا نقفل تقفيل اي كلام ،
كمان هنستهلك من غير حتى ما نفكر ،
فيه حاجه اسمها البروتون بروتون والتويوتا تويوتا ، مش هنبطل نظرية " موافقة " دي خالص ،

مفيش اي نوع من تحليل المزايا والعيوب لكل منتج بصرف النظر عن بداية انشاء الشركة المصنعة وان دي من زمان ودي من قريب ،

خلاص مبقاش فيه حتى الاستهلاك الناضج ، والاختيار بعايير تكون مقنعة ، سواء التويوتا او البروتون او غيرهم،
كل الفكره انا راكب ياباني يبقى ادافع عنه ، او عاوز اركب اوربي يبقى ادافع عنه ،

واللي يغيظ ان اللي عاوز يركب كذا بيركبه عشان هوه كذا ، مش بيدرس المنتج اللي هيشتريه من الشركة دي ويقيم المنتج بعينه بصرف النظر عن اي مؤثرات غير مجدية ،

بالنسبة للفيلم اللي اصبح بايخ بتاع الجين2 واليارس ،

اصلا الموضوع اتحسم في اكتر من منتدى وفي اكتر من مقارنة في منتدانا هذا ،

ومن الآخر مفيش وجه مقارنة ، لأن الياريس متجيش حتى باب في الجين2 ،
والناس اللي بتحب ترمي فلوسها وفرحانه ببادج تويتا على العربيه ومش مهم صاج خفي ولا اتزان ، ولا موتور ولا شكل حتى ، هيه حره ،

وعلى فكره الكلام ده كمان بالنسبة للجين2 الحاليه ،

لكن الجديدة وبالذات الهاي لاين ،

هتنافس الكورولا ، وهتبقى دي ممكن تكون منافسه منطقيه الى حد ما رغم ان صاج الكورولا ضعيف بردو بس عموما مقارنة منطقية،

لكن الياريس ، يريت تركن على جنب عشان شكلها اصلا بقى وحش قوي في المقارنة دي ، ولما تنزل البروتون سافاي ممكن نقارنها باليارس

الأستاذ أحمد حرب .........
أنت قلت كلام غريب جدا

[QUOTE] وبطلوا غيره بقا من اللانسر والكورورلا واليابان [QUOTE]

أحنا هانغير من اللانسر و الكورولا و اليابان ..... ليه ؟؟؟؟؟؟؟؟ أيه السبب ؟؟؟؟؟
هو اللي يتكلم عن عيوب الكورولا و اللانسر و الياريس يبقى غيران
و اللي يتكلم عن عيوب الجين 2 يبقى جاب الديب من ديله !!!!!!!!!!!!!!!!!
و بعدين أحنا نغير ليه ..........
أحنا بندفع في العربية ثمن مناسب جدا لإمكانيتها
في حين إن حضرتك دافع حوالي من 30 إلى 50 ألف جنيه مصري زيادة على ثمنها لصالح التوكيل

يبقى مين اللي يغير من التاني ....

و برضه الكلام ده غريب

وبرضه احب اقول مهما تحب وتقول وتعيد فى الجين 2 والياريس
الجين 2 هتفضل طول عمرها (بروتون)والياريس هتفضل طول عمرها (تويوتا) يعنى مفيش مقارنه

من 30 سنة في مصر
لم يكن للتويوتا أو الميتسوبيشي وجود في مصر
و لو تكلم أحد عنهما ......... عارف الناس كانت هاتقول أيه

مفيش غير الفيات و البيجو ........... و الباقي في صفيحة الزبالة
هو ده كان الوضع من 30 سنة ......
و للآسف باين إن حضرتك مش عارف تاريخ تويوتا و اليابان في مصر من 30 سنة في صناعة السيارات ............ كانوا الناس بيعتبروهم ........ عربيات ورق و زبالة

و برضه الكلام ده غريب و مضاد للمقارنة ما بين تاريخ بروتون و تاريخ تويوتا

وبعدين ما تنساش ان لكزس اللى تبع تويوتا تفوقت على الالمان وباعت اكتر منهم وفيه تكنولوجيا اكثر تقدم والدليل انهم اخترعوا ناقل حركه 7 سرعات فى حين المرسيدس لم تكن تتوصل اللا الى 6 سرعات فقط

و ردي هايكون بنفس منطق حضرتك

مهما تقارن و مهما تعمل تويوتا
هاتفضل تويوتا هي تويوتا .,...... و مرسيدس و بي إم إم و أودي هما التوب و القمة و بالقي خس
و تاريخ لكزس ....... لايُقارن بتارخ ألمانيا كلها في الصناعة

