عشان تضارب الاراء نرجو من مالكي الجين فقط الاجابة

[blackeagle]

شكرا abo omar&y_rasmi ده عندنا 3 ملاك للجين 2 في النتدي كلهم يقولوا انها بدون مشاكل ياريت باقي الملاك يردوا حتي تظهر الحقيقة

[m_marmoush]

طب سؤال لمالكى جين 2 اللى عندهم أوتوماتيك

أخبار السحب أيه ؟ من غير قرص وشد على الموتور (سواقه عاديه يعنى)
حل- عادى-بطىء

وكمان أخباره أيه فى أستهلاك البنزين داخل المدينه؟

ياريت الأجابه تكون من ملاك العربيه عشان الكل يستفيد

[M_HaFeZ]

وكمان أخباره أيه فى أستهلاك البنزين داخل المدينه؟

ياريت الأجابه تكون من ملاك العربيه عشان الكل يستفيد

بعد اذن اخى توت انا ناقل المشاركه دى من موضوع له

نوع السيارة : جين 2
موديل : 2007
قوة المحرك : 1600 سي سي
القوة الحصانية : 110 عند 6000 لفة / دقيقة
العزم الأقصى : 148 نيوتن / متر
السرعة القصوى : 190 كم / س
ناقل السرعات : ناقل يدوي ذو خمسة سرعات
------------------------------------------------------------
ظروف التجارب
السيارة بها شخصين و أحيانا ثلاثة و تصل الأوزان من 150 كجم إلى 250 كجم
الهواء و الرياح ...... محايدة ( لا ضدي و لا معايا )
مكان التجارب ......... الطريق الدائري في أغلب الأحوال
نوع الوقود بنزين 92 و 95 و أحيانا مخلوط
نوعية القيادة ...... هادئة جدا .......... أو عادية ....
سيتم التفريق لاحقا بين الاستهلاك في نوعية القيادة و نوع البنزين و الإستهلاك
الأداء الناتج عن السيارة في كلتا الحالتين ........ لاحقا في التقرير

----------------------------------------------
الإستهلاك العملي ..... التجربة الأولى
قيادة هادئة جدا جدا ( تسارع بطئ ..... تغيير سرعات عند 3 rpm و عدد 2 شخص في السيارة حمولة حوالي 150 أو 160 كجم
و السرعة لا تزيد عن 80 إلى 90 كم /س على الغيار الخامس
و نوعية البنزين 95 و مخلوط على بنزين 92
عدد اللترات هو 21 لتر بنزين 95 على 28 لتر بنزين 92
و الإستهلاك كان 367 كم مقابل 21 لتر بنزين مخلوط
-----------------------------------------------
التجربة التانية
قيادة هادئة جدا جدا
السرعة لا تزيد عن 80 إلى 90 كم / س على الغيار الخامس
عدد الأشخاص 3 و الوزن حوالي 250 كجم
و نوعية البنزين 95 مخلوط على 92 و نسبة البنزين 95 حوالي 10 لتر فقط
و الإستهلاك كان 345 كم ...... لكل 21 لتر بنزين مخلوط
-----------------------------------------------
التجربة الثالثة
قيادة هادئة جدا جدا و السرعة من 80 إلى 90 كم /س على الغيار الخامس
عدد الأشخاص 2 وزن حوالي 150 كجم
نوعية البنزين 92 فقط
الأستهلاك حوالي 340 كجم لكل 21 لتر بنزين 92
----------------------------------------------
الأداء الناتج ....
طبعا أداء عادي جدا و ليست فيه أي قوة بمعنى على الأداء ده مقدرش أشد مع حد أو أسابق حد
---------------------------------------------
التجربة الرابعة
قيادة عادية
تغيير عصا السرعات عند 4000 لفة / دقيقة ...... rpm
السرعة تتراوح ما بين 100 إلى 130 كم / س على الغيار الخامس و عداد rpm بيكون عند 3900 إلى 4000 لفة / دقيقة

نوع البنزين 92 فقط
الحمولة 150 كجم و هي حمولة شخصين
الأستهلاك بيكون 250 كم لكل 21 لتر

و الأداء الناتج عن تلك القيادة
اداء قوي تشعر بقوة السيارة على حساب استهلاك البنزين طبعا

قيادة داخل المدينة
بنزين 92 فقط
و قيادة عادية مملة
الأستهلاك بيكون من 200 إلى 250 كم لكل 21 لتر

و دي كانت أخر تجارب قمت بها بعد آخر موضوع فتحته عن تقييمي للجين 2 بعد فترة من الأستخدام

و الرقم 21 ده جاء بالصدفة ........ لأني لما مونت بنزين حطيت 21 لتر و كان ده الرقم اللي فول التانك
و تاني مرة لما العلامة وصلت تقريبا عند النصف ( قبل النصف قليلا ) فولت و برضه المسدس بتاع البنزين وقف و كان 21 لتر و تالت مرة نفس الرقم عند نفس موضع المؤشر

