اخر سرعه 160

**محمد أنور** · 14-11-2007 11:17 PM

اه فعلا عربيتي 1600 مانيول .. هيا بتبقى راسية لغاية 160 لكن بعد كدة اي غرزة أو مطب هوا بحس اني حصلتلي عمليت انتقال زمني :D
انا عندي مش بنقل الجير قبل 5 rpm يا ترى الماتور بتاعي بيعيش اخر لحظاتوا ولا فاضلوا قد ابه كدة :D

**Powert** · 14-11-2007 11:41 PM

لأ ما تقلقش بس بلاش 5 RPM لانها قليله جدا

خليك على 7 RPM وابقى جرب هتلاقي الماتور

بيصوت وممكن يلم عليك الناس :D :D :D

**شاهين - بنز** · 23-11-2007 01:18 PM

كنت راكب مع صاحبي معاه 1300 مانيوال 2007 جاب بيها 190 وشوية وكان يقدر يقفل ال 200 (طبعا شرط أساسي إن تسقط نقلات)لكن الحكاية كانت عايزة صبر والطريق مكانش ييسمح
وصاحبي التاني معاه كورلا 2005 1300 أتوماتيك جاب بيها 180 سرعة قصوى بس كانت متنحة جامد بعد 160
وبالنسبة لإخواني الأعضاء إلي بيقولوا إن السرعة خطر فسدقوني بتعتمد أولا على الطريئ نفسه وسانيا على مهارة السواء وإمكانيات عربيتو
يعني وأنا مروح من مارينا على طريئ وادي نطرون كنت ماشي 140 وحاسس بالزل وكانت بئيت العربيات الجمدة زي الإس كلاس والكايين وغيره مش أئل من 200 وأنا وائف أتفرج ونفسي أجري زيهم بس إمكانيات الشاهين-بنز متسمحش

**eng_mkhalaf** · 23-11-2007 01:51 PM

1300 مانيوال 2007 جاب بيها 190

مش ممكن - أزاى دة حتى لو سقط الفتيس كلة من العربية مش ممكن أبدا :!: :!: :!: :!:

**ehab** · 23-11-2007 02:22 PM

ممكن حضرتك تشرح لنا يعني ايه اسقط نقله

(طبعا شرط أساسي إن تسقط نقلات)

**Powert** · 23-11-2007 02:47 PM

يعني قصدتة بينزل من السرعة 5 على rmp 3 الى السرعة 4 على RPM 5

وده بيدى عزم اقوى لمحرك على ناقل اقل وبكده بيخلي العربية تسحب اسرع فاتجيب سرعة 200

على ناقلة 4 اسرع ما تجبها على ناقلة 5 بس انا عارف ان اللانسر 1300 اخيرها 180

**شاهين - بنز** · 23-11-2007 11:36 PM

بس انا عارف ان اللانسر 1300 اخيرها 180

صاحبي بتاع ال190 الطريق كان منحدر قليلا وكان ماشي باتجاه الهواء والعربية كانت 2007 فده إلي ساعده في التوب سييد

مفيش حاجة أسمها مهارة السواق !!!!!!!!!!!!!
في حاجة أسمها السواقة ملهاش كبير

طيب أنا حسأل حضرتك سؤال هل سواقت الراجل زي سواقة الست طبعا أكيد لأ

في حاجة أسمها الدول المحترمة اللي بيعمل فيها كدا بيفقد الرخصة و ممكن يدخل السجن

في الدول المحترمة مش بيسجنو إلي بيمشو بسرعة بيسجنو المتبب الرئيس عندما تعمل حادثة وإنت ماشي على الشمال
حفهمك قصدي زي مثلا أما نكون ماشي على الشمال بليل (وفي الحارة دي طبعا مخصصة للعربيات إلي ماشية بسرعة ) وفجأة تلاقي واحد راكب مقطووة شي على 60 على الحارة الشمال وطافي النور ومفيش أي عاكس ولا واحدة ست ركنه عربيتها على الشمال وتدخل فيه يبقى ساعتها أكيد هو إللي غلطان

في حاجة أسمها إن لو كاوتش فرقع منك و أنت ماشي على 140 مش زي ما هايفرقع منك و أنت ماشي على 80 أو 90 أو حتى 100

طبعا إلي ناوي يسحب جامد بالعربية مينفعش يمشي بكوتشات متهالكة وفي الآخر يحط السبب على السرعة لإن الكوتشه لو جديدة وتيوبلس مش حتفسي على طول حتاخد بالك قبلها

في حاجة أسمها إن عربيتك بتبقى خارج نطاق التحكم القيادي و هي أعلى من 100

سدئني لأ والله إللي متعود يمشي بسرعة بيبقى مسيطر على العربية جامد على أي سرعة ولو حصل أي موقف بيقدر يلحق نفسه

و ربنا لا يسامح المتسببين بالحوادث و اللي بيكابروا و ميعترفوش بالغلط

أنا معاك حق 100% زي إلي بيمشوا بسرعة جنونية داخل المدينة وده غلط طبعا أما على الطرق السريعة فده عادي
وبرضه :
المقطورات إلي بتمشي على الشمال لأ وبدون نور كمان
و الحريم إلي بتركن على الشمال
و الناس إلي بيعدو الشارع وفاكرين نفسهم بيتمشوا على الكورنيش
و سواقين المكروباصات إللي بيكسروا عليك
والناس إلي بتوقف أدام مرة وحدة وتلف من غير إشارة

**أبو عبدالله** · 24-11-2007 01:14 AM

اقتباس:

في حاجة أسمها إن عربيتك بتبقى خارج نطاق التحكم القيادي و هي أعلى من 100

سدئني لأ والله إللي متعود يمشي بسرعة بيبقى مسيطر على العربية جامد على أي سرعة ولو حصل أي موقف بيقدر يلحق نفسه

يا اخي الكريم السرعه ليس فيها تعود ومش تعود لأن التحكم مش بيبقى في ايدك اصلا

-

الموضوع: اخر سرعه 160

LinkBack

أدوات الموضوع

عرض

-

-

-

-

المواضيع المتشابهه

سرعه البديهه و سرعه الرد .

سرعه ال rpm

مثبت سرعه ؟؟؟؟؟؟؟؟

تحديد سرعه

اقصى سرعه

الكلمات الدلالية لهذا الموضوع

المفضلات

المفضلات

ضوابط المشاركة