الموضوع: كورسا 1999

بصراحة حتى لو العربية دى مش كويسة و مفيش نصيب فيها ، أنا حقلب الدنيا على عربية أوبل بس علشان أكون واحد منكم
أنا حاسس إن عمرى ما حأغلب فى أى حاجة محتاجها لو معايا أوبل طول العصابة موجودة
فعلا متتشكر جداً

معلش يا شباب أتأخرت عليكم فى الرد بس صاحب العربية مواعيده زى الزفت !
المهم أنا شفت العربية النهاردة و دى ملاحظاتى عن العربية:
- العربية موديل 1999 فعلاً.
- فابريكة برة و جوه ما عدا خبطة عند الفانوس اليمين و ده بعد فحص دقيق منى و من الميكانيكى اللى جبته و هو راجل خبرة و ثقة.
- طبعاً علشان فابريكة بره فأكيد محتاجة تترش بشدة.
- صاحب العربية مسقط موتور 1400 أتوماتيك و غير مثبت على الرخصة و حالته مش عجبانى.
- التكييف مش شغال و محتاج شحن حسب كلام صاحب العربية.
- الرادياتير تعبان جداً.
- الشكمان مخروم و صوته وحش.
- الحالة العامة للعربية يعنى ممكن نقول سيئة ....
المهم أتكلمنا و هو طلب 33000 و أنا قولت 30000 ، فى الأول طبعاً رفض و زعل بس لما شافنى أنا كمان مصمم فبدأ يتنازل و ده أكد لى إن العربية مش أد كده.
طبعاً أنا سمعت كلام أفراد العصابة قى حالة إن الموتور متسقط و موضوع قطع الغيار و كل النصائح اللى سمعتها، على العموم أنا صرفت نظر و فهمته بالذوق انى حأفكر و هو فهم ..
أنا زعلان شوية بس الحمد لله على كل شىء و ربنا يكرم فى عربية تانية تكون كويسة.
بس برضه أنا متشكر على مساندتكم و نصائحكم القيمة و حقيقى انا مبسوط من التفاعل معاكم .
ربنا يديم عليكم المودة و الحب و يجمعكم دايماً على خير.

المشاركة الأصلية كتبت بواسطة tananybasha

1. الموتور متسقط و نادر و مش مثبت فى الرخصه فاتورته وورق الأفراج موجودين معاه و لا هتدور عليهم
2. التكييف مش شغال دى مشكله رهيبة ولازم بتاع تكييف يشوفها
3. شكمان و ردياتير و موتور تعبان و سمكره و دوكو
بعد اذنك يا باشا بلاش العربية دى و ده لوجة الله هتقرفك اخر قرف فى الدنيا دى متهانه
اتعب و دور على غيرها و لك حرية القرار و ما على الرسول الا البلاغ

السلام عليكم ورحمة الله وبركاته

فعلا طنانى باشا كلامه صح إبعد عنها وإنفد بفلوس وراحتك وبعدين 30000 برضه كتيير عليها خالص دة أنت حاتعمل كل حاجة موتور وردياتير وشكمان وأكيد عفشة.

صبراً جميلاً وإن شاء الله تلاقى حاجة أحسن.

أخوك فى الله هانى