عاوز اشترى تمبرا ساعدونى لو سمحتم

**galilio_mad** · 12-10-2009 01:00 PM

المشاركة الأصلية كتبت بواسطة amrbakly

العربية فعلا فيها مشاكل كتيرعلي كل المستويات من اول العفشة و الميكانيكا لحد الكهربا

مين اللى قال كده , العربيات دى هلكانة استعمال , تلاقيها عاملة 180-200000 كم
و صاحبها ما بيصرفش عليها مليم الا للضرورة القصوى

ليا واحد صاحبى معاه لانسر 98 و عاملة 190000كم و كل حاجة فيها بايظة
التانى معاه هيونداى كوبيه 2004 ماشية 102000كم و العفشة و علبة الدركسيون ضايعين
التالت معاه جين 2 و غير مساعدين بعد 24000كم

و الثلاثة العربيات معاهم من الزيرو , هل معنى كده ان كل اللانسر و الكوبيه و ال جين2 وحشين و كلهم مشاكل

لو حد يحب يتفرج على تمبرا بجد يقوللى و انا جاهز ( للمقارنة بس مش للبيع )

**semsem_uno** · 12-10-2009 01:28 PM

بصراحة انا مع جاليليو معلش :)

**ZALABANY** · 12-10-2009 02:12 PM

المشاركة الأصلية كتبت بواسطة amrbakly

يا جاليليو انت بنفسك قولت

يعني يا راجل لما تبقي الأونو بتوصل لـ 30 الف لو حالتها حلوة و رغم انها في زمانها كان تمنها 30 الف و شوية زيرو

التمبرا سنة 98 مثلا كانت بتعدي الخمسين و داخلة في الستين الف و النهاردة في اقصي حالاتها بتوصل 36 الف

هل دة مش دليل انها عربية مش ناجحة؟ العربية فعلا فيها مشاكل كتيرعلي كل المستويات من اول العفشة و الميكانيكا لحد الكهربا

يعني العربية دية بنت عم الديدرا بس اذاي الديدرا ماسكة نفسة و دية فيصت كدة معرفش

لا أنا أختلف معاك تماما
التمبرا من أجمل وأقوى ما أنتجت فيات وكل المشاكل اللي بتتكلم عليها مشاكل ممكن تظهر في اي عربيه بس المشكله في فهلوة الصنايعية في مصر اللي بيخترعوا حاجات مش في العربيه عشان يحلوا مشكلة لكن لو حلو المشكله بالقطع الأصليه ورجعوها زي ما كانت الدنيا بتمشي زي الفل
انا مش شايف اي حد من ملاك التمبرا اشتكي من مشاكل معروفه في العفشه غير ان علبة الدركسيون تمنها عالي في الباور واغلب العربيات الباور علبتها غاليه ودي موجوده استيراد بكثره ب 350 جنيه والمشكله المشهورة عن الفيات السخونه ودي برده بتبقى راجعه لخلل في دورة التبريد او الرادياتير ولو اتعملت ما بيبقاش في مشكله ياريت اللي بيقول ان فيه مشاكل يكون تحت ايده حالات يحكيلنا عنها طالما دي مشكله في التمبرا يبقى كده هايساعدنا احنا ملاك التمبرا اننا نكشف عليها ونصلحها بدري لكن للاسف احنا بنمشي ورا الكلام واحد حصله مشكله في عربيه يبقى العربيه وحشه لا طبعا يعني 2 راكبين لانوس الموبينه اتحرقت بقت اللانوس عربية وحشه وبتحرق الموبينه في الغالب العيب مش في العربيه اذا اجمعت الأراء على جودة العربية العيب غالبا ما يكون عيب استخدام او عيب قطعة غيار او انتهاء عمر قطعة غيار
وبالنسبه لموضوع السعر اللي حضرتك بتتكلم عليه دي مسألة عرض وطلب مش أكتر وعايز اقولك ان التمبرا الإيطالي 94 سنه 94 كان تمنها 85 ألف جنيه والنهارده بتتباع ب 35 الحالات الكويسه منها اللانوس 99 سنه 99 كانت ب 38 او 39 ودلوقتي بتتباع بنفس السعر يبقى ده مقياس ان اللانوس احسن من التمبرا لا ده سوق وعرض وطلب مش اكتر وده من الحاجات الغريبه في السوق المصري
التمبرا عربيه محترمه جدا

**mr_sameh** · 12-10-2009 02:38 PM

المشاركة الأصلية كتبت بواسطة zalabany2007

وبالنسبه لموضوع السعر اللي حضرتك بتتكلم عليه دي مسألة عرض وطلب مش أكتر وعايز اقولك ان التمبرا الإيطالي 94 سنه 94 كان تمنها 85 ألف جنيه والنهارده بتتباع ب 35 الحالات الكويسه منها اللانوس 99 سنه 99 كانت ب 38 او 39 ودلوقتي بتتباع بنفس السعر يبقى ده مقياس ان اللانوس احسن من التمبرا لا ده سوق وعرض وطلب مش اكتر وده من الحاجات الغريبه في السوق المصري
التمبرا عربيه محترمه جدا