[m_marmoush]

متشكر جدا بس عربيه الأستاذ توت مانيوال مش أوتوماتيك

شكرا جدا لأهتمامك

[immetwally]

ya regalla..

delwa2ti ana 7agez men 3ezz el 3arab kalemouni today 2alouli mafeesh alwan . 2a2olohom fe eih.. 2alouli mafeesh ella ramadi (gray).. 2a2olo tab fel ferou3 el tania fe?? ye2oli la2 gray bas

fa momken law fe 7ad 7agez ye2oli eih el nezam 3ando

Plz All Members Having Reservations We Shall Meet Or Call Each Other To Organize What Shall We Do With Them I Am Also Having Reservation A Month Ago And I C That We Shall Be One Hand Against Them
Especially We R Going To Take The Road From The Beginning Together
?Call Me Any Time 010 177 1337

[volcano12]

السلام عليكم
شكرا للمنتدى الرائع ده ..
انا كنت عاوز اشترى جين 2 ودرستها عن طريق هذا المنتدى ومواقع خارجية واقتنعت بيها جدا
والحمد لله ربنا كرمنى واشتريتها مو 2008 من شهر تقريبا وعملت صيانة اول 1000 عند عز العرب اسكندرية ( لانى اسكندرانى )
وهى كانت مخنوقة شوية قبل الصيانة الاولى .. بس بقت كويسة بعد الصيانة الدورية بتاعت الالف الاول
وباسمع انها حتتظبط قوى بعد صيانة ال 5000 ان شاء الله
انا مش متضايق من اى حاجة حتى الان وربنا يبارك فيها
واكثر حاجة عاجبانى جدا جدا فيها هى الكروز كونترول ( مثبت السرعه ) لانى باسافر كثير وهى ميزة رائعه جدا لمحبى السفر وعدم التعب فى متابعه السرعه علشان الرارد
وتحت امركم فى اى استفساؤ

المهم نسيت اقول ان الحمد لله مش حاسس باى مشكلة ولما سئالت الناس فى الشارع قبل الشراء كلهم شكروا جدا فيها

ياسر رسمى
الاكاديمية البحرية

مدام انت اسكندرانى :) بعد اذنك نفسى أعرف ايه أخبار عز العرب معاك؟و ايه أخبار الخدمه هناك؟
عشان برده سمعت أنه مش أوى زى القاهره...طبعا أنا برده معرفش القاهره عامل ازاى... بس قولت اسأل

[som3aa]

) تاريخ استلام السيارة؟
يناير 2007
2)عدد الكيلومترات التي قطعتها بالسيارة؟
أعتقد 22000 حاجة كده (عربية اختى مش عربيتى)
3)المشاكل اللتي واجهتك معها؟
المشكلة الخطيييرة هى السحب و دا فى الاوتوماتيك و هاشرحها تحت , و بعدين الفرامل ضعيفة شوية و بعدين حاجات تانية صغيرة فى التفيل من جوه ذى مثلا زراير الmultifunction زى متقول دخلت فى بعض يعنى تدوس اللى بيعلى يقوم يغير الاغنية كدا
5)هل الزجاج الكهرباء علق او احتجت ان تصلحه؟
لأ

6)هل من مشاكل في الفرامل؟
ايوه ضعيفة شوية (ممكن تقول شويتين)
7)هل العربية بتسخن؟
ايوه بشدة بس مش عارف دا لو اضرار و لا لأ,يعنى مكانتش مشكلة خالص بس هى الصراحة بتسخن اسرع من العربيات العادية بكتير و حتى المروحة بتاعتها بقفضل شغالة شوبة بعد متفصل الموتور بس معملتش مشاكل خالص السخونية دى لغاية دلوقتى.
8)هل السنتر باظ منك قبل كدة؟
لأ بس العربية ساعات تدوس على زرار الريموت علشان تقفلها و تلاقيها تانى يوم مفتوحة او تيجى تفتحها متفتحش معرفش دا السنتر اللى بيعلق و لا الريموت.
9)في مشكلة في المساعدين؟
لأ معتقدش
10)هل رحت التوكيل قبل كده و قال لك قطعة الغيار المطلوبة غير موجودة الان و سوف نتصل بك عندما تصل؟
ايوه فى تيل الفرامل و جابه بعد مده طويلة و خلص (متكلموش طبعا قال يتكلموا قال) بس الصراحة انا مكنتش بكلمهم كل يوم اشوف جه و لا لأ بس كان مفروض يجيبوا كمية كبيرة و جابوه بعد كده تانى.(يعنى تخليك تقلق من توافر قطع الغيار)
11)ما هو متوسط استهلاك البنزين؟
دى معرفهاش بس اعتقد كويس , هى التنك بتاعها صغير كمان , اعتقد كويس اوى الاستهلاك
12)الفيس الاتوماتيك بيعلق او فيه مشاكل؟
مش بيعلق المشكلة فى سحب الاوتوماتيك يعنى لما تيجى تدوس بنزين العربية بتتاخر اوى اوى فى الحركة يعنى لو واقف فى اشارة مرور كل العربيات هتتحرك قبلك , دا فى الانطلاق من الصفر بس , بس الصراحة دا عيب خطير اوى فيها و انا منصحش حد لو عايز يشتريها يشترى الاوتوماتيك نهائيا, تخيل بتدوس بنزين العربية متتحركش لمدة كام ثانية و دا بيخليد تدوس جامد اوى علشان طبعا احنا فى مصر لازم تتحرك بسرعة.

