طلب لاصحاب الخبره في استخدام السيارات الاتوماتيك

[Islam Amer]

السلام عليكم علي اجمل منتدي الخاص بالسيارات الحقيقه ليه طلب صغير
انا ان شاء الله ناوي اشتري عربيه لانسر بومه 2009 اتوماتيك واول مره اركب فيها الاتوماتيك فحابب ياريت حد يعلمني كيفيه استعمال الامثل والغير مؤثر علي المدي البعيد علي الفتيس الخاص بالاتوماتيك
وياريت حد يشرحلي الحروف المكتوب عليها في الذراع الخاص بالاتوماتيك بالتفصيل
وشكرااا جدااااا

وجزاكم الله خيرااااا

[mohamed_88sk]

ألف ألف مليون مبروك لحضرتك
ويارب تبقى وش السعد عليك بإذن الله

بص حضرتك
الجير فيه
P = parking
دي لما العربيه تقف خالص
R=revirse
عشان تخلي العربيه تمشي لورا مارش دير
N=natural
زي المور في المانيوال لو أنت في أشارة أو أرض مستويه وواقف
D=drive
ده بتجيب عليه عشان العربيه تطلع لقدام
2
1 أو L= low gear
وبعض سيارات بيكون فيها
3 كمان
دول بقى زي ال 1و 2 و 3
بيخلوك تختار النقلات الأقل عن السرعه النهائيه
يعني مثلا 2 يخلي أأعلى نقله هي ال2
وال1 يخلي أعلى نقله 1 تجيب عليهم لما مثلا تطلع مطلعايه جامده وعايز عزم تقوم جايب عليهم
بس في الغالب محدش بيستخدمهم وكل تعاملاك بال D وبتتحكم بالبنزين والفرامل


ده توصيف للحروف
أما بالنسبه للقياده بيها


حضرتك في الأوتو طبعا مافيش دواسة الدبرياج عشان كده بنستخدم
دواستين بس فرامل وبنزين


دلوقتي حضرتك عال P
وعايز تطلع قدام تعمل ايه ؟؟
تدوس على الفرامل وتحرك الجير لل D وترفع رجلك من الفرامل تلاقي العربيه تتحكر لوحدها
نفس الكلام لما تجيب الR
السبب اننا بنحط رجلنا عالفرامل عشان العربيه اول ما بتجيب النقله الD او الR بتتحرك لوحدها فعشان متعملش منك رأيكشن أنها تمشي لوحدها وعشان تحافظ عالتروس بتدوس فرامل


بالنبسه للN
نفترض حضرتك داخل على اشارة وهي بتطول او بتنزل حد معاك وانت على أرض مستويه تعمل ايه حتحرك الجير وانت ماشي من غير فرامل للN حتلاقي صوت الموتور هدى معاك أو ممكن بعد ماتقف خالص بأستخدام الفرامل تجيب الN
ده بيخلي العربيه تهدى ويقلل استهلاك وقود
ممكن برضو تجيب الP بس انا بتكلم ان انت مش حتقف كتير او تركن العربيه وكمان على ارض مستويه عشان الN العربيه ممكن تزقها وهي عليه فاكيد ممكن تتحرك لو مش أرض مستويه

ال p
تجيبه لما تبقى عاوز تركن خلاص يعني بمثابة الهاند بريك ومور مع بعض



أي أستفسار تاني؟؟؟
تحت أمرك أي وقت
وبروض لو في أي حاجه نسيتها اكيد الأعضاء مش حيسيبونا ..

[Islam Amer]

جزاك الله خيرااااا

[mohamed_88sk]

اللهم أمين ولك بمثل إن شاء الله

ربنا يبارك في عمرك بإذن الله
وفي سيارتك بإذن الله

[MoToRiZeR]