انا مختلف معاك بالنسبة لمقارنة الاسعار لان العربية
لما تكون كويسة وبتثبت نفسها بتمسك سعر كويس
لان بيكون عليها طلب اما العربيات اللي فشلت
ميبقاش ليها سعر زي التمبرا والسيتروين والصيني كلة
كل دي عربيات وهيا جديدة بيكون سعرها غالي ولما تفشل
في السوق سعرها بينزل ومسئلتش حضرتك لية العربيات
دي سعر اعادة البيع بيكون ضعيف دة لان بيكون فيها
مشاكل ومن المعروف ان التمبرا بتسخن
دي حتي لو كانت زيرو وكمان الخامات بتاعتها تعبانة
دة مش رائي ده راي السوق والاثبات السعر هاتلي
عربية سعرها ضعيف الا لما يكون فيها عيوب او مش
ملائمة للبيئة بتاعتنا

**Bonanza** · 12-10-2009 03:23 PM

ومن المعروف ان التمبرا بتسخن
دي حتي لو كانت زيرو

عمرها ما سخنت معايا ... كام يعني درجة الحرارة اللي بتتكلم عليها حضرتك ؟؟

زي ما قالو الاعضاء العربية لما بيبقي صاحبها واخد بالة منها بتبقي زي الفل معاه .. زيها زي اي عربية تانية لو مرسيدس و ماهتمتش بيها هاتبقي عربية وحشة.. بس بردو مانعممش و نقول كل العربيات المرسيدس وحشة

ممكن حضرتك قابلت ناس مش مهتمة بالعربية و ماتصرفش عليها غير لما حاجة تبوظ و تجيب اخرها ... زي ما كل المصريين اللي بيجيبوا عربية مستعملة يقولولك ماتغيرش حاجة فيها غير لما تبوظ لكن طالما شغالة يبقي سيبها ..

انزل السوق و شوف في كام عربية تمبرا هاتلاقيهم يتعدوا علي الصوابع عشان اللي معاه العربية دي مش بيفرط فيها

اقولك ليه سعرها ضعيف .. عشان هي مش منتشرة كتير و الناس خايفة ماتلاقيش قطع غيارها مع انها موجوده عند بتوع فيات كلهم

انصح حضرتك انك تركب تمبرا صاحبها مهتم بيها شوية و انت هاتغير رأيك

العربية فيها المميزات دي :-
1- قطع غيارها في متناول اليد و مش غالية و في منها جديد و استيراد
2- واسعة جدا من جوا
3- شنطة واسعة جدا
4- جميع الكماليات فيها ( في منها فئات فيها Air bags + ABS + مرايات كهرباء + فتحة سقف )
5- اي ميكانيكي محترم يفهم فيها
6- امان ليك و لعائلتك و ثبات علي السرعات العالية
7- عربية ناعمة جدا

لما تاخد المميزات دي و بسعر قليل يبقي كويس ليك و لا وحش ؟؟

**ZALABANY** · 12-10-2009 03:33 PM

أتفق مع Bonanza

**wisambasha** · 12-10-2009 03:43 PM

المشاركة الأصلية كتبت بواسطة mr_sameh

انا مختلف معاك بالنسبة لمقارنة الاسعار لان العربية
لما تكون كويسة وبتثبت نفسها بتمسك سعر كويس
لان بيكون عليها طلب اما العربيات اللي فشلت
ميبقاش ليها سعر زي التمبرا والسيتروين والصيني كلة
كل دي عربيات وهيا جديدة بيكون سعرها غالي ولما تفشل
في السوق سعرها بينزل ومسئلتش حضرتك لية العربيات
دي سعر اعادة البيع بيكون ضعيف دة لان بيكون فيها
مشاكل ومن المعروف ان التمبرا بتسخن
دي حتي لو كانت زيرو وكمان الخامات بتاعتها تعبانة
دة مش رائي ده راي السوق والاثبات السعر هاتلي
عربية سعرها ضعيف الا لما يكون فيها عيوب او مش
ملائمة للبيئة بتاعتنا

كلام حضرتك مش سليم علي كل انواع العربيات لان مجرد الحكم علي العربية من وجهة نظر السوق المصري هي وجهة نظر ظالمة في الكثير من الاحيان لان للاسف السوق المصري او زي ما حضرتك ذكرت البيئة المصرية لها معايير مختلفة عن اي دولة محترمة اخري في العالم
السوق المصري في المستعمل يتحكم فيه الكثير من الجهلاء والمنتفعين من الميكانيكية و التجار لانهم بيقيموا العربيات من وجهات نظرهم (هل هايقدروا يتعاملوا مع العربية في الاصلاح ام لا وهل تكلفة اصلاحها هاتبقي غالية ولا لا)

