الموضوع: ممكن نصيحه لسيده عايزه عربيه كويسه ورخيصه

على فكرة 127 مش وحشة زي منتي متخيلة انا قعدت بيها يجي 3 سنين
والماروتي كمان مش وحشة
وعموما اي عربية مستعملة ليها مشاكلها
فمتقعديش تغلبي نفسك كتير بالسؤال لان مفيش قدامك خيارات كتير
ومشي نفسك مؤقتا بحاجة منهم لغاية ما ربنا يرزقك بالزيرو ان شاء الله

لا هاقوللك نصيحه ولا هاقولك اسعار
تعالى نتكلم عن وضعك زى ماوصفتيه
واحده ست = عربيه زيرو عشان تشترى كرامتك وماتتبهدليش
معاكى ابنك بس = عربيه صغيره فى الحجم هاتأدى الغرض
مشاويرك قليله وميزانيتك على ادك = عربيه السى سى بتاعها صغير توصلك وبأقل مصاريف بنزين كأنك راكبه مواصلات
معاكى من 12 ل 15 الف = مقدم عربيه

يبقى مفيش قدامك الا فئة العربيات ال 900 وال 1100 سى سى
يعنى يا اما صينى يا اما ماروتى
نقول ماروتى لان سعرها اقل مشاكلها وهى زيرو تكاد لا تكون او منعدمه تقريبا
سهولة صيانه لبدائية التصميم يعنى اى حد يشتغل فيها وباقل مصنعيه
حريمى جدا
ناعمه وسهل التعامل معها
تركن فى اى مكان
لو اتخبطت حاجتها بتلاته مليم وللعلم الفيات حاجتها غليت جدا دلوقت واحد صاحبى شارى شنطة فيورا بالف ونص والكبوت وصل الف جنيه
ضريبه قليله بالنسبه لعربيه زيرو
طبعا افضل من الصينى من الناحيه العمليه وبمراحل
عيبها مش مكيفه
مقدم 12 او 16 الف يعنى تقريبا تقريبا نص تمنها وقسط لن يتعدى ال 450 جنيه الا اذا كان وراكى التزامات تانيه بقى
نصيحة اخ
انا كنت راكب فيات وهى مش عربيه تنفع لست مش لانها وحشه بالعكس
بس مشاكلها واعطالها كتير وقطع غيارها غير معمره بالمره
بلاش تجيبى لنفسك وجع القلب ومفيش راحه اكتر من ان الواحد يبقى راكن عربيه عارف انه لو قام دورها دلوقتى وقالها يلله الصعيد مش هاتقول لا يمكن لو جبتى عربيه قديمه او فيات مستهلكه هاتعرفى معنى كلامى خصوصا اما تصحى متاخره وعاوزه تودى الولد المدرسه وكمان تلحقى شغلك وتلاقى بسلامتها مش عاوزه تدور اما لان بطاريتها فاضيه لانها بتسرب شحن واما لان الدنيا برد فتفضلى تحاولى تدورى فيها لحد البطاريه ماتفضى شحنى والنتيجه فى الاخر واحد

واسالى زى مانتى عاوزه لحد ماتحسى بالرضا لاختيارك اللى هاتستقرى عليه ان شاء الله

المشاركة الأصلية كتبت بواسطة m000dy

لا هاقوللك نصيحه ولا هاقولك اسعار
تعالى نتكلم عن وضعك زى ماوصفتيه
واحده ست = عربيه زيرو عشان تشترى كرامتك وماتتبهدليش
معاكى ابنك بس = عربيه صغيره فى الحجم هاتأدى الغرض
مشاويرك قليله وميزانيتك على ادك = عربيه السى سى بتاعها صغير توصلك وبأقل مصاريف بنزين كأنك راكبه مواصلات
معاكى من 12 ل 15 الف = مقدم عربيه

