الزجاج الامامي اتشرخ

**ibmtop** · 12-10-2009 02:32 PM

السلام عليكم ورحمة الله وبركاتة

انا عندي مشكلة في الزجاج الامامي, ان دراع المساحة الحديد هبد علي الزجاج فعمل نقرة فية من تحت تاني يوم لقيت 4 شروخ ظهرو وكبرو وبعد يوم كمان لقيت الشروق بتكبر روح لواحد بيصلح الزجاج قالي لازم تغير الزجاج دة لاني لو صلحتو النقرة هتعمل شروخ تانية فحرام تصلحو ونصحني بجريش الي في العاشر

انا دلوقتي عايز اعرف سعر الزجاج الامامي بكام بالتركيب؟؟ وهل بيبقي زي الاصلي بالظبط ولا لا؟؟
وهل في خوف من الشروخ الي عمالة تكبر كل يوم دي؟؟ يعني ممكن وانا ماشي الاقي الزجاج واقع عليا؟؟

وشكرا

**MMamdouh** · 12-10-2009 03:04 PM

الراابريز التريبلكس ب 300 جنية بالتركيب صناعة دكتور جريش

MMamdouh

**bshndi** · 12-10-2009 03:18 PM

طبعاً مافيش كلام بعد كلام محمد بيه ممدوح هتلاقي السعر زي ما قالك أنا قولت السعر علشان أخويا كان غير من فترة في عربيته النوبيرا وقالي إن الموضوع ما عداش الـ 350 .
وتحياتي

**ibmtop** · 12-10-2009 04:39 PM

متشكر جدا جدا علي الردود

انا فعلا روحت لدكتور خالد الي في العبور وهو الي قالي انا ممكن اعالج الشروخ دي بس هيبقي حرام عليا لان النقرة هتعمل كذا شرخ تاني
وانا اقتنعت بكلامة لان بعد ما الدراع بتاع المساحة اتهبد مكنش باين اي شرخ وبعد كدة بدأت الشروخ تظهر وتكبر كمان

انا هاخد برايك يباشا

إنك تشتري دماغك وتركب واحد في العاشر عند دكتور جريش تريبليكس ومش هايعدي الـ 400 جنيه بالمصنعية وبنزين السكة وبالمرة تشوف منافذ المصانع إلي هناك أو مول عرفة وتشتري شوية هدوم للعيال :)