تقرير مفصل عن اوبل فكترا 2007

[د.اسماعيل النجار]

انا هاقول تجربتى مع الاوبل فكترا 2007 اشتريت العربية فى اواخر ديسمبر 2006واستلمتها على اول السنة اول ماركبت العربية سمعت صوت مع رفع رجلى عن الدبرياج طبعا كلنا عارفين انها نازلة منيوال بس قلتلهم على الصوت قالو من الفرامل لغاية ماتطبع وبعد كدة الصوت يروح صدقتهم وياريتنى ما صدقتهم طلع ان الموضوع محرك 1600 سي سي صعب عليه يشد عربية وزنها 1395كجم واللى خلانى الاحظ الحكاية دى انى كنت راكب قبلها تويوتا كورولا 2002 وكانت سريعة فى الطلعة بشكل ملحوظ المهم العربية من برة بريستيج عالى جدا جنوط 16 بوصة كشا
فات امامية ثلاثية الدوائر وكشافات ضباب اللون فضى من الداخل دركسيون متعدد الوظائف يشغل الراديو وال سى دى ويعلى الصوت ويوطيه ث3لاثى الاذرع التابلوة فخم وعريض لكن ملمسة خشن الطارة والفتيس مغطيها جلد طبيعى الكراسى واسعة جدا والصالون رحب جدا لكن فية شوية قساوة فى المقاعد عكس الكرولا التابلوة لونة فضى فى رمادى ويحتوى على الراديو بدون كاسيت ومشغل اسطوانة واحدة و3بكرات للتكييف المكيف شبه اوتوماتيك يعنى درجات الحرارة مكتوبة وانت ماعليك الا تظبط الدرجة المناسبه ليك وهو يشتغل ويفصل لوحده لكن برضه مش زى المكيف اليابانى فرق شاسع لصالح اليابانى طبعا زراير المكيف والراديو وكل زراير التابلوة صغيرة جدا وممكن تشغلك عن الطريق وده عيب كبيرجدا
فيه مسند دراع بين الكرسين الامامين ينزلقللامام والخلف وتحته مكان تخزين للاسطواناط اول ما تطلع بالعربية تكون تقيلة وتستمتع بيها بعد سرعة 100 كم راسية جدا وبذات فى الملفات وسهل التحكم فيها لكن صوت المتور وصوت العجل عالى وخشن جدا تقريبا زى الاوكتفيا الفرامل فيه{اabs}
وقوية جدا تحس ان العربية بتساعدك فى السواقة وتاخد درجة فى النقطة دى عن الكورولافيها حساسات مطر والمرايات الى جوة وبرة ضد التوهج
جبت بيها 185كم وكانت برده راسية ناشفه فى المطبات والطرق الغير ممهدة تقريبا الالمانى كله كده طبعا ماعدا المرسيدس قطع الغيار غالية جدا
ومش دايما متوفرة عريضة تحس انك راكب سفينة عرضها بالضبط 179.5سم الشنطة حجمها 500دس الكاوتش 215/55/16والشنطة بدون مفتاح
تفتح وتقفل بالريموت استهلاك الوقود حولى7.5لتر لكل 100 كم تحكم فى الزجاج الاربعة بلمسة واحدة فيها اربعة ايرباج لما كنت بركبلها فرش جلد
لقيت مكتوب على الحزام من تحتmade in polandبس العربية دى فى مصر بختها مايل والناس بتفضل الاوكتافياعنها مع ان الاوكتافيا عائلية
متوسطة هاتش باج والاوبل عائلية كبيرة اوسيدان على حسب تصنيف موسوعة ويكيبديا وفى الاخر احب اشوف ردود او اسئلة لان بالتاكيد ناسى حجات كتير*

[M_Abdallah]

شكرا علي تقييمك.



_____________
محمدعبدالله

[TAG_Turbo0]

أولا شكرا لتقييمك للعربية
يعنى حضرتك شايف أن الكرولا أحسن من الفيكترا ولا إيه؟
وهل التكييف بيأثر جامد على أداء العربية؟
وهى عاملة مع حضرتك كام كيلو وأخبر التوكيل ايه فى الصيانة
معلش تألت عليك

[wawoo]

شكرا يا سيرجون على التقرير و الافضل نقل الموضوع لقسم الاوبل , عشان هنا قسم التويوتا , اكيد غير مقصود طبعا .