أهو كلام مقابل كلام

مع أنه رد غير عملي و لكنه مطابق لنظرية حضرتك

و الرد العملي
مش بالتاريخ و لكن بالأفعال
و لو بصينا للتاريخ
عارف تاريخ تأسيس ميتسوبيشي أيه اللي أنت طالع بيها السما ؟؟؟؟؟؟؟؟
ميتسوبيشي تم تأسيسها لصناعة السيارات عام 1973
و بروتون عام 1981 ........... يعني 8 سنوات فرق فقط لا غير

يعني تاريخ ميتسوبيشي و تاريخ بروتون متقارب جدا

و طبعا مينفعش نتكلم بالتاريخ بس
و لكن الحاضر أهم

علشان ميتسوبيشي بتعمل عربيات محترمة دلوقتي و من ساعة ما طلعت
و برضه بروتون بتعمل عربيات محترمة و من ساعة ما طلعت

و لو عايز ترد على الكلام ده
ياريت حضرتك تمسك الكلام و تفصصه واحدة واحدة بدل الرد في كلمتين زي
" أنتو غيرانين من تويوتا و لانسر "
أو مقارنة تاريخ شركة بشركة

لأن لو قارنا تاريخ الشركات

اليابان هتكون في المؤخرة


و شوف الحتة دي

وبعدين جيب الجين 2 بعد 10 سنين وشوفها عامله ازاى وجيب اللانسر بعد 10 سنين اكيد الفرق هيبان

لو عايز تشوف عربيات بروتون حلوة و لا لاءة

شوف الويرا موديل التسعينيات و قولي أيه رأيك بحيادية ....و عايزين مصداقية في الكلام بالمعلومات
و بعدين عشر سنين ليه
شوف اللانسر دلوقتي .............. صاجها ضايع و العربية اللي عمرها 5 سنين تحس أنها بقالها 30 سنة ماشية ................ صاج مفيش
و برضه أنا عرضي مازال قائم
تحب تسمع اللعنات من بعض أصحاب اللانسر
و لو عايز تسمع و تشوف أنا تحت أمر حضرتك و من العين الشمال قبل العين اليمين

مفيش عربية في العالم الناس راضية عليها 100 %

و الله يا استاذ توت انت محسسني ان الجين 2 موش عربيه دا مكوك فضاء بيطلع كل يوم القمر و يرجع تاني كل عربيه ليها حلاوتها و وحشتها بس انت طالع السما اوي بالعربيه بتعتك و عمال ترفعها عن الانسر و التويوتا موش ممكن انت كده حتي المقارنه موش مظبوطه انت بتقارن عربيتك بعربيات تفوقها بمراحل عربيتك واخده تكنولوجيا من لكزس و من لوتس و احسن الانواع في العالم انت عارف ان في عربيات لما خرجت تتصنع بره بلدها عمرها مكانت بجوده البلد الي مصنعاها لان جوده التقفبل مهمه جدا يعني ممكن فعلا تكون الجين تو بتكنولوجيا عربيات قويه جدا بالسوق و برده موش كويسه و علي فكره ميتسوبيشي وجدت سنه 1970 و الي انت متعرفوش انها ليها خبرات في تصنيه الطائرات و اجزاء ميكانيكيه في مكوك الفضاء بتاع ناسا و حاجات ذات تكنولوجيا عاليه جدا البروتون بقه الي انت بتتكلم علي خبراتها اساسا اشتغلت سنه 1983 يعني حوالي 13 سنه فرق و كمان ايه اول ما عملت عربيه عملتها بيز علي المتسوبيشي الي هيا اساسا موش عجباك و كمان شويه هتقول ان الجين 2 احسن منها

المشاركة الأصلية كتبت بواسطة waleed24ag

و الله يا استاذ توت انت محسسني ان الجين 2 موش عربيه دا مكوك فضاء بيطلع كل يوم القمر و يرجع تاني كل عربيه ليها حلاوتها و وحشتها بس انت طالع السما اوي بالعربيه بتعتك و عمال ترفعها عن الانسر و التويوتا موش ممكن انت كده حتي المقارنه موش مظبوطه انت بتقارن عربيتك بعربيات تفوقها بمراحل عربيتك واخده تكنولوجيا من لكزس و من لوتس و احسن الانواع في العالم انت عارف ان في عربيات لما خرجت تتصنع بره بلدها عمرها مكانت بجوده البلد الي مصنعاها لان جوده التقفبل مهمه جدا يعني ممكن فعلا تكون الجين تو بتكنولوجيا عربيات قويه جدا بالسوق و برده موش كويسه و علي فكره ميتسوبيشي وجدت سنه 1970 و الي انت متعرفوش انها ليها خبرات في تصنيه الطائرات و اجزاء ميكانيكيه في مكوك الفضاء بتاع ناسا و حاجات ذات تكنولوجيا عاليه جدا البروتون بقه الي انت بتتكلم علي خبراتها اساسا اشتغلت سنه 1983 يعني حوالي 13 سنه فرق و كمان ايه اول ما عملت عربيه عملتها بيز علي المتسوبيشي الي هيا اساسا موش عجباك و كمان شويه هتقول ان الجين 2 احسن منها

