بقع بيضة في زجاج فكترا 2008

**the_big_man** · 16-08-2009 12:01 AM

السلام عليكم ورحمة الله وبركاته

عندي سؤال لللأحوة اللي معاهم فكترا 2008 يمكن يكون ظهر عندهم حاجة زي كده...
انا معايا فكترا 2008 شاريها شهر 4 اللي فات عامل بيها 12000 كيلو ،، شفت في الزجاج الأمامي والخلفي زي بقع بيضة كده خصوصا في الأجزاء المفيمة اللي على الحواف ،، باينه بشده ،، وهي للعلم مش بتبان من جوه العربية ،، وفي بعض النقط على الزجاج الجانبي ،، بس مش زي الأمامي والخلفي .
انا متهيألي كانتش كده لما اشترتها لأني مش معقول مأخدتش بالي ده كله ،، المهم انا رحت على منصور اللي في رابعة بصيت على عربية زيها هناك لونها بنفسجي الغامق ،، علشان اتأكده ان كانت فيها ولا ظهرت فجأه لقيت فعلا في نفس البقع على الزجاج الخلفي بس بقع صغيرة منطرة .
ياريت لو حد يعرف ده ايه ومن ايه يقولنا ،، ولو حد راح بالمشكله دي التوكيل ياريت يقولنا ايه اللي حصل معاهز
آسف على الأطاله ،، ومستني ردكم الكريم

مع الشكر

**tananybasha** · 16-08-2009 11:30 PM

غريبه قوى المفروض ان البقع دى عبارة عن تعرض ماده الحماية للضرر بس مش بالسرعة دى

**tananybasha** · 17-08-2009 11:23 PM

دى المادة البلاستيكية اللى بين طبقتين الزجاج المسئولة عن حاجتين
1. تشتيت الأشعة فوق البنفسيجية و عدم حبسها داخل السيارة
2. فى حالة لا قدر الله وجود كسر بالزجاج يبقى متماسك او ينزل مفتت تماماً مفيهوش حتت كبيره
و ده اللى اعرفه عنها

**the_big_man** · 19-08-2009 05:40 PM

السلام عليكم

الحمد لله رحت التوكيل النهاردة وقابلت مهندس المصنع وبص على العربية ،، قالي ده من الجارد اللي بيبقى محطوط على الزجاج والعربية جاية من بره ،، لما بيتشال بيفضل اثرة من اللصق ،، ف مع المية والغسيل والشمس بيعمل الببقع دي ،، وقالي شوية كومباود تبقى زي الفل ،، وقام مدخلها عند الناس اللي بتغسل وخلى واحد منهم عملها بالكومباوند والحمد لله الزجاج بقى زي الفل ..

وطبعا محدش اخد مني اي فلوس
ربنا يخلي عم منصور