13) لما بتروح تعمل صيانة ايه راي اصحاب الجين 2 اللي بتقابلهم في التوكيل؟
معرفش السواق هو اللى بيوديها بس هو بيشتكى من مركز الصيانة نفسه بيقول زحمة اوى بس مكانش فى مشكلة علشان نعرف كويس و لا لأ هو زحمة بس دا اللى اعرفه

بصراحة شديدة انا لا انصح بشرائها , يعنى هى شكل رهيب و امكانيات بس انما جودة لأ , يعنى بصراحة الواحد يجيب ياريس احسن و لا صنى.
منغير زعل بس واضح ان دى مشاكل عامة عند ناس كتير او فى دفعات معينة من العربية معيوبة و دا واضح جدا من الاسئلة اللى فى الصميم دى , يعنى الراجل ذكر مشاكل العربية بالظبط و كدا بقى اكيد العربية معيوبة

[blackeagle]

شكرا للرد المفصل ل som3aa ولا نزال ننتظر باقي المالكين

[ahmedsiyam]

الاخ som3aa
انا موش شايف كده ان العربية فيها مشكلة كبيرة تخليك تنصح بعدم شائها
وانا متفق معاك ان الاوتوماتيك سحبه ضعيف بس فى اول الغيار بس بس انا من الوقوف التام و الانطلاق ماحسيتش بان العربية بطيئة بالعكس ده انت لو حطيت رجلك على البنزين سلامى و تحياتى الحارة للناس اللى واقفة جنبك ابقى قابلنى لو حد شافك

[blackeagle]

السلام عليكم

مشكورين يا رجالة على الرود بتاعتكم المفيده

احب اوضح بس ان التكييف باسمع صوته من جوه العربية و صوته بايخ بجد و مضايقنى جدا بس للاسف ماعنديش وقت اروح التوكيل خالص

وعلى فكرة الاخ محسن صالح و هو بيسلمنى العربية قالى ان العربية متلينة و اشغل التكييف عادى جدا و اجرى بيها و اعمل اللى انا عايزه بس انا عموما باشغله الصبح بس و كمان باسوق على مهلى موش عايز اقرص عليها خالص ماعتقدش كده انى باجهد الموتور و كمان الواحد برضه خبرة موش هافترى على العربية و هى لسه زيرو

بالنسبة لموضوع الخامات و التقفيل
امبارح لما لقيت معايا شوية وقت قولت انظف الصالون و جبت بليدج اللى باستعمله فى الاثاث المنزلى و روحت واخد العربية بقى تلميعة من اللى هى
اكتشفت ان فعلا تقفيل العربية موش حلو يعنى لازم جودة التقفيل تبقى احسن من كده و برضه زاد تاكدى من ان الخامات بتاعة الصالون عادية جدا
و طبعا احنا لو اخدنا خامات عالية زيى المستخدمة فى عربيات زيى الكورولا و التويوتا و السيات و موديلات تانية كتير بالاضافة الى تقفيل مظبوط موش حاجات مفارقة فى الباب و الصالون يبقى بحسبة بسيطة كده العربية دى تسوى فوق الـ 110000 جنيه مستريح نظرا لكم الكماليات الكتير اللى فيها

اللى عايز يشترى العربية دى و يكبر دماغه من موضوع الصالون و مايقعدش يقارن مابينها و مابين عربيات تانية كتير فى نفس سعرها يجيبها

و ياريت الناس تاخد فى الاعتبار ان العربية ماشاء الله ثقيلة على الارض و ثابتة و متينة جدا جدا جدا و الصاج بتاعها جامد اوى ماشاء الله و نمسك الخشب
وده موش موجود فى عربيات كتير

بالمناسبة انا سامع صوت تزييق عجيب هاتعقد منه و الصوت ده فى الشنطة تقريبا مع انى فضيتها كلها و لسه موجود برضه ماحدش يعرف ده ايه ؟؟؟؟
مع انى حاسس انه حاجة عبيطة فى الاخر تتعلق بالتقفيل بتاعها

استاذ ahmedsiyam
ايه اخار التكيف دلوقتي و صوت التزيق اللي كان في الخلف وهل لكل اي ملاحظات اخري جديدة؟؟