سألت ناس كتير في الشوارع عن الاسبرانزا وده كان رأيهم هو

**eng_mkhalaf** · 22-11-2007 11:19 AM

يا بورت فى فرق فى الأسبيرانزا والانوس دية صينى ودية كورى ودية فيها أوبشن كتير ودية مفيهاشى أوبشن وفرقالسعر فى المستعمل ممكن يوصل 7 -8 إلاف جنية وكمان ركوبة تانية خالص لصالح السبيرانزا طبعا بس دة بيكون لصالح الانوس فى الأعتمادية واحدة بقالها سنتين فى السوق ولسة الدنيا ضالمة وواحدة من 99 بتجرى على الأرض
فالى بيشترى بيشوف عايز أية ومتطلباتة أية ويروح يجيب إللى عايزة أولا وأخيرا حسب متطلباتك أنت من العربية عايز أية وبكام هو دة الحرفنة فى أتخاذ القرار ولولا كدة كنت لقيت الناس كلها ركيبت لانوس أو فيرنا أو شيرى يعنى كلها هتبقى ماركة واحدة

**Nader** · 22-11-2007 02:26 PM

يا بورت دة مجرد مثال على السيارات الصيني بوجة عام وطبعاً مكنتش بقارن الـ128 بالاسبرنزا، حتى لو زيرو ...لان دي فئة ودي فئة تانية خالص.

**Powert** · 22-11-2007 02:58 PM

بصوا دايما في المواضيع اللي زي دي بحب اهرب من الموضوع ومابحبش الجدل علشان كده بعلق واقول

" لن أعلق حتى لا يأخذ الموضوع اسلوباً جدليا "

يلا انا زوخت منكم :D :D :D :D

**أبو عبدالله** · 22-11-2007 04:18 PM

يعنى أنت ضامن عربيتك لهذا الحد يا أبو عبد الله........ ما شاء الله دا أنت كدا عربيتك تساوى مليون مية جنيه (على فكرة حتى لو دا تمنها برضه ما تضمنهاش لأننا كلنا ماشيين بستر من عند ربنا بس)

يا ساتاذ ابو عمار مش مليون وله حاجه اي عربيه محترمه زي اللي موجودين في الخليج كده العربيه بتتفحت في الطرق الطويله بتاعتهم وبالتكييف ومحمله والعربيات ماشيه ميه ميه

طيب عربيه زي دي ابقى دافع فيها 70 الف ومع ذلك وانا في نص البلد او في مشور لا يقارن بتاتا باللي في الخليخ وتبقى فيها اعطال ومشاكل

ده كلام

وزي ما قولت قبل كده
انا اعرف ياريس ولانوس راحو السعوديه ومحملين ورجعوا ومفيش اي مشكلة

اللي راكب اسبرنزا بقه يقدر يثق في العربيه ويحملها ويركب اهله فيها ويطلع مشوار زي ده
وخلي بالك اني بتكلم على ياريس ولانوس
يعني اقل فئة في انواعهم وماركتهم

**eng_mkhalaf** · 22-11-2007 04:27 PM

طب هو فى حد قال أنى العربية الصينى متقدرشى مثلا تعمل 500 كيلو على نفس واحد - أعتقد أنة سهل لأنى صحابى واخدين طريق القطامية العين السخنة 350 فى الأسبوع ممكن 3 مرات يعنى 1050 كيلو فى الأسبوع سفر بس وعربياتعهم زى الفل وتشوفها تقول زيرو وبيجروا بيها جرى جامد

**أبومعاذ** · 22-11-2007 05:35 PM

المشاركة الأصلية كتبت بواسطة Nader

انا بتكلم هنا بالنسبة للامكانيات المادية ... طيب انت لو راكب 128 "انا معايا واحد علشان محدش يقولي بهاجمها" ومسافر بيها مثلاً مش ممكن تعملها معاك في الطريق؟؟ ولو عملت بيها حادثة لقدر الله اية هتكون حالتها تفتكروا؟؟ ولا نتكلم على ثبات الـ128 الشبة منعدم على السرعات العالية "لما بتجيب 120 هتحس ان موتور العربية عاوز يفرقع في وشك وعمال يزعق فيك ويقول لك انت يا عم شيل رجلك من على دواسة البنزين " وتقعد العربية ترقص وتتنطط بيك زي المراجيح طبعاً مع موسيقي ملحمية شخللية ناتجة من "شخللة وتزيق العفشة" هي هي نفس النظرية بس مع الفارق وعموماً هذا رأيي ومرحباً باراء الاخرين.

