غسيل دورة التبريد

**mohsen** · 12-10-2009 09:46 AM

لو سمحتوا

انا اشتريت جركن مياه خضرا صناعة كندية والتعليمات المكتوبة عليه بتقول ممنوع اضافة مياه حنفية على المياه الخضرا اللى فى الجركن
والجركن سعته 4 لتر تقريبا
السؤال المهم هو هل مصنعى المياه الخضرا عاملين السعة بتاعة الجركن 4 لتر علشان عارفين ان اى رادياتير عربية لما بيفضى بعد الغسيل بيبقى فى كمية مياه محجوزة داخل البلوك وباضافة الجركن كله المياه هتبقى عند العلامة العليا فى القربة ولذلك هما كاتبين فى التعليمات ممنوع اضافة مياه علشان كده كده المياه المحجوزة فى البلوك هى الكمية اللى المصنع عارف انها هتتضاف على المياه الخضرا ولا الموضوع كله صدفة غير مقصودة ؟

ولو الكمية المحجوزة داخل البلوك دى مياه حنفية نتيجة غسيل دورة التبريد كذا مرة بمياه الحنفية قبل اضافى المياه الخضرا الجديدة فى مشكلة ؟

ولكم جزيل الشكر

**mummy_47** · 12-10-2009 10:06 AM

معتقدش ان في مشكلة..

**zaza_lanos** · 12-10-2009 10:24 AM

انا اللى اعرف ان المياه ده بيضاف اليها بعض الاحماض ويفضل اضفة مياه عادية للمقطرة

ولو مش عايز وعايز تتخلص من المياه اللى فى البلوكة ممكن تفك خرطوم الراجع للقربة وتزود مياه خضراء لغايط ما لو مياه التبريد يبقى اخضر

**MoMohsen** · 12-10-2009 12:33 PM

المياة الخضرا فيه منها نوعين:
الاول بيكون مخففه و دية زى اللى مع حضرتك و دية بتكون جاهزة على الاستعمال بدون اضافة مياة اخرى.
التانيه مركزة و دية بتكون علبة بيتم تخفيفها بنسبه مكتوبه على العلبه نفسها على سبيل المثال نسبة 4 الى 1

**samirayad** · 12-10-2009 04:21 PM

السؤال المهم هو هل مصنعى المياه الخضرا عاملين السعة بتاعة الجركن 4 لتر علشان عارفين ان اى رادياتير عربية لما بيفضى بعد الغسيل بيبقى فى كمية مياه محجوزة داخل البلوك وباضافة الجركن كله المياه هتبقى عند العلامة العليا فى القربة ولذلك هما كاتبين فى التعليمات ممنوع اضافة مياه علشان كده كده المياه المحجوزة فى البلوك هى الكمية اللى المصنع عارف انها هتتضاف على المياه الخضرا ولا الموضوع كله صدفة غير مقصودة ؟

لا هما كاتبين ممنوع أستخدام ميه من الحنفيه
علشان ده غلط
لأن الماء الأخضر المخصص لدورة التبريد اللى بيتباع (من أى شركه )
بيبقى عباره عن ماء مقطر (خالى من الأملاح ) ومادة الأيثيل جليكول بنسب معينه

**zocor742** · 13-10-2009 12:36 AM

طيب يا جماعة عايز استفسر على حاجة
هو لون المياة الخضراء بيتغير ولا بيفضل ثابت
انا حاسس ان المياة الخضراء تحولت للون المياة العادى بس الحمد لله منقصتش من ساعة مغسلت الدورة وعلى فكرة تم التخلص من المياة العادية اللى فى الدورة كلها حتى البلوك يعنى مياة الدورة كلها خضراء هل كدة الطبيعى ولا اية النظام وشكرا جدا

**Akram** · 13-10-2009 01:36 AM

لا يمكن التخلص من المياه الموجودة في البلوك بالكامل , إلا في حالة خروج الموتور بالخارج (لعمل شغل في الموتور من الداخل),
و الحل هو غسيل الموتور في أي بنزينة لديها ماكينة غسيل دورة التبريد ,
و هي ماكينة بها موتور و يتم توصيل خرطوم منها للريداتير و دفع المياه منها لغسل دورة المياه مع ضغط الموتور الخاص بها (و لا ننسى أنه يتم ذلك اثناء تشغيل السيارة) , و بعد الغسيل يتم تركيب كل الخراطيم و فصل الخرطوم الداخل للقربة من الريداتير و يتم وضع مياه الريداتير في القربة و ذلك حتى تظهر من الخرطوم الداخل للقربة ثم يتم التركيب و بذلك يتم التخلص من اكبر مياه عادية موجودة في البلوك مع غسيل دورة التبريد.

**zocor742** · 13-10-2009 01:54 AM

طيب المياة الخضرا لونة بيتحول للشفافية
زى مايكون اللون الاخضر راح
ولا كدة مش مظبوط

**mohsen** · 13-10-2009 09:37 AM

المشاركة الأصلية كتبت بواسطة samirayad

لا هما كاتبين ممنوع أستخدام ميه من الحنفيه
علشان ده غلط
لأن الماء الأخضر المخصص لدورة التبريد اللى بيتباع (من أى شركه )
بيبقى عباره عن ماء مقطر (خالى من الأملاح ) ومادة الأيثيل جليكول بنسب معينه

طب ازاى الواحد يقدر يخلى كمية المياه المحجوزة فى البلوك عبارة عن مياه مقطرة

**Sherif Khalifa** · 13-10-2009 01:18 PM

ممكن تفريغ المياة داخل البلوك تماما بضغط الهواء
هيطلع بلاوى غالبا ممكن تحتاج تغسل المتور بعدها
- المياة الخضراء الى بيتغير لونها ابعد عنها انا مجربها قبل كدة
فى نوع اسمة iada دا نظيف و رخيص
25 جم الجركن
المية الخضراء مفروض يكون ليها ملمس مزيت شوية بسيطة للمحافظة على حركة الطرمبة ودا كان ملحوظ جدا فى ال iada

الى بيتغير لونها مكانتش كدة

الموضوع: غسيل دورة التبريد

LinkBack

أدوات الموضوع

عرض

-

-

-

-

-

-

المواضيع المتشابهه

كيفيه تغير مياة التبريد وعمل غسيل للدوره للبولو وما يشابهها فى دورة التبريد

غسيل دورة التبريد ....

غسيل الرادياتير و دورة التبريد ؟

استشاره فى غسيل دورة التبريد

غسيل دورة التبريد بالجاز

الكلمات الدلالية لهذا الموضوع

المفضلات

المفضلات

ضوابط المشاركة