ألف ألف مليون مبروك لحضرتك
ويارب تبقى وش السعد عليك بإذن الله

بص حضرتك
الجير فيه
P = parking
دي لما العربيه تقف خالص
R=revirse
عشان تخلي العربيه تمشي لورا مارش دير
N=natural
زي المور في المانيوال لو أنت في أشارة أو أرض مستويه وواقف
D=drive
ده بتجيب عليه عشان العربيه تطلع لقدام
2
1 أو L= low gear
وبعض سيارات بيكون فيها
3 كمان
دول بقى زي ال 1و 2 و 3
بيخلوك تختار النقلات الأقل عن السرعه النهائيه
يعني مثلا 2 يخلي أأعلى نقله هي ال2
وال1 يخلي أعلى نقله 1 تجيب عليهم لما مثلا تطلع مطلعايه جامده وعايز عزم تقوم جايب عليهم
بس في الغالب محدش بيستخدمهم وكل تعاملاك بال D وبتتحكم بالبنزين والفرامل


ده توصيف للحروف
أما بالنسبه للقياده بيها


حضرتك في الأوتو طبعا مافيش دواسة الدبرياج عشان كده بنستخدم
دواستين بس فرامل وبنزين


دلوقتي حضرتك عال P
وعايز تطلع قدام تعمل ايه ؟؟
تدوس على الفرامل وتحرك الجير لل D وترفع رجلك من الفرامل تلاقي العربيه تتحكر لوحدها
نفس الكلام لما تجيب الR
السبب اننا بنحط رجلنا عالفرامل عشان العربيه اول ما بتجيب النقله الD او الR بتتحرك لوحدها فعشان متعملش منك رأيكشن أنها تمشي لوحدها وعشان تحافظ عالتروس بتدوس فرامل


بالنبسه للN
نفترض حضرتك داخل على اشارة وهي بتطول او بتنزل حد معاك وانت على أرض مستويه تعمل ايه حتحرك الجير وانت ماشي من غير فرامل للN حتلاقي صوت الموتور هدى معاك أو ممكن بعد ماتقف خالص بأستخدام الفرامل تجيب الN
ده بيخلي العربيه تهدى ويقلل استهلاك وقود
ممكن برضو تجيب الP بس انا بتكلم ان انت مش حتقف كتير او تركن العربيه وكمان على ارض مستويه عشان الN العربيه ممكن تزقها وهي عليه فاكيد ممكن تتحرك لو مش أرض مستويه

ال p
تجيبه لما تبقى عاوز تركن خلاص يعني بمثابة الهاند بريك ومور مع بعض



أي أستفسار تاني؟؟؟
تحت أمرك أي وقت
وبروض لو في أي حاجه نسيتها اكيد الأعضاء مش حيسيبونا ..

شرح وافي الحقيقة يخلي أي حد ينزل يسوق اوتو و هو مطمن

[mohamed_88sk]

شرح وافي الحقيقة يخلي أي حد ينزل يسوق اوتو و هو مطمن

ربنا يخليك يا موترايزر
بجد أخجلتني بزوقك ألف شكر ليك

[hazem66]

الف مبروك على العربية
وربنا يديك خيرها ويكفيك شرها

[hoba]

bas 3ala fekra 3'alat el rakna 3ala el p 3alashan law el car etza2et 7ateksar el teros

[MoToRiZeR]

bas 3ala fekra 3'alat el rakna 3ala el p 3alashan law el car etza2et 7ateksar el teros

العربية لو علي P مش هتتزق أصلاَ إلا بقي لو حد جاب ناس و شالوها شيل أو ونش شالها من ورا مثلاَ دي تبقي مشكلة .. و لكن المشكلة فعلاَ إن فيه عربيات كتير المفتاح ميطلعش من الكونتاكت إلا لو جايب الفتيس علي P .

[mohamed_88sk]

bas 3ala fekra 3'alat el rakna 3ala el p 3alashan law el car etza2et 7ateksar el teros

الأوتو صعبه في زقها من غير مفتاح السويتش يكون موجود ,,
ومبتتزقش من غيره ,, لازم تترفع بكرين وتتجر
وكمان في عربيات عشان تشيل السويتش من الكونتاكت لازم تبقى عال p
وفي كمان عربيات الهاند بريك مش بيحوق معاها وممكن تتزق ولو هو مرفوع حتى .. فعشان كده بيتجاب الp
على فكرة عربيتنا من العربيات الحاله الأخيره !!! حتجنني :d:d