إصحاب الأوبل الإسكنرانية

**danash** · 30-04-2008 05:46 PM

الأخوة أصحاب الأوبل الإسكندرانية عايزين نكون زى الجماعة فى القاهرة
المهندس وليد والمهندس محمد مختار بصراحة ناس محترمة جدا وبيساعدو كده كده
المهم عايزين نعرف بعض بأفضل الناس اللى بتشتغل فى الأوبل
وأفضل واحد بتاع قطع غيار عموما حأبتدى أنا
أنا عندى الفيكترا من حوالى أربع شهور أول ما إشتريتها كان فيها طقم شمبر وسبيكة
المهم ودينها عند واحد ميكانيكة مش وحش إسمه عبد العزيز فى السيوف ظبطها
وقطع الغيار من عند أيمن الصعيدى على جمال عبد الناصر
المهم عايز أعرف فين بتوع العفشة والكهربائى لأنى لسة جديد فى هذا الوضع
أخوكم أحمد دنش

**Mustafa_Farouk** · 01-05-2008 11:39 AM

شكلك كدة حتكون المتحدث الرسمي عن إلاسكندرية. :)

**M.Mokhtar** · 01-05-2008 03:07 PM

المشاركة الأصلية كتبت بواسطة danash

الأخوة أصحاب الأوبل الإسكندرانية عايزين نكون زى الجماعة فى القاهرة
المهندس وليد والمهندس محمد مختار بصراحة ناس محترمة جدا وبيساعدو كده كده

انا لا اقبل
قبل اسمى لازم تحط اسم المهندس احمد ده اكتر واحد بيفيدنا كلنا
واخبار اسكندريه ايه؟ انا قضيت فيها احلى سنتين فى حياتى

**Ahmad Allawy** · 01-05-2008 05:03 PM

محمد بيه..
كده هتزعلني منك.. انت والله افدتنا كتير..
عموما.. احنا كده هنعمل زي الممثلين اللي بيتخانقوا علي الاسم علي افيش الفيلم.. :) :) :)
عموما ربنا يكرم كده و نكون كلنا بنعرف نفيد بعض ان شاء الله..
وربنا يسهل كده و الاوبلاوية الاسكندرانية يبقوا جروب جامد و متعاون..
و نتبادل الخبرات مع اوبل اليكس..و نعمل اوبل ايجبت ان شاء الله..

**abdelaziz-waleed** · 02-05-2008 05:26 AM

المشاركة الأصلية كتبت بواسطة danash

الأخوة أصحاب الأوبل الإسكندرانية عايزين نكون زى الجماعة فى القاهرة
المهندس وليد والمهندس محمد مختار بصراحة ناس محترمة جدا وبيساعدو كده كده

يانهار ابيض ياعم ربنا يكرمك احنا هانروح فين جمب استاذ احمد واستاذ محمد مختار
دول الفطاحلة بتوع الاوبل في المنتدى يارب بس نبقى زيهم ووالله هما اللي مظبطين منتدى الاوبل بدون اي مجاملة
ان شاء الله على رأي استاذ احمد
يبقى في رابطة عشاق الاوبل اسكندرية والصعيد ويكونوا رابطة عشاق الاوبل مصر
ونفضل ورا المنتدى لغاية ما كله يركب الاوبل

**danash** · 02-05-2008 04:39 PM

المهم يا جماعة كل الإخوة الأفاضل فى القاهرة هم اللى ردوا واللإسكندرانية مش فى دماغهم مع إنى شايف الأوبل فى إسكندرية كثير جدا لغاية ما إعتقدت إنها ببتوزع على البطاقة ولكم جزيل الشكر للرد من ساعة ما كنت عايز أغير الموتور من الأوبل لللإكوتك

**Ahmad Allawy** · 02-05-2008 05:13 PM

دي ملحوظة هامة جدا والله.. انت عندك حق..
انا كنت في اليكس من كام يوم..
وفعلا لاحظت الكورسا اللي هي زي اللي معايا.. لقيتها منتشرة جدا جدا جدا جدا.. لدرجة اني في الباركينج بتاع ابراج القوات المسلحة اللي قبل كوبري ستانلي.. شوفت ما لا يقل عن 8 عربيات كده وانا ماشي..
واكيد لو دققت كنت هالاقي فيكترا كتير.. بس انا براحة كنت مركز ع الكورسا اكتر..
لأ شد يا مستر دنش شوية..
وهات كل الانوبلاوية الاسكندرانية هنا.. عايزين منتدي اوبل تشعلل م النشاط..

**volcano12** · 02-05-2008 05:41 PM

أنا كان معايا كورسا 1000سىسى 98.. بس خلاص اتباعت ... و اعرف شوية حاجات اللى اتعاملت معاها فى الفتره اللى معايا... لو حد عايز مساعده يسأل يمكن أعرف أساعده

الكورسا فعلا منتشره أوى هنا... و لحد دلوقتى ندمان انى بعتها و مظبتهاش.. قولت اللى حصرفه عليها حركبه و مش حخده فلوس تانى.. فقلت أقدى بالاكسيل باقى عمرى فى الكليه :)

**danash** · 02-05-2008 06:02 PM

من الواضح إن مشاكل العربيات دى قليلة واللى عنده أوبل مش شاغل باله بإصلاح
كل اللى شاغله يتاعة المعلومات اللى فى التابلوة اللى دايما بايظة والسنترلوك
بالمناسبة عندى ساعات الزجاج أتك عليه جامد وأرفع أيدى يطلع لوحدة ولو بالراحة على حسب التكة يطلع المهم ساعات وساعات لأ بس المهم بيطلع وينزل
يعنى يا جماعة المواضيع بسيطة الأسكندرانية مشغولين بموسم الصيف
أحمد دنش

**retagstudio** · 20-05-2008 08:25 PM

بص ياباشا انا عندى واحد كهربائى تمام فى السيوف برضه ادام قريه عبد الوهاب اسمه على وربنا المستعان

الموضوع: إصحاب الأوبل الإسكنرانية

LinkBack

أدوات الموضوع

عرض

-

-

-

-

-

المواضيع المتشابهه

اكسسوارات الأوبل

بجد حببتونا فى الأوبل

حد يعرف الأوبل دي ؟؟

الى اخوانى اهل الأوبل

مساعدة من اهل الأوبل

الكلمات الدلالية لهذا الموضوع

المفضلات

المفضلات

ضوابط المشاركة