يبقى مفيش قدامك الا فئة العربيات ال 900 وال 1100 سى سى
يعنى يا اما صينى يا اما ماروتى
نقول ماروتى لان سعرها اقل مشاكلها وهى زيرو تكاد لا تكون او منعدمه تقريبا
سهولة صيانه لبدائية التصميم يعنى اى حد يشتغل فيها وباقل مصنعيه
حريمى جدا
ناعمه وسهل التعامل معها
تركن فى اى مكان
لو اتخبطت حاجتها بتلاته مليم وللعلم الفيات حاجتها غليت جدا دلوقت واحد صاحبى شارى شنطة فيورا بالف ونص والكبوت وصل الف جنيه
ضريبه قليله بالنسبه لعربيه زيرو
طبعا افضل من الصينى من الناحيه العمليه وبمراحل
عيبها مش مكيفه
مقدم 12 او 16 الف يعنى تقريبا تقريبا نص تمنها وقسط لن يتعدى ال 450 جنيه الا اذا كان وراكى التزامات تانيه بقى
نصيحة اخ
انا كنت راكب فيات وهى مش عربيه تنفع لست مش لانها وحشه بالعكس
بس مشاكلها واعطالها كتير وقطع غيارها غير معمره بالمره
بلاش تجيبى لنفسك وجع القلب ومفيش راحه اكتر من ان الواحد يبقى راكن عربيه عارف انه لو قام دورها دلوقتى وقالها يلله الصعيد مش هاتقول لا يمكن لو جبتى عربيه قديمه او فيات مستهلكه هاتعرفى معنى كلامى خصوصا اما تصحى متاخره وعاوزه تودى الولد المدرسه وكمان تلحقى شغلك وتلاقى بسلامتها مش عاوزه تدور اما لان بطاريتها فاضيه لانها بتسرب شحن واما لان الدنيا برد فتفضلى تحاولى تدورى فيها لحد البطاريه ماتفضى شحنى والنتيجه فى الاخر واحد

واسالى زى مانتى عاوزه لحد ماتحسى بالرضا لاختيارك اللى هاتستقرى عليه ان شاء الله

كلام حضرتك صح الصح ونصيحتك بجد جميله
وانا مياله للماروتي بس خايفه ادفع الفلوس ديه وقسط وقصه وانا اول مره اسوق ولو انا خليت بالي ومشيت بيها على الرصيف، الناس مش حاتخلي بالها عليا
طيب ينفع مثلا الاقي ماروتي كسر زيرو ؟ ويبقى السعر ارحم شويه؟
وفي الحاله ديه التوكيل هو اللي يفحصهالي؟
تخيلوا انا بقيت طول ما انا ماشيه اسأل اللي راكبين ماروتي وكلهم بيشكروا فيها
انا مستغربه طبعا
وبقت كتيييييييييير قوي في البلد

على فكره ، اللي عنده فكره عن تاتا نانو وهل فعلا موجوده في مصر او على وصول في خلال شهر او اتنين يقولنا فين وجت بكام
لان عمرها ما حتتباع في مصر بسعرها التحفه ده ، اكيد اغلى كتيييير

المشاركة الأصلية كتبت بواسطة shnory

لو حضرتك معاكي 15 يبقي تجيبي 127 ب10 او 11 وتخلي الباقي علشات لو فيها حاجه تظبطيها بيهم
بدل ما تدفعي فلوسك كلها في العربيه ولما يحصل حاجه او تكوني محتاجه حاجه تضطري تكشكشي الميزانيه علشان تعمليها
ولومعاكي 100 الف الناس حتقولك زودي عليهم 20 واشتري العربيه الفلانيه احسنلك
زي ما تكون الناس بتطبع فلوس
انا بدلت اطبع بس الورقه ام 200 بتطلع بهتانه شويه وجاري التجارب للتحسين

شكرا جدا والله ، على فكره حضرتك اول واحد رديت عليا وساعدتني في موضوعي بتاع ال 126

رأي حضرتك ايه في الماروتي؟

موضوع القسط ده شرعا يعني مضايقني جدا ونفسي الاقي مخرج منه
الله المستعان