ممكن نصيحه لسيده عايزه عربيه كويسه ورخيصه

**hanykd** · 15-10-2009 01:01 PM

السلام عليكم

توكلى على الله وهاتى ماروتى موديل عالى شوية.

لو فضلتى تفكرى كدة مش حاتجيبى عربيات خالص وبعدين بالنسبة للمشاكل كل العربيات فيها مشاكل حتى الزيرو بردة بتظهر فيها مشاكل أحياناً.
الماروتى أنسب حاجة ليكى وبالذات فى أليكس يعنى لا جرى ولا كبارى ولا سكك طويلة زى كايرو

أخوك فى الله هانى

**coco511** · 15-10-2009 01:12 PM

المشاركة الأصلية كتبت بواسطة hanykd

السلام عليكم

توكلى على الله وهاتى ماروتى موديل عالى شوية.

لو فضلتى تفكرى كدة مش حاتجيبى عربيات خالص وبعدين بالنسبة للمشاكل كل العربيات فيها مشاكل حتى الزيرو بردة بتظهر فيها مشاكل أحياناً.
الماروتى أنسب حاجة ليكى وبالذات فى أليكس يعنى لا جرى ولا كبارى ولا سكك طويلة زى كايرو

أخوك فى الله هانى

جزاكم الله خيرا جميعا
خلاص كده توكلت على الله وان شاء الله ابحث على ماروتي
الوسيط ولا النت ولا ايه؟
ولو حد من اسكندرية يعرف ميكانيكي عنده ضمير وشاطر يقولي
تعبتكم معايا والله بس بجد في ميزان حسناتكم

**AMA** · 15-10-2009 01:41 PM

المشاركة الأصلية كتبت بواسطة coco511

جزاكم الله خيرا جميعا
خلاص كده توكلت على الله وان شاء الله ابحث على ماروتي
الوسيط ولا النت ولا ايه؟
ولو حد من اسكندرية يعرف ميكانيكي عنده ضمير وشاطر يقولي
تعبتكم معايا والله بس بجد في ميزان حسناتكم

نصيحة بجد أبعدى عن النت خالص خالص خالص
لأن أنتى مش شايفة العربية ادامك مهما أتصورت و أتقالك مصروف عليها لما بتروحى مع الميكانيكى أو السمكرى بيقولك دا معمول فيها كذا و كذا و غير كدة بيبقى السعر متزود شوية أو مبالغ فيه

الأحسنلك ممكن الوسيط بس بلاش نت إلا لما يكون حد ثقة بس بصى أنتى تروحى لسمكرى نضيف أو ميكانيكى نضيف تقوليلة عايزة كذا كذا كذا هيدورلك عليها و هيكشفلك كمان عليها بس الأهم من دا كله يكون عنده ضمير لأنه ممكن يجيبلك عربية فيها مشكلةو معينه و يضرب الباقى فى جيبة بالأتفاق مع صاحب العربية لكن أهم حاجة موضوع الضمير
و لو لقيتى سمكرى أو ميكانيكى عنده ضمير هتزودية حوالى 200 جنية ولا حاجة على تمن الكشف على العربية عشان دورلك عليها و كدة

مجرد رأى

**أبو_حمزة** · 15-10-2009 01:46 PM

بصى يا اختنا
اللى اشترى عربيات مستعملة عارف ان المستعمل حالة
سعنى مثلا صعب قوى تقولى ان اكتر حاجة مناسبة ليكى هى 128 موديل السنة الفلانية
لكن الصح انك تحددى اكترمن نوع منسبين ليكى و اللى تلاقى منه حالة مناسبة تتوكلى على الله فيه
انا مجرب ال127 توب و كانت عربية كويسة جدا. مشفتش منها اعطال لمدة سنتين و قبلها كانت 3 سنين مع ابن خالى و باعها لى عشان خد عربية من الشغل و مش محتاجها
الماروتى كانت مع واحد صاحبى جدا و فضلت معاه 5 سنين من الزيرو و عربية كويسة و ما شافش منها مشاكل بس باعها عشان يجيب حاجة مكيفة
ال2 اختيار كويس بشرط الحالة