وعلي هذا في عربيات زي ال bmw او ال megane سعرها بيقل جدا في المستعمل هل معني كده ان العربيات دي وحشة لا سمح الله مثلا ؟؟

كمان في عامل تاني بيتحكم في السوق وسعر اعادة البيع وهو ان الشعب المصري عنده افة هي اللي تعرفه احسن من اللي ما تعرفوش وعلشان كدة بتلاقي الناس كلها راكبة هيونداي و لانسر وشاهين (لكن كام واحد راكب سيريون مثلا او ماتيريا) دا حتي الموبايل لازم يمسك نوكيا

في دولة محترمة في العالم لما ينزل فيها شكل جديد لموديل ما نلاقي الشكل القديم يغلي سعره هو ده اللي حصل لما نزلت الانسر الشكل الجديد الناس كلها ابتدت تجري تشبريها مع انها شكل قديم لكن غليت

**Bonanza** · 12-10-2009 04:05 PM

المشاركة الأصلية كتبت بواسطة wisambasha

وعلي هذا في عربيات زي ال bmw او ال megane سعرها بيقل جدا في المستعمل هل معني كده ان العربيات دي وحشة لا سمح الله مثلا ؟؟

كلام سليم و اضيف علية مثلا لا حصرا الفورد .. اظن عربية لا غبار عليها و مافيش فيها اي مشاكل غير ارتفاع اسعار قطع الغيار و قلة فهم الميكانيكي لمشاكلها

سعرها في المستعمل قليل جدا

هل كده الفورد عربية فاشلة ؟؟؟ ماظنش

عموما عشان مانخرجش بره الموضوع الاساسي و الموضوع يتحول لمناظرة بين التمبراوية و حبايبها و بين اعدائها

للاخ صاحب الموضوع احنا عرضنا لحضرتك مميزات التمبرا و عيوبها اللي مالكيها شايفينها

ياريت الناس اللي معترضة علي التمبرا تقول نقاط العيوب ( بالتفصيل ) و تقول هل العيب ده يخلي العربية وحشه فعلا ولا لأ و ياريت الحيادية و الموضوعية يا رجالة .. يعني لو عيب بيحصل في اي عربية تانية مش هانحسبة علي التمبرا :b4_444:

**wisambasha** · 12-10-2009 04:45 PM

المشاركة الأصلية كتبت بواسطة Bonanza

كلام سليم و اضيف علية مثلا لا حصرا الفورد .. اظن عربية لا غبار عليها و مافيش فيها اي مشاكل غير ارتفاع اسعار قطع الغيار و قلة فهم الميكانيكي لمشاكلها

سعرها في المستعمل قليل جدا

هل كده الفورد عربية فاشلة ؟؟؟ ماظنش

عموما عشان مانخرجش بره الموضوع الاساسي و الموضوع يتحول لمناظرة بين التمبراوية و حبايبها و بين اعدائها

للاخ صاحب الموضوع احنا عرضنا لحضرتك مميزات التمبرا و عيوبها اللي مالكيها شايفينها

ياريت الناس اللي معترضة علي التمبرا تقول نقاط العيوب ( بالتفصيل ) و تقول هل العيب ده يخلي العربية وحشه فعلا ولا لأ و ياريت الحيادية و الموضوعية يا رجالة .. يعني لو عيب بيحصل في اي عربية تانية مش هانحسبة علي التمبرا :b4_444:

اهو كده الكلام الله ينورعليك

**amrbakly** · 12-10-2009 05:24 PM

يا جدعان هو لما تبقي عربية اغلب اللي موجود منها في السوق حالتة نيلة يبقي دة معناه اية؟؟؟

يعني انا ممكن افهم كلامك في البونتو مثلا، في الشكل القديم صعب شوية تلاقية حالات كويسة بسبب انها عربية شبابية و الشباب بيفركها، انما التمبرا مفروض انها مش شبابية و دة يزود نسبة انك تلاقي فيها حاجات كويسة و دة اللي مش موجود ودة سببة حاجتين يا إما العربية فعلا مش كويسة، يا إما مكانتش مناسبة للسوق المصري أصلا

علي فكرة انا عندي نفس الرأي مثلا في العربية الأوبل يعني انا مش ضد الفيات و خلاص

الموضوع: عاوز اشترى تمبرا ساعدونى لو سمحتم

LinkBack

أدوات الموضوع

عرض

-

-

-

-

-

المواضيع المتشابهه

ساعدونى عاوز اشترى بريليانس v5 و متردد

عايز اشترى عربيه عائليه ومش عارف اجيب ايه ساعدونى لو سمحتم

عاوز اشترى تمبرا ما رأيكم

مساعده لو سمحتم عاوز اشترى جين 2

الكلمات الدلالية لهذا الموضوع

المفضلات

المفضلات

ضوابط المشاركة