تقدر تمشى من غير كلاكس ؟

**angel_man100** · 20-01-2009 04:50 PM

تعمل أية لو مشيت من غير كلاكس وأية الموقف اللى ممكن يحصلك ؟

أنا مرة مشيت من غير كلاكس وكنت فى شارع منطقة شعبية وكان الكلاكس بايظ وكان الشارع زحمة جدا بقيت أطلع من الشباك وأقول وسع ياعم أنت وهو أوعى العجل وكان يوم مايعلم بيه ألا ربنا وفضلت كتير عقبال ماطلعت من الشارع ده .

**merosss** · 20-01-2009 05:01 PM

فى واحد قريبى مكان معاة 131 والكلاكس بايظ كان يعد يكبس بنزين عشان صوت العربية يعلى والناس توسع

**abo_hosni** · 20-01-2009 05:17 PM

تقريباً مش باستعمل الكلاكس حتى لو في زحمة. نادراً يعني

لكن لو عطلان بامشي و أنا مش مرتاح نفسياً لحد ما ما يتصلح. بحس أن في حاجة ناقصة و مش مضبوطة

**skyline** · 20-01-2009 05:22 PM

بقضيها كبس بنزين ونور وتكحيت بالكوتش (امريكانى)

واهى بتمشى

**alemam2005** · 20-01-2009 05:41 PM

عدم وجود الكلاكس حاجه صعبه جدا خصوضا اننا في مصر ام الدنيا

**mrghost** · 20-01-2009 05:42 PM

مش بستعمله الا فين وفين
ممكن اقعد باليومين والتلاته مستعملوش لانى مبحبش صوت الكلاكس وبراعى الناس اللى ماشيه على الارض

**thegoodhacker** · 20-01-2009 05:43 PM

هي المشكلة ياجماعة اننا في مصر و الشارع لازم حتلاقي فيه عقبات في طريقك
علشان كده لازم حتضرب كلكس طول ما انت ماشي علشان علي الاقل المشاة اللي مرة واحدة بتلاقيهم نزلوا من علي الرصيف مرة واحدة من غير ما بيبصوا اساسا علي الشارع..... وممكن تلاقي واحد من المشاة ماشي في وسط الشارع ومنفض للعربيات اساسا فلازم تديله كلاكس علشان تاخد اذن سعادته انه يوسعلك طريقك علشان تعدي........
لو الكلاكس بقي كان قاطع يبقي لازم تمشي علي مهلك كده في نص الشارع ( ليه ؟ لان ببساطة اليمين حتلاقي المشاة واخدين جزء منه و كذلك الوقوف المفاجيء لاي عربية اجرة و اما الشمال فده لازم تمشي فيه بسرعة و بكده انت معرض انك تتحط في موقف طاريء يحتاج لاستخدام الفرامل مع الضغط بالكلاكس للتنبيه ) ....

**kemo0o** · 20-01-2009 06:49 PM

مستحيييييييييييل
طيب ممكن بالليل ماش عشان هقلب نور انما الصبح لا
انا في مرة ماشي في شارع وبتاع موتسيكل مقابلني وباصص ورا لولا الكلاكس كان زمانه ..... وانا عربيتي كانت " بعد الشر "

**angel_man100** · 20-01-2009 07:58 PM

ياجماعة الكلاكس ده حاجة مهمة جدا فى العربية وفى مصر قبل العربية مش كده ولا أيه

**WalidAdel** · 21-01-2009 12:35 AM

اكيييييييييييييييد طبعا
والله العظيم انا انهارده استعملت الكلاكس علشان قطه معديه من قدام العربيه و باصه الناحيه التانيه و استعملت الكلاكس علشان تاخد بالها اني جاي و مادوسش عليها كنت ماشي براحه طبعا
شوفت من فتره كده موقف مضحك اوي سواق تاكسي 128 حاطط علي الهوايه بتاعة الباب بتاعه الزماره المنفاخ دي اللي هيا بتاعة العجله بتبقي عباره عن بوق صغير كده و في اخره كوره كاوتش بتضغط عليها الهوا يطلع من البوق
كان شكلها جامد