دعوه للخير يلا نبدأ

[Ashraf_Ashraf]

اعتقد كلنا تعبنا من تصرفتنا تجاه بعضنا وخصوصا فيما يخص الناحيه المروريه بس امبارح حصل شئ وان كان بسيط بس
حقيقى خلانى افكر فيه بشده
حصل انى كنت داخل شارع فلاقيت عربيه جايه فى الاتجاه المقابل فقلت انتظر بدل مانقفل على بعض المهم وقفت
لقيت صاحب العربيه وقف جنبى وشكرنى انى انتظرته وعلى فكره شاب صغير مش راجل كبير
حقيقى سعاده كبيره غمرتنى مش لانه شكرنى لا لان لسه فى ناس عندها اخلاق بتاعت زمان وان السن مالوش علاقه بالاخلاق ولا الذوق والادب
فقلت ليه احنا كاعضاء المنتدى الرائع ده منكونش قدوه ونواه ونبدا حمله الشكر والابتسام لكل واحد عمل لينا
معروف فى الطريق( انتظر لما تعدى - وسع ليك سكه - طفى ليك النور علشان تشوف بدل مايعميك وغيره وغيره ..)
اكيد فى ناس مش حتى هتاخد بالها انك شكرتها ولا حتى ممكن تشكرك على شئ انت عملته بس خلينا نبدا حتى من باب تبسمك فى وجه اخيك صدقه
اتمنى تلاقى دعوتى عندكم القبول ونبدا كلنا الحمله والفكره دى
وتحياتى للجميع :k10::k10:

[abzoabzo]

مش كل الناس وحشة ومش كل الناس ملائكة

[agwaa]

السلام عليكم

مشكور على المبادرة وإن كان هذا هو اسلوبي مع الغير دائماً ولا أنتظر الشكر منهم لأن هناك طائفة تستقبل المعروف وكأنه حق مكتسب لكن دائماً انتظر رد الفعل من المولى عز وجل

عموماً يسعدني أن أكون أول من يمد يده بالمشاركة في مبادرة سيادتك

م/ أحمد يوسف

[Samah AbdAllah]

فعلا لسة فى ناس محترمة وعلى خلق ويلا كلنا نبقا قدوة

هو فرد من مجتمع
نريد المجتمع كله مثل اخلاقه ............اظن انى باحلم

[شاهين - بنز]

وعلى فكره شاب صغير مش راجل كبير

أصلا الشباب الصغيير محترم أكتر من الكبار بكتيير معظم الكبار عصبيين ويفتقروا للمجاملات !!!