**mohammedsaid** · 15-10-2009 02:02 PM

عليكى وعلى الماروتى بس اهم حاجا تشوفيها انتى من معرفه من واحد بيبع عربيه عادى حتى من النت من contact بس ابععدى عن انك تقولى لميكانيكى او سمسار دورلى على العربيه ديه لنه هيجيب المضروب مهما كان ثقه وبعدين ترفعى العربيه فى البنزينه هيكشفوا شاسيه وماتور وهتطمنى بس نصيحه موضوع الشرا لما بيطول وانتى محتاجا العربيه بيبقا بايخ اوى

**SHNORY** · 15-10-2009 04:54 PM

المشاركة الأصلية كتبت بواسطة a_h_m_a_d

إستنى ال500 لما تنزل عشان تبقى مستاهله تعبها

بصراحه انت كلامك صح و كل الناس بتقول كده , محدش عارف إن الواحد لما بيفكر يشتري عربية بيعصر نفسه وكل القريبين منه كمان

!!

باااااااااااااشاااااااااا ااااا
عامل ايه يا احمد بيك
بصراحه مقابلات اسكندريه عاوزاك وزعلان جداااااااااا انكم مجيتوش اخر مقابله كانت تحفه
بالنسبه لموضوع الطباعه اخر ورقه طبعتها ب500 كانت الجنيه الليبي
بس بعد ما عملت كل حاجه معرفتش احط عليه صوره عمر المختار ولا انتوني كوين
وعلشان كده المشروع فشل
مستنيك المقابله الجايه انت وطارق باشا سواء عندنا او عندكم

المشاركة الأصلية كتبت بواسطة coco511

اتوبيس كام بيروح فين؟!

اتوبيس 106 بيروح اي حته

**DR.M** · 16-10-2009 12:05 AM

ردود جميله كتير جدا

برجاء التركيز على الشاريد

**lido_pink2000** · 22-10-2009 05:31 PM

اللادا احسن ولا128 ارجو اعطائى النصيحة:b4_611:

**بحري** · 23-10-2009 02:07 AM

لو حضرتك من ميامي في هناك كهربائي اسمه عاطف ممكن يكشفلك على العربية من كله وممكن يجيبلك الي إنتي عاوزاه وهو أمين جدا
مكانه كالتالي
للقادم من شارع ٤٥ قبلي باتجاه البحر بعد النفق تتجه يمينا لدخول طريق عبد الناصر بالمرور أسفل الكوبري ....أول شارع على إيدك اليمين وقبل انتهاء الكوبري على أوله سايبر وأتيليه ملابس ومسجد بجانب الأتيليه
بأسلوب آخر هو في الشارع اللي قبل مستشفى السبع، قبل بتاع الورد والهدايا

الكهربائي في منتصف الشارع وممكن تسألي عليه وتقوليله إنك من طرف دكتور أحمد عبد الحميد
تليفونه
٠١٢١٣٢٥٦٨٦

-

الموضوع: ممكن نصيحه لسيده عايزه عربيه كويسه ورخيصه

LinkBack

أدوات الموضوع

عرض

-

-

-

-

-

المواضيع المتشابهه

عايزه نصيحه اساتذتنا في المنتدي

استشاره عايزه مصابيح شبوره ومكنة رفع زجاج كويسه

ممكن اعرف الليجانزا عربيه كويسه ولا

عايزه نصيحه بس تكون عن تجربه

ممكن اعرف 20 الف يجيبوا عربيه 128 موديل تسعينات حالتها كويسه

الكلمات الدلالية لهذا الموضوع

المفضلات

المفضلات

ضوابط المشاركة