الموضوع: مساعدة من اهل الأوبل

أزيكو يا جماعة.

أنا عندى سؤال علشان انا فعلاً محتار.

أنا طول عمرى بركب فولكس جولف ولكن قررت اركب عربية حديثة شوية وألمانى محترمة برضة وفكرت فى اوبل فكترا 1994 أو 1995 ( 2000 سى سى اوتوماتيك ) على قد امكانياتى فى حدود 45000 اقل أو اكتر شوية بس كل الناس بتقول لألألألألأ كل ما اقول أوبل. انا بحترم العربية دى قوى بس ابيض فيها مش فاهم حاجة. أجيب العربية دى ولا لأ وقطع غيارها إهانة ولا اه يا جماعةز شكراً على طول بالكو.

المشاركة الأصلية كتبت بواسطة ENG\AHMED

فكترا a نادر لما تلاقى فيها حالة نضيفة فعلا يعنى هتتعب علشان تلاقى فيها حالة نضيفة مع انى لسة شايف واحدة الاسبوع اللى فات بس 1.6 فابريييييييكة وبلونها مش مجرب ولا مطفى ولا حاجة (اول فكتترا A الاقى علامات الشنطة بلونها السلفر )
بالنسبة لموضوع اوبل لا لا لا بص بصة على المواضيع فى القسم وشوف الكلام اية وللأسف هتلاقى معظم اللى بيتكلم مركبش عربية اوبل فى حياتة , هى سمعة بتطلع من حتة وتلاقى الاشاعات فى البلد كلها
لو تفتكر ايام التسعينات واول الالفينات كانت الاوبل وبالذات الفكترا كانت عاملة ازاى
فا هى موضة فى مصر وكل ماركة بتاخد الموضة شوية وبعدين تمشى .. وعادى من غير اسباب واضحة :)

انا محترم الكلام ده أوى اوى اوى بأمانه
يعني مثلا لو تسمع بورسعيد كلها هوندا سيفيك ,,,,كل اللى يستنضف عربيه يجيب هوندا سيفيك أي موديل فيها بقه علي حسب فلوسه
بس الناس بدأت تزهق رغم ان العربيه الهوندا ماشاء الله عربيه ممتازه ,,,,والناس بعد مازهقت بقه بدأت تغير ,,,تيوتا ,,,,جولف يعني
ده فيه واحد عندنا في بورسعيد جايب أوبل إسترا 2009 gtc اللى ليها زجاج امامي بانوراما ,,,,,وموضبها جامد اوى ,,,,العربيه بيضرب بيها المثل في بورسعيد ,,,رغم إني لسه قايلك انها بلد كلها هوندا