أولا أنا مش طالع بالجين 2 السما و لا حاجة
الجين 2 عربية زي أي عربية لها مميزات و لها عيوب

أنت اللي في الأول قلت ......... " إن مينفعش نقارن علشان التاريخ بتاع تويوتا و التاريخ بتاع بروتون "
و لو مشينا بنفس المنطق
يبقى التويوتا مينفعش تتقارن بأي عربية أوروبي أساسا ........ ( طبقا لكلام حضرتك عن تاريخ الشركات )

و الجين 2 عربية عادية جدا و لكن الكورولا ليست أفضل منها و لا الياريس و لا اللانسر

عربية مريحة جدا و موفرة للبنزين بطريقة لم أكن متصورها بتعمل 7.5 لتر لكل 100 كم و ساعات أقل من كدا كمان
عربية قوية و صاجها محمل و تحس إن صاجها زي بتاع المرسيدس مش الحاجات الورق التانية
و بعدين حضرتك أنا عارف تاريخ ميتسوبيشي كله و عارف أنها كانت بتصنع أجزاء و طائرات كاملة في الحرب العالمية التانية و لو حضرتك كنت حضرت المناقشات الخاصة بالصناعة الياباني مع المهندس فادي كنت هتلاقي ردودي كلها دفاع عن اليابان و صناعتها المحترمة
نعم صناعة اليابان محترمة جدا علشان هما بيحترموا العملاء
و لكن ليسوا هم وحدهم
و هذا ما أريد أن نصل إليه
آه اليابان دلوقتي محترمة و لها سمعة طيبة جدا في مصر
و لكن لم يكن هذا هو الحال 30 عام مضى ........ و كان رأي الناس في العربيات الياباني أنه ورق و زبالة
و لكن اليابانيين أثبتوا العكس مع مرور الزمن و تقديم سيارت ذات إعتمادية عالية و معمرة كمان مع الإفتقار لقوة الصاج الياباني ... !
و لكن السيارات الياباني من أفضل السيارات في العالم
و أنا بأقول من أفضل و ليس أفضل
لأنه لا يوجد أفضل
يعني ممكن تلاقي اليابان مثلا عاملة موديل مفيش بعد كدا
و تلاقيها عملت موديل تاني ............ لا مؤخذة يترمي في الزبالة
و الكلام ده ينطبق على كله ........ ألماني ... أيطالي .... انجليزي ..... فرنسي ... أمريكي

و مش معنى إن تويوتا مشهورة عن بروتون تبقى سيارات تويوتا أفضل
و مش معنى إن مرسيدس مشهورة عن تويوتا .... إن تويوتا و لكزس أوحش من مرسيدس
أنت فهمت أنا أقصد أيه ؟؟؟؟
و أنا عارف إن بروتون أول ما بدأت و لفترة قريبة جدا أخذت و أستعانت بتكنولوجيا و مساعدة ميتسوبيشي .... و ده مُش عيب ..... الكل عمل كدا
تويوتا كانت بتقلد ........ الأوروبي .... صح ؟؟؟
بس شوف تويوتا دلوقتي أيه !!!!!!!!!!!!!
بس معلش مش فاهم يعني أيه

بيز على الميتسوبيشي ؟؟؟


أنسوا التاريخ
و قارنوا سيارتين ببعض ......... مش تاريخ سيارتين
لأننا لو بنقارن بالتاريخ
يبقى كل الشركات الياباني .,............... في المؤخرة قبل الكوري
و الأوروبي رقم واحد و يليه الأمريكي و بعدين الياباني و بعدين الكوري و ثم الماليزي
شفت بقى إن مينفعش المقارنة تكون بالتواريخ
و شكرا

الصراحة الموضوع زاد عن حده اوي

جين 2 مش نازلة من القمر

انتو بتقارنو تيوتا و متسوبيشي ببروتون !!!!

ده الي بتعمله تيوتا ومتقدرش تعملة بروتن



مزيكهم يا تيوتا ;)
http://www.youtube.com/watch?v=OvZS16IxC8k

هو ده الي مخلي كلمة ياباني ليه تقلها :p

رغم ان الجين عربية ممتازة بس بصراحة اليارس و الصني و اللنسر احسن :)

كمان الجين 2 بقت احسن من الكورولا علي فكره رغم وجود عيوب في الكورولا الي نازله مصر بس حرام عليك متهرس عربيتك قدام عربيات بينها و بين عربيتك زي السما و الارض متخليش دفاعك يبقي غير منطقي خد بالك ان انت موش حاسس بانك كل مناقشه تذود العربيه الي بتقارن بيها الاول الياريس و بعدين الانسر و بعدين الكوردوبا و بعدين الكورولا انا خايف علي اخر الشهر تعملها طياره و تقارن بينها و بين البوينج او الايرباص