الموضوع: اخر سرعه 160

المشاركة الأصلية كتبت بواسطة شاهين - بنز

لو فعلا الطريق خالي من السيارات ............. ماشي يا عم أجري زي ما أنت عايز
إنما يبقى الطريق مليان عربيات و تلاقي واحد عمال يجري يمين و شمال زي التعبان و عمال يأخد غرز ........... هو ده إللي مش مقبول على الاطلاق
و اعتقد إن حضرتك تتفق معي
و شكرا

مهوا مانفسوش يعمل غرز بس المشكلة يجي يمشي على الشمال في الطريق السريع ويرعش ويمزر للماشيين براحة على الشمال (وده إللي دايما يحصل معايا) محدش بيرضى يوسعله فبيتطر يعمل غرز ده أما في الطرق داخل المدينة جايز لأن في ستات بيهرجوا يكون الطريق سرعته 60 وتلاقي المدام ماشية 20 وبتطوح بالعربية يمين وشمال وتقعد تفرمل والطريق فاضي بس بشرط مينفعش يعمل كده عشان في الشوارع إلي فيها الناس إللي بتعدي الشارع يعني ممكن يعمل غرزه ويلاقي واحد في وشو وساعتها طبعا هو اللي غلطان

يعني أنا كنت عايش في السعودية كانت الحارة الشمال ل180 وفوق ولو حد ماشي 220 لازم أبو 180 يوسعلوا وطبعا من رابع المستحيلات إنك تلاقي مقطورة ماشية على الشمال -بيحترموا القانون هناك بطريقة فظيعة-

أستاذ شاهين بنز
أولا أنا لم أزور السعودية من قبل
و لكن أعتقد أن الطرق في السعودية مختلفة تماما عن الطرق في مصر
من حيث تصميم أفضل ........... عدم وجود سيارات قديمة و دي نقطة مهمة
ثالثا أنت بتتكلم على سرعات إنتحارية 180 و 220 كم / س
ما أقدرش أقول غير حرامممممممممممممممممممممم ممممممممممممم
العربية ماشية على الهوا و تقولي 180 و 220 .......... إاللي بيمشي على سرعة أعلى من 100 يبقى بيحفر قبره بأيده
طبعا لأن أحتمالات عدم الامان بتزيد مع السرعة !!!!!!!!!!!!!!!!!!!!!!!
و كما يقولون ........... العجلة ( الاستعجال ) من الشيطان
رابعا العربيات هناك غير العربيات بتاعة مصر ( عربيتهم أكبر و أثقل على الأرض )
طيب أنا عايز أقولك على حاجة ..........
أكون أنا ماشي شمال مثلا على الدائري على سرعة 90 مثلا و الطريق قدامي مليان عربيات ....... يقوم ييجي واحد من بتوع الغرز و يروح كاسر قدامي في المسافة اللي أنا سايبها علشان تبقى فاصلة بيني و بين العربية اللي قدامي و هب يبص يلاقي الطريق واقف يروح مفرمل فجأة و كنت مرة هالبس في واحد و الحمد لله لحق نفسي
و أنا بقول على الناس دي ناس قليلة الأدب و معدومة الأخلاق و الذوق
أولا سرق مسافة الأمان اللي أنا سايبها ما بيني و بين العربية اللي قدامي
ثانيا بإهمالة الجسيم بيحطك في موقف خطير لأن أنت متعرفش اللي وراك سايب مسافة و لا لاصق فيك و مش سايب أي مسافة فأي فرملة منك بتبقى حادثة لأنه هايلبس فيك على طول لو أنت فرملت لأنه مش سايب مسافة مسافة كافية للمفاجاءت
عموما مش السعودية اللي نتكلم عليها في موضوع الأمان و السواقة لأني أعرف أنهم على الطرق السريعة زي المجانين
أما مثلا سأكلمك عن أنجلترا ............. بص يا سيدي
لو واحد وازة الشيطان و ضحك عليه و أقنعه أنه يعمل غرزه
صاحبناه تاني يوم يكون في السجن ............ سحب نهائي للرخصة .............. غرامة 5000 جنيه استرليني ................ خدمة مجتمع ( يكنس الشارع مثلا )
و لذلك لو الطريق سرعته القصوى 50 ميل ( و دي أغلب الطرق هناك ) يعني 80 كم
تلاقي الكل ماشي على السرعة دي لأنه ميقدرش يسوق زي التعبان ........ هناك موضوع الأمان مفيوهش هزار .
نيجي للطرق السريعة اللي السرعة فيها بتبقى 60 ميل في الساعة ( طرق سريعة مش زي الدائري )
ساعات فين ناس بتزود عن 60 و تخش في 70 يعني أخرهم 110 كم / س و دول بيمشوا يمين علشان طبعا أنجلترا عكس مصر
و تلاقي الباقي ماشي شمال و حتى لو أنا مشاي يمين و لقيت الحارة واقفة على طول بحط رجلي على الفرامل و أقلل سرعتي بسرعة الطريق مش أسوق زي التعبان
يا راجل ده هو شعب همجي مش في السواقة بس .......... لا طوابير
هذا هو مبدأ الشعب ......... لا أحترام ............ لا طوابير ............ لا أنتظار ............ لا نظافة ..............
أسكت ده أنا مخنوق :shock: :shock: :shock: :shock: :shock: :shock: :shock: :shock: :shock: :shock: :shock: :shock:

وطبعا من رابع المستحيلات إنك تلاقي مقطورة ماشية على الشمال -بيحترموا القانون هناك بطريقة فظيعة-

هم يضحك وهم يبكي والله

انا طبعا رحت السعودية وشوفت الناس ماشيه ازاي والنقل بيبقى ماشي ازاي
طبعا احنا عندنا هنا بما اننا مختلفين عن كل بلاد العالم في الحارات بتاعتنا وطبعا انتم عارفينها
فعمرك في حياتك ما هتلاقي نقل ماشي يمين استحالة احنا بنحترم القانون جدا

انا نفسي اعرف او احد يقولي ليه ؟
ليه المرور او الرادار لا يعاقب اي نقل ماشي على الشمال
اصل هو مالوش خالص يمشي على الشمال
هيعدي مين وهو المفروض اقل سرعه في العربيات
يبقى يمشي شمال ليه
انا بستغرب والله

والحاجه الجميله في السعوديه وانت ماشي شمال وبسرعه هيا رعشة نور خفيفه بس وهتلاقي كل اللي امامك اختفى
اما احنا في مصرنا العزيزة
انت اللي تختفي وهما لأ
ازاي هزلت ترعشلي نور واسمع كلامك دي حته تبقى اسمها قلة ادب

وعمــــــــــــــــــــــ ـــــــــــــــــــــــــ ــــــــــار يــا مصـــــــــــــــــــــــ ـــــــــــــــــــــــــ ــــــــــــر