عشان تضارب الاراء نرجو من مالكي الجين فقط الاجابة

**blackeagle** · 28-04-2008 09:16 PM

وجدت العديد من تضارب الاراء حول الجين 2 البعض يشكر فيها و البعض يقول انها مقلب
لذا نرجو من مالكيها فقط ان يشاركوا وليس اللي شاف العربية مع واحد صاحبه او ساقها مرة او سمع عنها الاجابة عن هذة الاسئلة حتي نستطيع تقييم العربية دون ان نبالغ في قيمتها او نبخسها حقها
1) تاريخ استلام السيارة؟
2)عدد الكيلومترات التي قطعتها بالسيارة؟
3)المشاكل اللتي واجهتك معها؟
4)هل حدثت مشكلة في العفشة؟
5)هل الزجاج الكهرباء علق او احتجت ان تصلحه؟
6)هل من مشاكل في الفرامل؟
7)هل العربية بتسخن؟
8)هل السنتر باظ منك قبل كدة؟
9)في مشكلة في المساعدين؟
10)هل رحت التوكيل قبل كده و قال لك قطعة الغيار المطلوبة غير موجودة الان و سوف نتصل بك عندما تصل؟
11)ما هو متوسط استهلاك البنزين؟
12)الفيس الاتوماتيك بيعلق او فيه مشاكل؟
13) لما بتروح تعمل صيانة ايه راي اصحاب الجين 2 اللي بتقابلهم في التوكيل؟
انا جمعت جميع الاسئلة اللي قال الناس انها مشاكل واجهتهم في السيارة
اخيرا ارجو من مالكي السيارة ايضاح الحقيقة
ومن الادارة تثبيت الموضوع حتي يكون مرجع شامل للجين 2

**fahd_628** · 28-04-2008 09:28 PM

انت بصيت على اللينك دة ؟

http://www.nilemotors.net/Nile/showthread.php?t=10722

**blackeagle** · 29-04-2008 07:50 AM

نعم بصيت عليه و عملت بحث ب جوجل علي السيارة و رحت توكيل عز العرب و تكلمت مع بعض ملاك السيارة ووجدت تضارب رهيب في الكلام فهناك من يشكر فيها و هناك من يلعن اليوم اللي اشتراها فيه و عشان كده جمعت هذة الاسئلة اللي كانت اغلب المشاكل اللي سمعت عنها عشان انا عاوز اعرف الحقبقة

**ebo123** · 29-04-2008 09:02 AM

عز العرب اللي في ابو رواش الناس هناك بتلعن اليوم اللي جابوة في العربية

مفيش واحد قال عليها كلمة حلوة اللي يقولة عربية زبالة واللي يقولة مافيهاش فرامل واخدوا منة 800 جنية ولسة برضة متعملتش

وحاجات تانية كتييير

والغريب ان تلاقي هنا الناس كاتبة عنها كلام تحفة تحببك في العربية

**ahmedsiyam** · 29-04-2008 09:42 AM

اخى الفاضل
انا قبل ما اشترى العربية كنت باسأل الناس فى الشارع و ماحدش قال فيها كلمة وحشة
اللى بيركب العربية دى بيشكر فيها اوى و الكلام ده من الناس اللى ركبت بروتون من زمان كمان و طبعا ملاك الجين 2 مبهورين بيها

**M_HaFeZ** · 29-04-2008 10:57 AM

ياريت والله الموضوع يتثبت ونشوف مشاركات كل الاخوه اللى معاهم العربيه

**tutankhamoun** · 29-04-2008 11:12 AM

1) تاريخ استلام السيارة؟ نوفمبر 2007
2)عدد الكيلومترات التي قطعتها بالسيارة؟ 4500 كم
3)المشاكل اللتي واجهتك معها؟ لم تواجهني أي مشاكل
4)هل حدثت مشكلة في العفشة؟ لم تحدث و الحمد لله مشكلة في العفشة
5)هل الزجاج الكهرباء علق او احتجت ان تصلحه؟ لا ... الزجاج لم يُعلق
6)هل من مشاكل في الفرامل؟ الفرامل جيدة جدا و لا يوجد بها مشاكل
7)هل العربية بتسخن؟ بالعكس .... العربية رائعة و تبريدها ممتازة
8)هل السنتر باظ منك قبل كدة؟ لم يحدث
9)في مشكلة في المساعدين؟ لا يوجد مشكلة
10)هل رحت التوكيل قبل كده و قال لك قطعة الغيار المطلوبة غير موجودة الان و سوف نتصل بك عندما تصل؟ لم أحتاج قطعة غيار لأجربهم
11)ما هو متوسط استهلاك البنزين؟ بالحرق على الغيارات حوالي 220 كم لكل 20 لتر و بالقيادة الهادئة و تغيير السرعة عند 3 rpm بيكون الاستهلاك في حدود 350 كم مع مراعاة عدم تزويد السرعة عن 100 كم / س
12)الفيس الاتوماتيك بيعلق او فيه مشاكل ؟ عربيتي فتيس عادي و ليس أوتوماتيك لذلك لا أعرف الإجابة عن هذا السؤال
13) لما بتروح تعمل صيانة ايه راي اصحاب الجين 2 اللي بتقابلهم في التوكيل؟ الكل بيشكر فيها

**blackeagle** · 29-04-2008 01:35 PM

شكرا tutankhamounو نرجو من بقية اصحاب الجين 2 المشاركة

**abo omar** · 29-04-2008 05:08 PM

السلام عليكم
استلمت السيارة ديسمبر 2007
عامل حوالى 3000 كيلو
الحمد لله مفيش اى مشكلة (نفس اجابات توت )

**y_rasmi** · 29-04-2008 06:28 PM

السلام عليكم
شكرا للمنتدى الرائع ده ..
انا كنت عاوز اشترى جين 2 ودرستها عن طريق هذا المنتدى ومواقع خارجية واقتنعت بيها جدا
والحمد لله ربنا كرمنى واشتريتها مو 2008 من شهر تقريبا وعملت صيانة اول 1000 عند عز العرب اسكندرية ( لانى اسكندرانى )
وهى كانت مخنوقة شوية قبل الصيانة الاولى .. بس بقت كويسة بعد الصيانة الدورية بتاعت الالف الاول
وباسمع انها حتتظبط قوى بعد صيانة ال 5000 ان شاء الله
انا مش متضايق من اى حاجة حتى الان وربنا يبارك فيها
واكثر حاجة عاجبانى جدا جدا فيها هى الكروز كونترول ( مثبت السرعه ) لانى باسافر كثير وهى ميزة رائعه جدا لمحبى السفر وعدم التعب فى متابعه السرعه علشان الرارد
وتحت امركم فى اى استفساؤ

المهم نسيت اقول ان الحمد لله مش حاسس باى مشكلة ولما سئالت الناس فى الشارع قبل الشراء كلهم شكروا جدا فيها

ياسر رسمى
الاكاديمية البحرية