ايه الفرق بين ملي الكاوتش نيتروجين او ههواء عادي ؟

[Islam_galal]

أحب أضيف على كلام الاخوه الاعزاء ان المشكله الحقيقية فى نفخ الهواء العادى هو ذرات بخار الماء حيث ان نسبة تمددها بارتفاع درجة الحرارة عالى عن بقية الغازات اللى فى الهواء و دى اللى بتسبب ان بعد مشوار طويل و العجله تسخن من احتكاكها بالاسفلت يزيد ضغطها بنسبه عاليه.
أنا جربت النيتروجين لمده فترة طويله سابقة الى ان زهقت من اعادة ملاه كل فترة (حوالى شهرين) لانى كنت بلاحظ ان العجلة بتزيد عادى كانى ماليها هواء بعد هذه الفترة . صحيح ان العربيه بتكون مرتاحة أكثر فى المطبات الصغيرة او الارض الى الاسفلت بتاعها مش ناعم بس مشوار ارابكم زهقنى.

نفس الكلام حصل معايا
سبوبة و بصراحة حتي كون العجلة مملوءة بالنيتروجين أو الهواء بتبقي محل شك ؟؟؟

[l0new0lf]

أحب أضيف على كلام الاخوه الاعزاء ان المشكله الحقيقية فى نفخ الهواء العادى هو ذرات بخار الماء حيث ان نسبة تمددها بارتفاع درجة الحرارة عالى عن بقية الغازات اللى فى الهواء و دى اللى بتسبب ان بعد مشوار طويل و العجله تسخن من احتكاكها بالاسفلت يزيد ضغطها بنسبه عاليه.
أنا جربت النيتروجين لمده فترة طويله سابقة الى ان زهقت من اعادة ملاه كل فترة (حوالى شهرين) لانى كنت بلاحظ ان العجلة بتزيد عادى كانى ماليها هواء بعد هذه الفترة . صحيح ان العربيه بتكون مرتاحة أكثر فى المطبات الصغيرة او الارض الى الاسفلت بتاعها مش ناعم بس مشوار ارابكم زهقنى.

بالنسبه لموضوع ذرات المياه,بخار المياه بيتكثف اساسا فى التنك بتاع الكومبريسور و مبتدخلش الكاوتش خالص, و لو اخدت بالك هتلاقى بتاع الكاوتش بيعمل drain للتنك كل فتره من محبس تحت التنك.

بالنسبه ان ضغط النيتروجين لا يتاثر بتغير درجة الحراره الكلام ده برده مش مضبوط
اى كميه ثابته من الغاز حجمها ثابت, ضغطها لازم يزيد بارتفاع درجة الحراره, دي اساسيات الفيزياء PV=ZnRT

[Moh]

حتبقى مشكلة لو مشيت بعجلة هواء والباقي نيتروجين ، توازن العربيه هيتأثر بكل تأكيد جراء عدم توازن الضغط على العجلات .

تأكد ان الإستبن نيتروجين هو الآخر قبل أي سفر طويل .

[mondy2010]

ع فكرة فعليا موضوع النيتروجين دة مش عملي

[waleedrahmy]

النتيتروجين عملي وبيستخد م في سيارات السباق وده نتيجة أبحاث وتجارب لسنين طويلة يعني مش أي كلام وعلميا في موضوع هنا في المنتدي بيشرح غاز النتيتروجين عملياأظن الا ستاذ / سبعاوي كان عمله

[medomada]

أنا بقالى حوالى 8 أشهر باستعمل النيتروجين. بتحس إن العربيه هاديه فى المطبات و كمان مش بتحتاج تزود إلا على فترات بعيده , جالى وقت كان عندى فرده قدام شمال إتخرمت و ماليتها هوا مش نيتروجين علشان المشوار , المهم قعدت فتره شاكك إن العربيه مش مضبوطه و بتحدف منى و كمان صوتها فى المطبات عالى , أنا ما كنش حاطت موضوع النيتروجين فى بالى لكن من حوالى إسبوعين كده كنت بادور الكامتش و العجله اللى فبها الهوا أصبحت هى الإستبن و بكده أصبح الأربع فرد نيتروجين , عايز أقول أنى حسيت بالفرق مجرد ما ابتديت أتحرك باعربيه و فعلا ما كانش ممكن أتوقع الفارق ده من مجرد فرده هوا واحده , عموما أنا أنصح بتجربته على الأقل للخبره و المعرفه.

[onsi]

واضح جدا ان مفيش حد عارف فوايدة اوعيوبة وكلة بيعتمد على الكلام اللى سمعة سواء من الصنايعى اللى بيزود النتروجين نفسة او من الاصحاب
وعلى فكرة انا زودت نيروجين برضة من يومين فقط ودة عشان حبيت اجرب طالما لا يوجد ضرر منة والنتيجة ان لا يوجد فرق كبير سوا نعومة احسن شوية عل الطريق وعربيتى لانسر 2008

[Nour_Peugeot]

نا خلاص دماغي هتق

حتي الان اعمله ولا بلاش و لا اعمله و اجرب و افول راي ؟

[l0new0lf]

انا كنت كتبت كثير فى موضوع النيتروجين ده اكتر من مره
و بحكم ان شغلى و اكل عيشى هو الغازات, و انى تقريبا اكتر واحد فى المنتدى ده بيستعمل نيتروجين, فمتهيالى رايى هيكون اقرب للصواب
معظم فوائد النيتروجين الى الناس بتغنى و تقول فيها اشعار مش مضبوطه
1- وجوده فى اطارات سيارات الركوب ملهوش فايد ملحوظه (موضوع درجة الحراره ده بيبان تاثيره في سيارات السباق علشان السرعات بتكون عاليه جدا و مدة السواقه بتكون طويله, انما فى سيارات الركاب تاثيره مايبانش
2- موضوع الانفجار و الحرائق ده ابتدعوه شركات التامين لما كان فى طياره فى مطار المكسيك بتهبط و اطار انفجر و حصلت حريقه, هم قالوا ان الى ساعد على الاشتعال بعد الافجار هو وجود الاكسجين الى فى الهواء الى فى اطارات الطياره(طب ماهو نفس الهواء الى حوالين الطارات من الخارج برضه فيه نفس نسبة الكسجين الى بتساعد على الاشتعال)

من الاخر
استعمال النيتروجين مش هيديك الكلام و الفوايد الى بيتقال عليها, لاكن استعماله ميضرش
امشى مع الموضه و خليك فى النيتروجين
بس لو استعملت نيتروجين لازم برضه تكشف على ضغط الاطارات بصفه دوريه و ماتقلش اصله بيعد اكتر من الهواء العادى او ان ضغطه مابيتاثرش بدرجة الحراره, لأ بيتاثر و بيزيد مع ازدياد درجة الحراره

[Nour_Peugeot]

كرا شكرا جزيلا يا باشا و حلوه حكاية الموضه دي