ايه الفرق بين الإيزيترونك والتيبترونك ؟؟

[فادى]

الف شكر يا استاذ فادي علي الافادة

دلوقتي وقت الاسئلة

ايه عيوب ومشاكل كل نظام ؟
ايه الفرق بين الاتنين لما تحط الفتيس علي الوضع الاوتوماتيك ؟ في فرق في الاداء ؟؟

وبعدين لسه قاري في موقع اوروبي انه لما التيبترونيك طلع وبعديه الايزيترونك بقه عند الشركات قناعة ان الفتيس الاوتوماتيك قد مات
فهل ده صحيح ؟ الشركات مش حتعمل اوتوماتيك عادي تاني في المستقبل ؟؟

كما قال الأستاذ فينوس-دوم, السيكونشال أكثر سرعة من التيبترونيك, لأنه يعتمد على بنية الفتيس اليدوى العادى, و نقل الحركة بواسطة الاسطوانة الاحتكاكية, و هى الأكثر كفاءة, كما أنه اسرع فى تنفيذ النقلات, و أكثر مرونة,
فى حالة الاوتوماتيك, المفترض أن علبة التروس من هذا النوع (تيبرترونيك أو سيكونشال) تتأقلم مع طريقة قيادتك, و تستنبط مزاجك الحالى, قيادة سريعة, قيادة هادئة, قيادة متوسطة, و من ثم تتصرف على اساسها, و يكون ذلك غالبا عن طريق تحليل مستوى الضغط على دواسة الوقود,
فى علبة تويوتا, كانت أغبى ما يمكن, و كانت تغير النقلات بمزاجها تماما و لم استطع أن أستنبط لماذا تم تغيير النقلة فى هذا التوقيت بالضبط!
فى المقابل فان علبة المرسيدس التيبرترونيك, و التى اتيحت لى تجربتها لفترة قصيرة, كانت تتصرف و كأنها تقرأ أفكارى بالضبط.

أعتقد أن الأوتوماتيك قد مات اكلينيكيا, لكن امامه بعض الوقت, لأن السيكونشال مازال فى المراحل الأولى من تطويره, كما أنه مرتفع الثمن, و فى بعض السيارات مثل تويوتا, يشوب أداءه بعض المشاكل, لذا فلا عجب أن شركات من عينة تويوتا سوف تحافظ على الأوتوماتيك التقليدى لبعض الوقت, قبل أن تستطيع انتاج سيكونشال منافس للشركات الايطالية و الألمانية.

[M.Mokhtar]

كلام جميل جدا يا رجاله

بس عايزين نبسط المعلومه للناس اللى ملهاش فى الميكانيكا

الفتيس الاستبترونك - تبترونك : فتيس اوتوماتك عادى خالص بس بيديك امكانيه تغير النقله فى الوقت اللى انت عايزه بس برده ليه حدود عشان ماتبوظش الفتيس
يعنى لو لقاك بتنقل على نقلة غلط مش هيسمحلك ولو لقاك بتقرص على النقله اوى وبقى فى خطوره هينقل لوحده


الفتيس الايزيترونك او ال MMT : فتيس مانيويال عادى جدا بس الدبرياج بتاعه كهربا
الكمبيوتر هو اللى بيدوس عليه وقت الحاجة عشان ينقل للنقله المطلوبه
وفى تشغيله بالنسبة للسواق يعنى نفس ال استبترونك بيديك التحكم لو عايز تنقل اى نقله فى اى وقت وبرده ليه حدود والا هو بيتدخل عشان يظبط الدنيا

ايه الفرق بينهم بقى؟؟؟؟؟؟

معروف ان الفتيس الاوتوماتك بيضيع جزء من الطاقه اللى بيطلعها الموتور فى ال torque converteer
وبيبقى عزمه ضعيف
لكن المانيوال نسبة الفقد فى الطاقه بتبقى اقل وعزم اقوى بس بتحس بالنقلات الى حد ما

الجديد بقى عن الاتنين دول الفتيس DSG بتاع فولكس فاجن
direct shift gearbox

ده بقى عباره عن ايه؟

احنا قولنا عيوب الفتيس الايزترونك وال MMT انك بتحس بالنقله
وطبعا كل شركه ليها السوفت وير بتاعها اللى بيقلل الاحساس ده وبيخلى استجابة الفتيس احسن واسرع (عشان كده فى ناس بتشتكى من ال MMT بتاع تويوتا وناس مش بتشتكى من الايزيترونك بتاع اوبل مع ان الاتنين نفس الفكره)

