ممكن تساعدوني في اختيار اسم لبنتي

**OilMan** · 14-10-2009 10:50 AM

الف مبروك مقدما وتيجى بالسلامه وتطمن على الام ان شاء الله انا راى بس جودى وريماس وجنه ولاميس وهاجر يعنى ديه اسماء انا كنت حاططها لنفسى بس الحمد لله ربنا اراد يرزقنى بالولد الثالث

**hani945** · 14-10-2009 11:29 AM

المشاركة الأصلية كتبت بواسطة ahmedrefatzm

اخى الحبيب .. انصحك فى الله اختيار اسماء اسلامية احياءا وتمجيدا لاسماء امهات المسلمين والصحابيات ( عائشة ، فاطمة ، زينب ، اسماء ، خديجة ) وممكن اسماء من القرأن الكريم ( سندس ، جنة ، تسنيم ) كلها اسماء جميلة والنية فى التسمية منها لها اجر كبير .. واخيرا اسأل الله ان يهبك ذرية صالحة من لدنه انه سميع الدعاء ..ذرية مباركة يا اخى الحبيب ان شاء الله

أنا كمان بقول كده

**أشرف العدوي** · 14-10-2009 11:29 AM

خد الاسم ده و ادعيلي
ريـــتـــال ( من ترتيل القرآن )
و الف مبروك مقدماً

**SAiF3S** · 14-10-2009 11:45 AM

الف مبروك مقدما وتتربى فى عزك وربنا يبارك لك فيها

انا اخر العنقود عندى بنت و قعدت زيك ادور على اسامى لان البنات غير الولاد اساميهم بتحير بتبقى عايز اسم مميز و يشدك
انا أسميت بنتى شــادن وعلى فكره الاسم عربى أصيل ومعناه ابنة الغزال او الغزاله الانثى الصغيره

وكمان فى شعر فى الاسم ده
1
و" شَادِنُ " مرَّ بنا يجرح باللحظ المُقُلْ بدرًا أراه أبدًا طالع سعدٍ ما أقلْ2

وفي الحي أحوى، ينفض المرْد " شادن " مُطاهيُ سمطيْ لؤلؤٍ، وزبرجدِ خذول، تراعي ربربًا، بخميلة تناول أطراف البرير وترتدي
3
أعياني " الشادن " الربيبُ اكتب أشكو فلا يجيبُ من أيل أبغي شفاء دائي وإنما دائي الطبيبُ4

بأبي " شادن " بديع الجمال أعجمي الهول، فصيح الدلال
5
و " شادن " قد بكى عشقًا فأعجبني بنرجسٍ صب مًاء على وردِ
6
و " شادنٍ " لما بدا أسلَمَني إلى الردّى بظرفه ولطفه وطرفه لما بدا أردتُ أصيده فصاد قلبي وعدا
7
صَيادَ آرامٍ، رماه الهوى " بشادنٍ " لا بُرء من حُبِّه (أحمد شوقي)
8
كم " شادن " قاد لي الحتوفا بمرْبَع القلبِ الذي سَمَنْ يسيل من لحظه سيوفا فالقلب بالروع ما سكن

الابيات مش عاوزه تظبط الرابط هنـــــــــا
باقى الاسماء اللى بتعجبنى سلمى ,ريتاج ,ملك ,ساره

**أبو إياد** · 14-10-2009 11:47 AM

فريده

الاسم ده كله وقار وشيك ونادر جدا واسك ذواتى وربنا يباركلك فيها

**نور القمر** · 14-10-2009 11:57 AM

انا كنت عايزة اسمي زينب لو كنت جبت بنت
سلمى جميل
نور
لبنى
محدش يضحك

**ashraf229** · 14-10-2009 12:09 PM

المشاركة الأصلية كتبت بواسطة ahmedgen2

سلمى وملك حلوين أوى ... سارة كمان تحفة.

أنا بنتي اسمها سارة.........و ان شاء الله لو جبت بنت تانية ناوي أسميها سلمى ان شاء الله

نصيحة بس ابعد عن الأسامي اللي انتشرت اليومين دول زي جنا و هنا و حلا و ريتاج و حبيبة و زينة و ملك و هكذا يعني لأنهم كتروا أوي و موضه كده و هتبطل و انا بأحس انه كله بيقلد بعضه و خلاص

زي أسامي الولاد كل ابناء مصر بئوا أسمهم يوسف و ياسين و عبد الرحمن !!!!!!!!!!!!