المشاركة الأصلية كتبت بواسطة Nader

يابو عبد الله انا في نظري الحكاية ان العربية الصيني بشكل عام حلوة ولا لأ دي حكاية نسبية... ازاي بقى الكلام دة؟؟ هنقول مثلاً شاب صغير لسة مطلع رخصة وعاوز يجيب عربية في حدود من 20 لـ 30 الف مثلاً الفئة دي السعرية دي مش هتلاقي فيها موديلات قريبة الا نادراً زي ax مثلاً ولو ممكن برايد ولا اونو بس هيبقوا محتاجين تصرف عليهم كمان 4 الاف ولا حاجة... فالمهم اية اللي ماشي في السوق في الفئة دي التوابيت المتحركة زي الـ128 والـ127 والبيتل والكلام دة كلة على فكرة انا معايا برضة 128 وهخلي كلامي عليها، اية هي عوامل الامان اللي في الـ128؟؟ لو عندك رد ابقى قولي :) اة انا افتكرت ... فيها حزام امان و90% مهوش لازمة لانة من غير بكرة يعني منظر وخلاص علشان المخالفات. طيب نتكلم عن الثبات ... العربية لما بتجيب 90 بتفتكر انها قاعدة في فرح فبتقعد ترقص وتهز!! ولو قلبك جامد وعربيتك متظبطة 150% ووصلت لسرعة 120 ك. يبقى انت كدة على حافة الموت لان العربية بتبقى طايرة عن الارض في ساعتها واي ظلطة في الشارع هتروقها هي باللي فيها!.

وفي الوقت ذاتة ما مثلاً بنفس السعر دة انت ممكن تجيب عربية من العربيات الصيني المستعملة بقالها 3 سنين ولا حاجة ومش هتختلف كتير عن الـ128 بل هتتفوق عليها في بعض النقاط.

خلاصة القول انت لو بتتكلم على عوامل امان وكدة مش بيبقى في الفئة دي نهائي.

وانا عن نفسي الـ128 دي بقالها سنة ومريت بالتجربة دي قبل شراها وفضلتها في الاخر لسهولة صيانتها ورخص قطع الغيار وتوفرها في كل مكان، غيري ممكن متفرقش معاة الاسباب دي ... دي عملية نسبية.

انت متاكد انك معاك 128؟؟
عموما انا معايا واحدة بتجيب 140 و باخد بيها ملفات على السرعة دي و صورة العداد في التوقيع

**Nader** · 22-11-2007 06:37 PM

1100CC??!

حتي لو كدة فدة شئ نادر الحدوث مع الـ128 حتى لو متسقط لها موتور اكبر واديك انت مش مصدق نفسك ومصورها لانة شئ غير معتاد، وعموماً خلي بالك فمن السرعة ما قتل وخصوصاً مع الـ128.

مع العلم ان عداد الـ128 مش بيبدأ من الصفر وبيقف على عند بداية الـ15 تقريباُ.

-

-

الموضوع: سألت ناس كتير في الشوارع عن الاسبرانزا وده كان رأيهم هو

LinkBack

أدوات الموضوع

عرض

-

-

-

-

-

-

-

المواضيع المتشابهه

سألت اوماترا

اتمنى ان يعطينى الاعضاء الكرام رأيهم فى الموتور الجديد للجولف

ممكن أصحاب الميجان يقولوا رأيهم لازم اخود القرار بسرعة

سألت حكيم ؟

بعد إذنكم أهل الخبرة يعطونا رأيهم في الدايو سليو

الكلمات الدلالية لهذا الموضوع

المفضلات

المفضلات

ضوابط المشاركة