فولكس عملت نفس الفتيس ده بس اتنين فى بعض
يعنى ايه الكلام ده؟
يعنى الفتيس نفسه جواه ترسين
ترس انت ماشى عليه والترس التانى بيحضر للنقله اللى بعد كده
يعنى لو انت ماشى على الاول الترس التانى بيبقى مظبط نفسه على التانى
وفى الحظة المطلوبه الكمبيوتر بيدى امر للفتيس انه يشتغل على الترس التانى ويجهز الترس الاولانى على النقله اللى هتبقى مطلوبه بعد كده

وبكده النقله بقت بتاخد وقت قليل جدا جدا لو النقله فعلا طلعت هى المتوقعه بتوصل ل 8 ميللى ثاينة
يعنى ابقى قابلى لو حسيت بالنقلة
وغير كده تسارع مالوش حل

يارب اكون شرحت بطريقه واضحه
واللنك ده بيشرح الفتيس ال DSG
http://en.wikipedia.org/wiki/Direct-Shift_Gearbox

[abou_ruqi]

الف شكر يا باشمهندس محمد
انا من خلال اللي قاريته هنا واللي قريته في بعض المواقع الأجنبية
حاسس انه في المجمل الإزيترونيك أفضل من التيبترونيك ومتقدم تقنياً أكثر , صح وألا أنا حكمت غلط ؟

[topgear]

شكرا ياجماعه على الشرح الرائع

[mahmoudzaied]

الف شكر يا جماعة على الشرح
انا سقت اوتو قليل جدا
بس المانيول سحبو ملهوش حل
اعتقد ان احسن فتيس اوتو نزل Cvt بتاع اللانسر البوما
وبعديه الايزى ترونيك

[KHALED AYMAN]

الف شكر يا باشمهندس محمد
انا من خلال اللي قاريته هنا واللي قريته في بعض المواقع الأجنبية
حاسس انه في المجمل الإزيترونيك أفضل من التيبترونيك ومتقدم تقنياً أكثر , صح وألا أنا حكمت غلط ؟

هو فعلا متطور عن التيبترونيك شويه لانه اداك اداء و سحب و عزم المانوال و كل مميزاته بس فى نفس الوقت بسهوله الاوتوماتيك العادى او التيبترونيك لانك مش بتدوس دبرياج .
و على فكره المفروض ان ال MMT يبقى زيه لانها نفس الفكره بس للاسف ظهرت بعض العيوب فى ال MMT خلت الناس تتضايق منه و من الصعب عليها فهمه لانك مش بتبقى عارف العربيه نقلت بناءا على ايه ؟؟

[abou_ruqi]

هو فعلا متطور عن التيبترونيك شويه لانه اداك اداء و سحب و عزم المانوال و كل مميزاته بس فى نفس الوقت بسهوله الاوتوماتيك العادى او التيبترونيك لانك مش بتدوس دبرياج .
و على فكره المفروض ان ال MMT يبقى زيه لانها نفس الفكره بس للاسف ظهرت بعض العيوب فى ال MMT خلت الناس تتضايق منه و من الصعب عليها فهمه لانك مش بتبقى عارف العربيه نقلت بناءا على ايه ؟؟

طيب وهي ليه تويوتا افتكست وقلدت الـSMG ومشترتهوش من اللي اخترعوه (الطليان) ؟؟

اللي قريته ان الايزيترونك ده اختراع ، يعني محمي بحقوق الملكية الفكرية والعربية اللي بتحط ايزي ترونك بتكون واخده تصريح من فيات ، واعتقد ان نفس الموضوع بالنسبة للتيبترونك كاختراع الماني

[abou_ruqi]

سؤال يا شباب

هو ليه الايزيترونك مافيهوش P او N ؟؟؟؟

يعني اللي عاوز يعشق يعمل ايه ؟
واللي عاوز يقطر العربية حيمورها ازي ؟؟؟

[M.Mokhtar]

الف شكر يا جماعة على الشرح
انا سقت اوتو قليل جدا
بس المانيول سحبو ملهوش حل
اعتقد ان احسن فتيس اوتو نزل Cvt بتاع اللانسر البوما
وبعديه الايزى ترونيك

الاقوى حتى الان DSG
و BMW نزلت فتيس جديد بس لسه ما فهمتش حكايته
لما افهم هبقى احاول اشرحهولكوا

سؤال يا شباب

هو ليه الايزيترونك مافيهوش P او N ؟؟؟؟

يعني اللي عاوز يعشق يعمل ايه ؟
واللي عاوز يقطر العربية حيمورها ازي ؟؟؟

الايزى ترونك وال MMT مش فيه P عشان ده مش اوتوماتك ده مانيوال
والمانيوال مافهوش P
لكن فيه N عادى
دى صوره الايزيترونك بتاع اوبل

[bmw323]

السلام عليكم اولا واحب اضيف يا جماعة أن فى نوع فتيس مش منتشر أسمةALL shift ودا نازل فى المتسوبيشى كولت